ပြိုင်ဘက်ကင်းအသန်မာဆုံး သခင်ကြီး

အခန်း ၄၆ အနှစ်သာရခိုင်မြဲခြင်းအဆင့်သို့တက်လှမ်းခြင်း

[Unicode]
ပြိုင်ဘက်ကင်းအသန်မာဆုံးချုပ်ကြီး

စာစဉ် - ၄

အခန်း ၄၆ အနှစ်သာရခိုင်မြဲခြင်းအဆင့်သို့တက်လှမ်းခြင်း

လီတောက်ယန် ထိတ်လန့်တုန်လှုပ်စွာဖြင့် လက်ဟန်ခြေဟန်တွေရောသုံးကာ ဗရုတ်သုတ်ခပြောပြနေသည်။

သူ့ခဗျာ ကြောက်လွန်းလို့ ရူးတော့မလိုပင် ခံစားလို့နေရသည်။

လုရှောင်ယန်၏အကြည့်များသည်တော့ တစ်နည်းတစ်ဖုံ ရှုပ်ထွေးလို့နေသည်။

ကျီရွှေ့တောင်၏လျှို့ဝှက်ချက်ကို လီတောက်ယန် တွေ့ရှိသွားလိမ့်မည်ဟု သူမမျှော်လင့်ထားခဲ့ပေ။ “အဲ့ဒီတော့?”

လုရှောင်ယန် ထူးမခြားနားစွာဖြင့် စကားထောက်လိုက်သည်။ သူ့ခန္ဓာကိုယ်ပတ်လည်တွင်လဲ ရွှေရောင်အရိပ်ငွေ့များဖွဲ့တည်လာကာ ချက်ချင်းဆိုသလို မီတာ၈၀ထက်မနည်းမြင့်မားသည့် ရွှေရောင်ကိုယ်ထည်ကြီးတစ်ခုအဖြစ် ဖြစ်တည်သွားသည်။ ၎င်းရွှေရောင်ကိုယ်ထည်ကြီးမှာ မသေမျိုးကမ္ဘာသို့ သက်ဆင်းလာသည့် နတ်ဘုရားတစ်ပါးနှယ် လေထဲတွင် စိတ်အေးလက်အေး ခြေချိတ်ကာ ထိုင်နေလေသည်။

လီတောက်ယန် : “!!!”

“လောင်လု.. မင်း.. မင်း…” လီတောက်ယန် ထိတ်လန့်တုန်လှုပ်ကာ ပြောစရာစကားများ ဆွံ့အသွားတော့သည်။ ခဏချင်းမှာပဲ လုရှောင်ယန်သည် ဖျက်စီး၍မရနိုင်သောရွှေခန္ဓာကိုပြန်ရုတ်သိမ်းလိုက်ကာ နဂိုအတိုင်း ဘာမှမထူးခြားဟန်ဖြင့် ပြန်ပြောလိုက်သည်။

“တကယ်တော့ ငါ့ရဲ့လက်ရှိခွန်အားကာ စိတ်ဝိညာဉ်အဆင့်မှာမဟုတ်ဘူး။ စိတ်ဝိညာဉ်အဆင့်ကို ဖြတ်ကျော်လာခဲ့တာ ကြာလှရောပေါ့။ ဒါပေမယ့် တခြားလူတွေ ငါ့ကိုအာရုံစိုက်လာမှာမျိုး မဖြစ်ချင်လို့ ငါ့ကျင့်ကြံဆင့်ကို ဖုံးကွယ်ထားပြီး ဘယ်သူ့ကိုမှ မသိစေတာ။”

လီတောက်ယန်၏ နှုတ်ခမ်းစွန်းများ နှစ်ကြိမ်နှစ်ခါမျှ တွန့်တက်သွားရသည်။ ထို့နောက် ဒုတ်ခနဲ ဒူးထောက်ချလိုက်ကာ လုရှောင်ယန်၏ပေါင်ကို လှမ်းဖက်လိုက်သည်။ “ဝူး… ဝူး… ဝူး.. လောင်လု၊ ငါတို့သူငယ်ချင်းသံယောဇဉ်ဘယ်လောက်တောင် ခိုင်မာလှလဲ ပြန်စဉ်းစားပါဦး။ ငါတကယ် ဘယ်သူ့ကိုမှ လျှောက်မပြောပါဘူး။ ငါ့ကိုလွှတ်ပေးပါနော်… ဝူး..ဝူး..ဝူး.. ငါ့ရဲ့အာကေရှားဂိုဏ်းအကောင့်ထဲမှာ ဝိညာဉ်ကျောက်တုံး၅၀,၀၀၀တောင် ဖြည့်ထားခဲ့တာ.. အခုချိန်သာ သေသွားရရင် ဘယ်လိုမှ ငြိမ်းငြိမ်းချမ်းချမ်းဖြစ်မှာ မဟုတ်ဘူး။”