النوري:اتركوا بعض... تراكم اخوان وش بيقولون عنّا الناس !؟.....
فهد:امسك لسانك يا محسن مهي بزينَّتلك !
قالها وهو يهدد اخوه محسن
محسن:تجي بعد كل هالسنين وتبي نرحب فيك يا سكيّر!
فهد: محسسسننن
"راح يركض لغرفة امه وطلع رشاش منها
رجع لمحسن والشرار يطلع من عيونه
محسن :وش ناويه عليه يا فهد تبي تذبحني ؟!
فهد: ايه بذبحك تطول لسانك علي يا محسن تحسب نفسك مين !
انا فهد فهد يا محسن!
محسن: ايه فهد السكيّر عديم الحياء انا الي حفظت عرضك وشرفك ضحيت بحياتي يا فهد وانا شايل هم المسؤوليات الي المفروض انت شايلها بس انت رحت هربت يا شبيه الرجال .
"طلع محسن كل الي بقلبه وكأنه يقول تعبت وانا شايل هم مهو لي "
"وَجه الرشاش على محسن واطلق عليه
بعد ما سمع قول محسن شبيه الرجال ...طاح محسن والدمان ملت الارض
النوري:محسنننن
صارت تصرخ بسم ولدها المرمي على الارض وتدق على صدرها"
وش سويت بوليدي يا فهد ،،هذا اخوك اخوك يا فهد تذبحه كذا ليش ليش؟!!!
صارت النوري تشاهق من البكي والحسره راحت لفهد الي تصنّم بمكانه وصارت تضربه على صدره
وتقول :يا ليتني مت قبل ما اشوف هاليوم
راحت تركض لبيت جارهم ابو عايد
النوري :الحقني يبو عايد وليدي وليدي
"النوري صارت تتكلم بصعوبه
ابو عايد:اهدّي يأم فهد وش بلاك وشفيه ولدك ؟!....يا مره تعالي
نادى ام عايد تمسك النوري ..
جت ام عايد ومسكت النوري وصارت تهديها وشربتها ماء
النوري:فهد فهد ذبح محسن ولدي راح يموت راح...الحق عليه يبو عايد
"ابو عايد بعد ما سمع الي قالته النوري راح يركض لسيارته
شغلها وراح صوب بيت راكان
والنوري كانت راكبه معه
وقف قدام حوش البيت ونزلوا يركضون
وقتها كان راكان توه راجع للبيت
دخل البيت وشاف ولده مرمي على الارض والدم مالي المكان.. إنهار بعد ما عرف فهد هو الي ذبح محسن وصار يدور فهد
راكان: فهد فهد وين رحت وين بتهرب يعني كذا تسوي بإخوك يا جبان اطلع
الصراخ ملىء المكان اللي يبكي واللي منهار ...
كانت صّيته ومشاعل عند محسن ينتظرون النوري تجي وينقلونه للمستشفى بينما هدب ماسكة يد ابوها وتبكي
هدب :بابا لا تخليني تكفى يا بابا انا اذا رحت اصير لحالي ماعندي احد لا تروح لا تروح مع ماما يا بابا تكفى!
النوري: ابعدوا عنه ....تعال يبو عايد شيله ولدي لا يموت اترجاك
شالوا محسن للمستشفى كان المستشفى بعيد عن الديرة تقريبًا ساعه
مات محسن بنص الطريق ما تحمل نزف دم كثير ..
طبعًا كملوا طريقهم للمستشفى...
بعد نص ساعة من وصولهم جو الشرطه وعرفوا السالفه وراحوا يدورون فهد ..
دخل راكان لجثة ولده وغسله وقبل لا يكفنه
راكان: لا تخاف هدب بـأمانتي وفهد له مصير ماراح يفلت منه ...
ادري بسالفة صيّته وادري بكل شيء سِكَتْ كنت ابي فهد يحس على نفسه بس ماحس .
كان راكان يتكلم بخيبه على ولده الي مات ولا فهد الي الشرطة تدور عليه ...
غطاه بالكفن وطلع يمسح بدموعه....ما حس على نفسه ألا طاح على الارض
جاه ابو عايد يركض وجلسه على الكرسي
ابو عايد: تصّبر يبو فهد هذي حال الدنيا ...أنَّ لله وإليه راجعون .
تم دفن محسن الساعة 10ص يوم الثلاثاء 16رجب .
احضان الهموم
الليل فى احضان الهموم
لا فيه قمر ولا فيه نجوم
مشيت مشيت
مشيت وطالت خطوتى
والريح جريح في سكتي
يا رحلة الالام يا عمر بالأيام
ماشي الطريق من كم سنة
ماشي الطريق
تعب الطريق ماتعبت انا
تعب الطريق
وباصبر نفسى وبادوس على يأسى
وبادوب حيرتى مع طلعة شمسى
واتوه وسط الزحام اكمل رحلة الايام
عبدالحليم حافظ .
النوري:طفي هـ الراديـو يا بـنت ..
طفته وقامت تحظن جدتها كانت غرقانه بدموعها
النوري:وشـبك ؟!
هدب: تذكرت هالتاريخ 16رجب .
النوري: لاعاد اشـوفك تـطرينه ! خـلاص انسيه وقومـي كنسي الـحوش
بعدت عن جدتها وقالت ...
هدب:امس كنسته
النوري : روحي كنسي بلا هرج زايـد
هدب:حنِّي عليّ شـوي ..
النوري: خلك سنعه زي البنات وانا أحن عليك .
هدب:حاضر
رمت الكلمه بضجر وراحت تكنس الحوش
نروح عند سلطان :
سامي: سلطان في واحد ينتظرك برا
سلطان:منهو ؟
سامي:ما قاله اسمه ....
سلطان:ما شاء الله سكرتير على الفاضي! كيف يدخل المكتب وما اخذتوا منه معلومات ؟
رد سامي بتلعثم: رفض يقول معلوماته
سلطان: واذا رفض نقوله خلاص تفضل يعني؟!!
ما مدى سامي يرد إلا الباب يُطرق..
سلطان:نعم تفضل
انفتح الباب وكانت الهيئة هيئة بنت ...
عفراء: السلام عليكم
سلطان وسامي :وعليكم السلام
ناطر سامي لسطان بمعنى وش اسوي ؟ا ناظر له بمعنى رحِّب فيها
سامي:تفضلي اجلسي ......سلطان انا طالع اذا تبغون شيء انا موجود بمكتبي
سلطان هز راسه بمعنى تمام .
سلطان:مين حضرتك؟
عفراء: عفراء اسمي عفراء راشد
سلطان:حياك الله....كيف اقدر أساعدك ؟
عفراء: ابيك تكون المحامي المسؤول عن قضيتي، في عندي مشاكل تخص العائلة
سلطان:تمام مو مشكلة تقدرين تروحين عند الاستقبال ويسجلون معلوماتك
عفراء: لا ما اقدر
رد سلطان باستغراب من كلامها :عفواً كيف ما تقدرين ؟
عفراء:لازم كل شيء يبقى بيننا بس انا وانت ما اقدر اسجل عند الاسقبال عادي جيب الملف هنا واسجل ويبقى عندك بس
سلطان: فهمت عشان كذا ما عطيتي معلوماتك للموظفين..لكن مع الاسف ما اقدر اخالف القوانين لازم تعطينا بياناتك الكاملة عشان نفتح الملف واكون محاميك ..
قاطعته عفراء باعتراض:الا تقدر تخالف... ارجوك
سلطان:تمام اجل عطيني سبب مقنع...واشرحي مرادك
عفراء: لكون صريحة انا برفع قضية على اخوي واخاف بعدين يدري عشان كذا ما ابي اسجل معلوماتي
سلطان: اوكي فهمت ...بفتح ملف سري بس على فكرة ترا ما يقدر يوصل لاي ملف يخص عملائنا
عفراء: يقدر عنده الف طريقه
سلطان:جاني فضول عن قصة اخوك هذا ...على العموم خمس دقائق أجهز الملف وارجع
مرت الخمس دقائق ورجع سلطان: تفضلي الملف سجلي معلوماتك
خلصت عفراء مليء الملف :تفضل خلصت
سلطان:تمام تعالي يوم الأحد بنفس الوقت هذا عشان نبداء الاجراءات
طلعت عفراء من المكتب ودخل وراها سامي: مين تعرفها ؟
سلطان:لا يا حبيبي ما اعرفها "قالها بصوت مستفز عشانه لسى مشخصنها مع سامي"
سامي: هههههه طيب وش تبغى ؟
سلطان: فتحت ملف سري
سامي: ليش وش قضيتها؟
سلطان:قلتلك سّري وتسأل عن قضيتها شكلك امس مو نايم زين
المهم انا الحين بطلع ،ولا تنسى تجهز لها موعد يوم الأحد بنفس الوقت
سامي:تمام ابشر ...بس ليش يوم الاحد ؟،بكرا ما عندك اجتماعات كثيرة .
سلطان:بروح للبيت اريّح وبكرا الصبح بمسك خط للديره ازور جدي وما يمديني ارجع بنفس اليوم .
سامي: على الحالة هذي دائمًا الله يعين ..طيب حنى متفقين يوم الجمعة نطلع نتمشى مع الرّبع
