Unicode
အချစ်ရေးကိုဖွင့်ပြောခြင်း
________________________
ပွဲနေရာမှာ သတင်းထောက်တွေနဲ့ မီဒီယာတွေအများကြီးရှိနေတာကြောင့် ပွဲနေရာတစ်ခုလုံးက အလွန်စည်ကားနေလေတယ်။
မိတ်ကပ်ဆရာမက ရှန်ရှင်းဆွေ့ကို မိတ်ကပ်ပြင်ပေးရင်း ပြောလာတယ် "ဆွေ့ဆွေ့ ကောင်းကောင်းမနားရတာ ဘယ်လောက်တောင်ကြာနေပြီလည်း မျက်ကွင်းတွေတောင်ညိုနေပြီ ကြည့်ရတာပင်ပန်းနေသလိုပဲ"
ရှန်ရှင်းဆွေ့ စဥ်းစားလိုက်ပြီးနောက် ပြန်ဖြေလိုက်တယ် "နှစ်လလောက်ရှိပြီ"
"ဒီလိုလုပ်လို့ ဘယ်ဖြစ်မှာလဲ?!" မိတ်ကပ်ဆရာမ အနည်းငယ်အံ့အားသင့်သွားရတယ်။ ဒါပေမဲ့လည်း ကြင်နာစွာနဲ့ပြောလာတယ် "ဆွေ့ဆွေ့က ဒီလောက်အလုပ်တွေ ဆက်တိုက်လုပ်နေတာတောင် အသားအရည်က ဒီလောက်ကောင်းနေတုန်းပဲ ငယ်ရွယ်တာအရမ်းကောင်းတာပဲ"
ရှန်ရှင်းဆွေ့ ဖွဖွပြုံးလိုက်တယ် "ဖုလောင်ရှီးရဲ့ အသားအရည်လည်း မဆိုးပါဘူး"
မိတ်ကပ်ဆရာမကလည်း သဘောတူစွာ ခေါင်းညိတ်ပြောလာတယ် "ဒါကတော့ မင်းပြောတာမှန်တယ်။ ဖုလောင်ရှီးရဲ့အနေအထားက တကယ်မဆိုးဘူး။ ဒီနယ်ပယ်ထဲက အနုပညာရှင်တွေကိုကြည့်လိုက်၊ အသက်30ကျော်လောက်ရောက်ရင် အနည်းငယ်အများတော့ အနေအထားတစ်ခုထိ ကျဆင်းသွားကြတယ်။ အနီးကပ်ရိုက်ချက်တွေဘာတွေဆိုရင် filterအထူကြီးတွေကို အားကိုးနေကြရပြီ။ ဖုလောင်ရှီးကတော့ ဒီအသက်အရွယ်ရောက်နေပြီး အဆက်မပြတ်အလုပ်လုပ်နေတာတောင်မှ အိုလာတဲ့အရိပ်အယောင်တွေ မတွေ့ရသေးဘူး။ သူများတွေနဲ့ ကွာခြားချက်ပဲ"
ရှန်ရှင်းဆွေ့ စဥ်းစားကာပြောလိုက်တယ် "သူကအမြဲတမ်း လေ့ကျင့်ခန်းလုပ်တယ်"
"လေ့ကျင့်ခန်းလုပ်တာကတစ်ပိုင်း၊ သူ့ကိုယ်ပိုင်းထူးချွန်မှုကတစ်ပိုင်းလေ" မိတ်ကပ်ဆရာမက ပိုပြီးနားလည်လေတယ် "မင်းမသိလောက်ဘူး ဖုလောင်ရှီးက မွေးလာကတည်းက ဒီဖက်ပိုင်းကိုကျွမ်းကျင်နေတဲ့အတိုင်းပဲ သူငယ်ငယ်ရွယ်ရွယ် အသက်20လောက်တုန်းကလည်း တကယ့်ကိုအရမ်းချောလွန်းတယ်။ တခြားသူတွေအားလုံးမှာ ရုပ်ရည်ကောင်းမွန်တဲ့ အထွတ်အထိပ်အချိန်တစ်ခုရှိကြပေမဲ့ ဖုလောင်ရှီးတစ်ယောက်ကပဲ အမြဲတမ်း အဲဒီအထွတ်အထိပ်မှာရှိနေနိုင်တာ။ ဖုလောင်ရှီးက မျက်နှာကိုသုံးပြီး ပိုက်ဆံရှာလို့ရပေမဲ့ အရည်အချင်းကိုပဲမှီခိုတဲ့ တစ်ဦးတည်းသောလူတဲ့"
ESTÁS LEYENDO
အမြောက်စာခံအတုအယောင်သခင်လေးကပြန်လည်မွေးဖွားပြီးတဲ့နောက်မှာထိတ်လန့်သွားရပြီ
RomanceTitle - Cannon Fodder Fake Master Was Stunned After Being Reborn {炮灰假少爷重生后惊呆了} Author - 稚棠(ZhiTang) Status in coo - 108 Chapters + 6 extras တစ်ကြောင်းတည်းမိတ်ဆက် - အစက ကိုယ့်ကိုယ်ကို အတုအယောင်သခင်လေးထင်နေတာ လက်စသတ်တော့ သခင်လေးအစစ်အမှန် ဖြစ်နေတာကိုး။...
