"Good morning daph," pag bati sa akin ni Clyde.
"Good morning," bati ko naman sa kaniya pa balik.
I'm busy arranging my papers kaya naman hindi ko na siya gano'ng pinansin.
Narinig ko nalang iyong mga tunog ng pusa kaya naman hindi ko na siya inabalang tignan pa. Alam ko naman na do'n talaga ang diretso niya tuwing dumarating siya rito sa condo ko.
Buti nalang talaga ay hindi gano'ng mabigat ang trabaho ko sa coffee shop. Nagkakaroon pa rin ako ng oras para makapag isip.
Minsan naiisipan ko na mag workout. Pero hanggang isip lang ang mga iyon dahil pakiramdam ko mananakit lang ang buong katawan ko kung ipagpapatuloy ko 'yon. Kaya naman nauuwi nalang ako sa pagyoyoga kapag pakiramdam ko punong puno na ng karga ang utak ko.
So far, effective naman.
Habang nag aayos ng mga papel, nanlaki ang mga mata ko nang mapansin ko si Clyde na walang face mask na suot.
Nasa couch kasama ang mga pusa!
Agad akong tumayo at kinuha ang dalawang pusa palayo sa kaniya. "Wala kang facemask!" Sabi ko habang tinuturo ang mukha niya.
Nahalata ko ang pagtataka sa mukha niya no'ng una pero napalitan din ito ng pag tawa kalaunan.
Hindi niya ba naintindihan 'yong sinabi ko?
"Hindi mo ba naintindihan 'yong sinabi ko? Wala kang facemask Clyde! Bakit ka lumalapit sa mga pusa?" Pag ulit ko sa kaniya dahil medyo naiirita na ako sa pag tawa niya.
Kahit na alam ko naman na mayaman sila at kayang kaya niyang ipagamot ang sarili niya kung ano man ang mangyari kahit anong oras, siyempre hindi pa rin mawawala sa akin ang guilt kapag may nangyari sa kaniyang masama.
Nandito siya sa lugar ko at mga pusa ko ang kasama niya. Kahit pa sabihin na pusa namin siyang dalawa, hindi pa rin ako mapapakali kapag may nangyari sa kaniya.
"I'm now taking antihistamine," aniya bago lumapit sa akin para kunin ang mga pusa sa bisig ko.
I know that. That's for his allergy.
Huminga ako ng maluwag dahil sa sinabi niya. "Bakit ngayon mo lang sinabi?"
"Ngayon ka lang nag tanong, e." Sagot niya naman.
I rolled my eyes. Pilosopo.
"So, nag patingin ka na sa doctor?"
"Yeah. We just did a skin test and blood test, then after that, they gave me a antihistamine." Pagpapaliwanag niya.
Tumango naman ako sa mga sinabi niya.
Mukhang ang saya niya ngayong nakakalapit na siya kila Bella at Rocky ng hindi nag mamask.
Niyaya ako ni Clyde ngayon para ihatid. Pumayag naman ako dahil nitong mga nakaraang araw, busy ang mga tropa niya sa mga ginagawa nito kaya naman nawawala na rin iyong kaba ko kahit papaano.
Nagiging komportable na rin ako na sumabay sa sasakyan niya habang tumatagal.
Hyss.. nakakamiss din kasi na magkaroon ng sasakyan. Nasanay rin ako sa province na hatid sundo ng sasakyan namin.
"Bakit busy ngayon ang mga kaibigan mo?" Tanong ko sa kaniya habang nasa loob kami ng sasakyan niya papunta sa AU.
"I don't know," simple niyang sagot habang ang mga mata ay nasa daanan pa rin.
Gusto ko lang talagang basagin ang katahimikan sa pagitan namin.
Alam kong mahilig ako sa tahimik na kapaligiran noon pa man. Pero simula nang makilala ko si Clyde, parang hindi ako sanay na tahimik kaming dalawa. That makes me feel weird. Siguro, maliban na lang kapag nag-aaral kami parehas.
