Unicode
—͟͟͞͞𖣘 ရှောင်းဧကရာဇ်၏ ကြင်ယာတော်ဝမ် 🥀✨
💎ღ 𝑪𝒉𝒂𝒑𝒕𝒆𝒓 12 💎ღ { မယုံကြည်နိုင်သော ရပ်တည်မှု }
ရင်းနီးလွန်းလှသောအသံလေး၏လာရာစီ မင်းသားကျန့်လှည့်ကြည့်လိုက်မိစဥ် အံ့သြရိပ်များအပြည့်ဖြင့်မျက်လုံးများဖြင့်ဝိုင်းစက်သွားရပြီး တအံ့တသြပဲခေါ်လိုက်သည်။
" ရှောင်ဝမ်..? "
ရှောင်ဝမ် တကယ်ပဲသူ့စီရောက်လာခဲ့တယ်ပေါ့။
နောက်ဆုံးတော့ နန်းဆောင်ကနေထွက်လာခဲ့ပြီပေါ့။ဝမ်ရိပေါ်မှာ အခုထိမင်းသားကျန့်၏လက်မောင်းအားဆွဲကိုင်ထားလျက်ဖြစ်ကာ သူ့အားအံ့သြစွာခေါ်လိုက်တဲ့မင်းသားကျန့်အား ဟီး...ဆိုကာပြုံးပြလိုက်မိသည်။
အင်းလေ..ဘာလုပ်ရမယ်မှန်းမှမသိတာ။သူအပြုံးများသုံးစက္ကန့်ပင်မကြာလိုက် သူ့တစ်ကိုယ်လုံး တစ်ဖက်လူ၏ရင်ခွင်ထဲနစ်မြုပ်သွားတော့သည်။
မင်းသားကျန့်က သူ့အားဆွဲယူပွေ့ဖက်လိုက်တာပင်။
ဝမ်ရိပေါ် မယုံနိုင်စွာဖြင့်ပါသွားရ၏။
ဘာကြောင့်များဒီလိုပြုမူသလဲမသိပေမယ့် သူလည်း အစ်ကိုကြီးကျန့်ကိုသတိရနေရတာမို့ ပြန်လည်ပွေ့ဖက်ပေးလိုက်၏။တကယ်တော့သူ၄ရက်မြောက်နေ့ကစဥ်းစားခဲ့သည်။
ဒီလိုအတွေ့မခံပဲနေတာက သူတို့နှစ်ယောက်၏ဆက်ဆံရေးကို ကျဲသွားစေနိုင်သည်။
အခုသူကြိုးစားနေတာက ဇာတ်လိုက် သို့မဟုတ် မင်းသားကျန့် သို့မဟုတ် အစ်ကိုကြီးကျန့်နှင့် ညီအစ်ကိုသံယောဇဥ်နှောင်ဖွဲ့ရန်ပင်။
ဒီလိုသာရှက်ပြီးဆက်သွားနေမယ်ဆို ညီအစ်ကိုတော်ရန်ဝေးသွားမည်ဖြစ်ကာ မနည်းဆောက်တည်ခဲ့ရသောဆက်ဆံရေးလေးလည်း ပျက်စီးသွားနိုင်သည်။
ထိုသို့ဆို ဇာတ်လိုက်နဲ့သူနဲ့ရေစက်ကုန်သွားလိမ့်မည်။
ရန်သူတော်အထိပါအဆင့်တက်သွားနိုင်၏။
ထို့ကြောင့် အစ်ကိုကြီးကျန့်အပေါ် ရှောင်ဝမ်ကဘယ်လောက်ထိလေးစားအားကိုးကြောင်း ဆက်လက်ပြသမှကိုဖြစ်မည်။ထိုသို့စိတ်ပိုင်းဖြတ်လိုက်သောဝမ်ရိပေါ်သည် ၅ရက်မြောက်နေ့တွင် သူအစ်ကိုကြီးကျန့်နှင့်တွေ့ပါကပြောရမည့်စကားများကို သီကုံးလေ့ကျင့်နေခဲ့၏။
ဟိုအဖြစ်အပျက်တုန်းက နမော်နမဲ့နိုင်မှုကိုလည်းတောင်းပန်ရန်ရည်ရွယ်ထားသည်။
တကယ်ကြီးလည်း သူပြန်စမ်းစစ်မိတော့ သူလည်းဇာတ်လိုက်အပေါ် တကယ်သံယောဇဥ်ဖြစ်နေလေပြီ။
အရင်ဘဝကတစ်ဦးတည်းသောသားဖြစ်ခဲ့ရတဲ့အတွက် အစ်ကိုကြီးကျန့်ကို အစ်ကိုအရင်းတစ်ယောက်လိုတွယ်တာနေခဲ့ပြီဖြစ်သည်။
စိတ်နှစ်ကိုယ်နှစ်ကိုပင် အစ်ကိုကြီးကျန့်နှင့်သူ ရန်သူမဖြစ်ချင်တော့ပေ။
![](https://img.wattpad.com/cover/291926038-288-k25520.jpg)
YOU ARE READING
ရှောင်းဧကရာဇ်၏ ကြင်ယာတော်ဝမ်(COMPLETE)
Fanfiction🆉🅷🅰🅽🆈🅸 rebirth ဇာတ်လမ်းလေးပါ ရိပေါ်လေးကဝတ္ထုထဲရောက်သွားပြီး ကျန့်ကောနဲ့တွေ့မှာပါ ဗီလိန်လေးနဲ့ဇာတ်လိုက်ကြီးရဲ့အချစ်ဇာတ်လမ်းလေးအကြောင်းပါနော်😁 wp မှာပါလာတင်ပါတယ် ဖတ်ပေးကြနော်😙 🆉🅷🅰🅽🆈🅸 rebirth ဇာတ္လမ္းေလးပါ ရိေပၚေလးကဝတၳဳထဲေရာက္သြားၿပီး က်န...