جلس وليد وانظاره للهيب الساكن وتفكيره بعيد عنه يحاول يوضح له فكرته وهدفهم الاساسي لينطق بعد التقاطه لانفاسه: طول سنوات سرقتنا كان الهدف واحد ! نجمع ٦٠٠ مليون ونتقاسمها وكل واحد يغادر لبلاد ، ماكان هذا الاتفاق يا لهيب ؟ وش غيره ؟
رفع انظاره لهيب له بسكون وقبل ان ينطق تحدث شهم بجدية واضحه في نظراته ونبرته : هالمره انا مع وليد فكرة انك تلفي خطة مثل هذي لها ارباح كثير مب طبيعيه وجنون بحد ذاته !
سكت وانظاره على الكوب الي بين يدينه بسكون واصلاً لو بيتكلم وش يقول ؟ والله انا شايف لكم ظل يتمايل ؟ ولا قمر اكتمل ؟ ولا ليل يهتز ؟ وللحظة حس انه مو لهيب وان قراره للالغاء هو اكبر اخطاه ليه الغاها ؟ مايدري .، كل هذي الصراعات بقيت بجوف لهيب اما وجهه كان ساكن وهادئ وماكان بداخله نار !
رفع انظاره لوليد الي نطق بحرقه عاشها سنين : لهيب ! حل الظلام بعين عمتي من سنين ، ماتبيي الضوء المنبعث يسعدها !
كانت هالعباره قادره تهز قلب لهيب وجوفه فهو يعرف عمته ويحبها من حبه لمربيته هند ورغم هذا استمر بسكوت ، نطق شهم لاقناعه اكثر وبطريقته المعتاده وهو يشرب من فنجانه : وبعدين كملنا مالعبنا مع جاسم ، غمز بعيناه ونصف ابتسامه : ماتبينا نلعب يا زعيم ؟
على الرغم ان عبارة وليد شبه اقنعته الا ان عبارة شهم كانت الاقوى كره لجاسم يفوق كل التوقعات ويفوق كل الافكار والرغبات بداخله مافي شيء ممكن يسعده الا انه يشوف جاسم بعز انكساره كره له عميق وماضيه معه ماراح ينتسى ابداً ابداً .،
نطق بهدوءه وملامحه احتدت وبدأت الافكار تدور وتنهمر بباله مثل السيل الجاري : تغيرت الخطة
ليبتسم وليد ويرجع ظهره على الكنبه براحة من خضوع رأس العنيد رغم انه ماتوقع خضوعه بس الظاهر في شيء يدور بباله وكل ذا مو مهم الاهم انه وافق : اللحين هذا لهيب زعيمنا .،
.
،
«شوق»
كانت لتو تنتهي اغنيه القيصر لتتنهد وهي تضغط على يسار خصرها بضحكة وتستلقي على احد الكراسي وانظارها لسماء للقمر الذي حجبته الغيمه كان احب اوقاتها هي الاوقات التي تقضيها بمنتصف الليل تتأمل القمر والغيوم والظلمه والله من الليالي القمُريه الاحب لجوفها والاحلى والاجمل بنظرها « ليالي العشاق »
حتى لو كانت من غير عشاق ..،
صوت الطابعات والاوراق والجرايد ورائحة الاوراق الجديدة اعتلى في الاجواء وندأ الصحفي الاول لصحفي الثاني وتركيز الثالث كان الامر بغايه الاهميه والكل مشغول بالكتابة وكانت عنوان نشرت اليوم
« عودت المحقق الجنائي غيث ال دواس منتصرًا »
كل مواقع التواصل الاجتماعي تعج بالحديث عنه وتتداول صوره كان محور الحديث ويصعد اسمه في قائمة الاشخاص المهمين .، ومين مايعرفه ! المحقق الشهير الخارج من كل القضاي منتصراً حفيد كبير المحققين " دواس " والاهم من هذا هو صاحب الطّلة البهية الجذابة المُثيرة وصاحب النظره القاتلة .،
YOU ARE READING
جريمة على ساحة خصرها !
Actionرسائل مهمله تحت وسائد سُرر السجون .. لِهيَب ، انا عود كبريت وحاوية بنزين.! انا لِهيب اقدار وطلقات شاردة انا بوابة جحيم ورأس افعى قاتلة أنا مُنهك.. وأحس إن المسَـافة ركض ما أوصل وأخاف الليل لو طوّل "بلا آميـن" وأصلي خشيةً أذبل أعدّ الوقت بي...
