ပြိုင်ဘက်ကင်းအသန်မာဆုံး သခင်ကြီး

အခန်း ၁၀ စစ်မှန်သော ဇာမဏီကိုးပါးအသွင်ပြောင်းလဲခြင်း

[Unicode]
အခန်း ၁၀ စစ်မှန်သော ဇာမဏီကိုးပါးအသွင်ပြောင်းလဲခြင်း

ကြီးမြတ်သောကျိုးနှင့် တိုက်ကြီးတစ်ခုလုံးတွင်တောင်မှ တစ်ပည့်တစ်ယောက်သည် ဆရာတစ်ယောက်ကို အသိအမှတ်ပြုလိုက်သည်နှင့် သူတို့သည် တစ်သက်တာ ဆရာ-တပည့်များဖြစ်သွားကြမည်သာ။

တစ်ဖက်လူက ရူးသွပ်ကာ နတ်ဆိုးဖြစ်သွားတာမျိုး စံသွေဖယ်သွားတာမျိုးမဖြစ်သ၍ အကျုံးဝင်ပေမည်။ ထိုသို့မဟုတ်ပါက ဘယ်တပည့်ကမှ သူတို့ရဲ့ဆရာ-တပည့်ဆက်ဆံရေးကို အဆုံးသတ်နိုင်ခြင်းမရှိပေ။

ဒါ့အပြင် လူတစ်ယောက်တွင် ဆရာအများကြီးလဲ မရှိနိုင်ပေ။ တပည့်တစ်ယောက်က နောက်ထပ်ဆရာတစ်ယောက်တင်ချင်ပါက အရင်ဆရာထံမှ ခွင့်ပြုချက်ကိုတောင်းခံဖို့လိုအပ်သည်။

အကယ်၍များ ဆရာ-တပည့်ဆက်ဆံရေးကို အင်အားသုံး ဖြတ်တောက်ခဲ့ပါက လူတိုင်း၏ပျက်ရယ်ပြုခြင်းကို ခံရပေလိမ့်မည်။

သိုင်းလောကတွင်တော့ ဆရာတစ်ယောက်၏အဆင့်အတန်းသည် သာလွန်ထူးခြားလှသည်။

ကျီဝူရှားဘက်က သဘောတူလိုက်သော်လည်း လုရှောင်ယန်ကသာ သူမလိုချင်တာကို ပေးလာနိုင်ခြင်းမရှိလျှင် သူမဆုံးရှုံးနစ်နာရပေမည်။

အကယ်၍ ကျီဝူရှားသဘောမတူလိုက်ပြန်လျှင်လဲ သူမ ခရမ်းရောင်ငြိမ်းချမ်းခြင်းတော်ဝင်နန်းတော်သို့ ညှိုးငယ်စွာပြန်ရပေလိမ့်မည်။

သို့သော်လည်း လုရှောင်ယန်၏ရက်စက်လှသည့် စကားများက သူမကိုအလွယ်တကူလက်လျှော့ကာ ပြန်သွားဖို့ခက်ခဲစေပြန်သည်။

ခဏတာ တိတ်ဆိတ်နေပြီးနောက်ဆုံးမှာတော့ ကျီဝူရှား စိတ်ပိုင်းဖြတ်နိုင်သွားခဲ့သည်။

သူမအသက်ပြင်းပြင်းတစ်ချက်ရှူကာ လုရှောင်ယန်ကို တည်ကြည်စွာကြည့်လိုက်ရင်း၊ “ကျွန်မ… ဆရာသခင်အဖြစ် အသိအမှတ်ပြုပါတယ်။”