အမြောက်စာခံအတုအယောင်သခင်လေးကပြန်လည်မွေးဖွားပြီးတဲ့နောက်မှာထိတ်လန့်သွားရပြီ

Chapter - 1

Unicode

မင်းသတ္တိရှိရင်တံခါးဖွင့်စမ်း
_____________________

"ဂျန်ရှင်းဆွေ့ တံခါးဖွင့်စမ်း! "

"တံခါးဖွင့်စမ်း မင်းအထဲမှာဘာလုပ်နေတာလဲ မင်းအထဲမှာရှိမှန်းသိတယ်နော်! "

"လူရော? "

ဂျန်ရှင်းဆွေ့ မျက်လုံးဖွင့်လိုက်သောအခါ မူးဝေနေတယ်။ သူ့ရဲ့မှတ်ဉာဏ်တွေက အတိတ်ဘဝသေဆုံးချိန်မှာ ခံစားမိလိုက်တဲ့ နာကျင်မှုတွင်မှာသာ ရပ်တန့်လျက်။ သေဆုံးပြီးတဲ့နောက် သူကချမ်းသာတဲ့မိသားစု​ရဲ့ အစစ်အမှန်သခင်လေးနှင့် အတုအယောင်သခင်လေး တို့​အကြောင်းရေးထားသော ဝတ္ထုထဲကဖြစ်ကြောင်းကို အမှန်မထင်သိရှိလိုက်ရလေတယ်။ သေချာတာပေါ့။ သူသည် ဂျန်မိသားစု​ရဲ့စည်းစိမ်တွေကို မျက်စိကျမက်မောနေသော အတုအယောင်သခင်လေးပင်။ နောက်ဆုံးတွင် သူသည် သူ​၏'ကုသိုလ်'များ​၏အကျိုးဆက်ကို လက်ခံရရှိကာ လောကကြီးမှ ထွက်ခွာသွားခဲ့သော ဗီလိန်တစ်ယောက် ဖြစ်လာပါတော့တယ်။

"ဒုန်း ဒုန်း ဒုန်း"

အပြင်ဘက်တွင်တံခါးခေါက်သံသည်ဆက်လက် ထွက်ပေါ်လျက်ရှိသည်။

"ဂျန်ရှင်းဆွေ့ အထဲမှာသေချင်ယောင်ဆောင်မနေနဲ့ မြန်မြန်ထွက်လာပြီးရှင်းအောင်ပြောစမ်း မင်းတံခါးမဖွင့်ရင် ငါကန်ပြီးဝင်လာတော့မှာနော်!! "

ဂျန်ရှင်းဆွေ့ အစကတည်းက ခေါင်းကိုက်ပြီး မလှုပ်ချင်ပေမဲ့ အပြင်မှအဆက်မပြတ်အသံများကြောင့် ခက်ခက်ခဲခဲ ထထိုင်လိုက်ပြီး တံခါးထဖွင့်ပေးလိုက်ရတယ်။ သူတံခါးမဖွင့်ပါက တခြားပိုဆိုးတာတွေလုပ်လာမည့်ပုံပင်။

"ကလစ်" (**တံခါးဖွင့်သံ)

တံခါးပွင့်သွားပြီ။

တံခါးအပြင်ဘက်တွင်ရပ်နေသော 'ဂျန်ခေါ့' သည် သူ့​၏သား တံခါးဖွင့်သည်ကိုကြည့်ပြီး ပြင်းထန်စွာ မျက်မှောင်ကြုတ်လိုက်မိတယ်။ သူဆူတော့မည့်ဆဲဆဲမှာဂျန်ရှင်းဆွေ့​၏ သွေးမရှိသယောင် ဖြူဆွတ်နေသော မျက်နှာနှင့် လေတိုက်လျှင်ပင် လဲကျနိုင်လောက်သောခန္ဓာကိုယ်ကို သတိထားမိသွားတယ်။