"မင်းသာမရှိရင် ငါကလောကကြီးကိုဖျက်ဆီးမဲ့မိစ္ဆာတစ်ကောင်ဖြစ်လာမှာ။"
..................................................................
သူ့မျက်နှာပေါ်တွင်မိန်းမောနေသောအကြည့်ရှိနေသည်ကို ရှုလင်ကျားမြင်လိုက်ရရင်း ၎င်းကိုဆွဲဖြုတ်ရန် သူ့လက်ဖဝါးကိုမြှောက်လိုက်ချိန်တွင် စနစ်ကအလျင်စလိုပြောလာသည်။
[ဒါကမိန်းမဝတ်မြေခွေးဝတ်စုံပဲ! ဒါကိုဝတ်တာက မင်းရဲ့ဒဏ်ရာပြန်ကောင်းလာတဲ့အရှိန်ကိုကူညီပေးတယ်! ဒါကမင်းရဲ့ဒဏ်ရာကိုသက်သာစေတဲ့အရှိန်ကို ၃၀ရာခိုင်နှုန်းတောင်မြှင့်တင်ပေးတာနော်! ကျေးဇူးပြုပြီးတော့ အဖိုးတန်တဲ့ပစ္စည်းတွေကိုတန်ဖိုးထားပါ!]ထိုအမည်နာမသည်ကား ရှုလင်ကျားအတွက် အခြားသောရက်စက်သည့်တိုက်ကွက်တစ်ခုပင်။ သူမျက်မှောင်ကြုတ်လျက်ပြောလိုက်သည်။
"ငါကယောက်ျားရင့်မာကြီးလေ။ ဒီလိုမိန်းကလေးဝတ်မြေခွေးဝတ်စုံကိုဘာလို့ဝတ်ရမှာလဲ။ မြန်မြန်ချွတ်လိုက်စမ်း၊ ငါလုံးဝဝတ်မှာမဟုတ်ဘူးနော်!"သူ့မျက်နှာကသွားပြီ၊ ဒဏ်ရာပြန်ကောင်းလာဖို့မလိုတော့ဘူး။ သေလိုက်၊ ဖျက်ဆီးပစ်လိုက်စမ်း!
စနစ်ကဘာမှမလုပ်ပေးနိုင်ပေ။ အဆုံးတွင် သူ့ရှေ့ရှိမြေခွေးလေးသည် သူ့ဆရာသခင်ကိုစိန်ခေါ်ပြီး ထွက်လာရဲသောစစ်သည်တော်တစ်ယောက်ဖြစ်သဖြင့် သူ့ကိုဖိအားပေးဖို့နည်းလမ်းမရှိ။
၎င်းပြောရုံသာပြောလိုက်သည်။
[ဒါကအစ်မရှောင်ကျန်းဆီက မင်းကိုကျေးဇူးတင်တဲ့လက်ဆောင်လေ။ ဒါကသူတို့ရဲ့နှလုံးသားကိုကိုယ်စားပြုတယ်။ ဒါကိုလွှင့်ပစ်တာက မင်းမယဥ်ကျေးရာမရောက်သွားဘူးလား။]ရှုလင်ကျားစကားမပြောဘဲ သူ့လက်ဖဝါးနုနုနှစ်ဖက်မှာ ဖဲပြားပေါ်ကကြိုးတွင်ရှိနေလျက်သားဖြင့် စနစ်ကဆက်ပြောလာသည်။
[ခုနကရင်းနျန်ကမင်းနဲ့ကစားချင်ပေမဲ့ မင်းကမကစားချင်တော့ သူမကိုငိုအောင်လုပ်မိသလိုဖြစ်သွားတယ်။ မင်းသာဒီဖဲပြားကိုလွှင့်ပစ်လိုက်မယ်ဆိုရင် သူတို့ရဲ့နှလုံးသားတွေပစ်ချခံလိုက်ရတယ်လို့ သူတို့တွေခံစားသွားရမှာပဲ။ ဒီကလေးမလေးနှစ်ယောက်ကအရမ်းသနားစရာကောင်းတာ၊ မင်းတောင့်ခံနိုင်လို့လား။]
YOU ARE READING
[COMPLETED] မြေခွေးရှစ်တိနှင့်ဗီလိန်ရှစ်ရှုန်း || ဘာသာပြန်
Historical FictionAuthor: ကျွေ့ယို့ဟောဖန် Total: 118Chapters+4Extras မိတ်ဆက်စာသား: "ဇာတ်ကြောင်းပြန်လည်ရေးသားပြီးသော် အဓိကဇာတ်ဆောင်ရောင်ဝါကားပြန်ရောက်လာခဲ့ပေ၏။" အဓိကဇာတ်ကောင်: ရှုလင်ကျား|| မင်းသား: ကျင်းဖေးထုန်။ This is just a fan translation. I translated this from C...