Unicode
အိပ်ရှေ့သခွပ်ပင်အောက်ရှိ ကွပ်ပစ်တွင် သစ်မင်းမောင် တစ်ယောက်ထိုင်ကာ မယ်ဖူးဆေးပေါလိပ်ကို ခဲနေသည်။
ဆေးပေါလိပ်ကို တစ်ချက်ရှိုက်ဖွာပြီး တစ်ခုခုကိုအလေးအနက်တွေးတောနေ၏။
သူလည်း အသက်၂၅ နှစ်ရှိနေပြီမို့ ရည်းစား
လေးတော့ထားသင့်ပြီထင်ပါရဲ့..။
ခင်ထား လေးကိုပိုးပန်းရတာလည်း မလွယ်ကူလှပေ...မြို့ကြီးသူကျောင်းဆရာမလေးကို ကျောင်းအပြန်သွားသွားစောင့်တိုင်း အမြဲလိုလို ယမကာဂမုန်းနဲ့ပက်ပင်း တိုးသည်။
သူလည်း သူကြီးသမီး မူလတန်းပြဆရာမလေး မြရီ ကိုပိုးပန်းနေလို့ လာလာစောင့်နေတာ သစ်မင်းမောင် သိတာပေါ့။
အလကားကောင် နှာဗူး မိန်းကလေး ကိစ္စအတွက်နဲ့ဆို အမြဲတမ်းတတ်ကြွနေတာ...အမြင်ကိုကတ်တယ်။
"ကော်ရီးးးးးရေ....ကော်ရီးသစ်မင်းရေ....စိုးစိုးဝင်လာပြီနော်.."
ခြံတံခါးကို အသာဖွင့်ဝင်ပြီး စိုးစိုးဆိုသည်။ပါးစပ်ကသာ ဝင်လာပြီဆိုတာ လူကကွပ်ပစ်မှာ ထိုင်နေသော သစ်မင်းမောင် အနားရောက်ရှိနေပြီ။
"ပြော...လာရင်း ကိစ္စ။ အရေးကြီးလား စိုးစိုး... နင် ဒါမှမဟုတ် ခင်ထား နဲ့ငါ့ကိုအောင်သွယ်ပေးမလို့လား.."
"ဟင်းးးးးးစိုးစိုးလည်း ဒီကိစ္စအတွက်နဲ့လာခဲ့တာ...အောင်သွယ်တာကိုနောက်ထားပြီး ဖူးစာမှန်အောင်အရင်လုပ်ကြည့်ပါလား ကော်ရီး.."
ဘာလဲ!..ဘာကိုဖူးစာမှန်အောင်လုပ်တာလဲ...စိုးစိုး ပြောတာ သစ်မင်းမောင် တစ်ခုမှနားမလည်ပါ။
"စိုးစိုး ငါ့ကိုနားလည်အောင်ပြောစမ်းဟယ်..."
"ဒီလိုကော်ရီးရဲ့...ဟိုဘက်ရွာမှာလေ စိုးစိုး သူငယ်ချင်းတစ်ယောက်ကသူလုပ်ဖူးတဲ့ ဖူးစာမြင်အိမ်မက်အကြောင်းကိုပြောပြလိုက်တယ်...အဲ့ဒါ...စိုးစိုးလည်းကော်ရီး ကိုစမ်းခိုင်းကြည့်မလို့... လုပ်ကြည့်လေနော် ကိုယ့်အတွက်အရှုံးမရှိဘူး.."
"ဖူးစာမြင်အိမ်မက်...အဲ့ဒါကဘယ်လိုလုပ်ရမှာလဲ.."
သစ်မင်းမောင် မေးတော့ စိုးစိုး တစ်ချက်ပြုံးသည်။
သူရဲ့ရည်ရွယ်ချက်က အဆင်တွေကိုလင်ပေးစားဖို့ပဲဖြစ်သည်။အဆင်ငမ်းရင်ငမ်း မငမ်းရင်လင်ပေးစားပြစ်မည်။
ဘယ်သူမှလာမတားနဲ့...စိုးစိုးတို့က ဘူးဆိုဖရုံမသီးဘူး။
ကော်ရီးသစ်မင်းရဲ့ အချစ်ရေးအချစ်ရာမှာလည်း အစစ်မဆိုတာမရှိရ...။
အဲ့ဒါကြောင့် ဘေးရွာကသူငယ်ချင်းရဲ့အိမ်မက်ကို သူမေးစမ်းကြည့်လာသည်။
YOU ARE READING
ကြမ်းကြမ်းရမ်းရမ်း ဂမုန်းပန်း( Complete)
Romance" မောင်ပိုင်တဲ့ ဂမုန်းပင်ကို သေခြင်းတရားကတောင် လုယူပိုင်ခွင့်မရှိဘူး.. " သစ်မင်းမောင်..
