بعّد فهد عن النوري وأقترب من محسن ونطق بصراخ:سارة خوذي عيالك وادخلي داخل !
بعد دقائق طلعت على صوت النوري !
شهقت من المنظر ..محسن طايح بالارض وفهد متصنم بمكانه والنوري تضرب بصدره !
بعد ما طلعت النوري تدور العون !
"بارت 2"
فهد تراجع لورا بخطوات سريعه قربت منه سارة ونطقت بترجي وخوف:تكفى يا فهد لا تضيع مستقبل عيالك!
كانت تقصد لا يهرب ويسلّم نفسه !...نزع يدها بقوة وراح يركض لسيارته !
~
صحت من تفكيرها على صوت نِهال:يمه فيك شيء ؟
هزت رأسها بلا ونطقت:جهزي لنا شنطة بنروح لديرة جدك
_بيت الراشد !
جاء فهد واستقبله عبدالله بتمالك اعصاب
بعد مدّة نطق فهد:قبل ما اقول اللي عندي ..ما بيني وبين اختك شيء !
قاطعه عبدالله بحدّة:وكيف عرفتها ؟!
نطق فهد وهو يمسح على ذقنه اللي بايّن فيه الشيب ولكن ما زاده إلا وسامه نظرته الجازمه عينيه القاتمتين !
نحفه الذي زيّن عوارضه البارزه!
رغم عمره الا انه يبدو أصغر بكثير وكأنه شاب ذي اربعين عاماً!: لمحتها بالصدفة وحبيتها !
افتعل الفعل وأنكره!..يمكن عشان عفراء ؟..بس بعد ايش ؟ بعد ما عبدالله ضربها ؟! موقفه لا يُبرر! :مالنا بالطويلة ...انا طالبها على سنة الله ورسولة!
رفع عبدالله عيونه ونطق:وعلى اي أساس انا اعطي اختي ؟!
سكت لثواني واردف:شايب وفوق هذا كله سكيّر !
ضحك بسخريه:طالع منها يا عبدالله ؟!
كان بيرد عبدالله لكن فهد قاطعه:اسمع انا ما اطلب الاذن منك !..
رفع حاجبه الايسر وزَفر بغضب: اجل ليه جاي عندي؟!
فهد:قلت خلني اصير محترم واجي من الباب ،مو هذي تقاليدنا وعاداتنا ؟!
استغفر ربه وأنفاسه حاره !..:واذا رفضت وش بيصير ؟
فهد بابتسامة جانبيه: اقولها لك باختصار ؟
رفع عيونه واردف:بتندم !
بعد دقائق نطق فهد:مهرها 300الف ..عجبك؟
لوهلة أبتسم عبدالله ونطق:اختي اغلى من كذا!
ضحك فهد بسخرية على كلام عبدالله داري انه كذب! ما همُه غير المبلغ !:350
عبدالله بصوت متردد:تم
دق فهد على الشيخ بعد ما أحضر شهود وملكوا
جلست عفراء بالصاله وكامل جسدها يرتجف !
كانت متوقعتها من عبدالله لكن حسّت بالانكسار !
كيف رضى يعطيها بهالسهولة ! بكت بنحيّب وأمها جنبها
ما بيدها شيء !:يمه تكفين سوي شيء !
اكملت بصوت متقطع:يمههه روحي بتطلع بتطلع !
جاء عبدالله ووقف عند رأسها:بيجي يأخذك بعد أسبوع مافي عرس !
_على الطريق
نطقت نِهال بحماس:نجود وقفي ابي ستاربكس
سارة:ستاربكس ستاربكس ما تشبعين انتِ !
نِهال:يمه تكفين قبل ما نَعدّي !
نطقت غيد بصوت طفولي جدًا وعيونها تلمع من كثر البرائه اللي فيها:ماما ابي زي نِهال
التفتت نجود وقرصت خد غيد:عيون ماما انتِ تآمرين أمر
رفعت عيونها لفوق وشمقت: وانا ؟
سارة بضحكة:غارت غارت
نجود: شايفة يمه عقلها عقل نونو
التفتت لدريشة السيارة وكتفت يدينها:يا تشترين لي ستاربكس الحين يا ماعد امسك لك غيد!
ادخلت باللفه ووقفت عند طلبات السيارة:كل شيء الا زعل نِهال
نِهال:ايه كذا حلوين
التفتت نجود لأمها: ايش تشربين ؟
سارة: قـ..
قاطعها صوت نجود ونِهال بنفس الوقت:قهوة سوداء حارة
ضحكت بخفه: من كثر ما اطلب نفس الطلب حفظتوه
بعد خمس دقائق استلموا الطلب:ماما ليه ليه مو نفس نِهال!
نجود:يماما هذا حق كبار
غيد:عادي أصلًا انا كبيره !
سارة بضحكة على برائة غيد: المره الجايه يا كبيره تطلب لك ماما زي نِهال تمام ؟
غيد بابتسامة: تمام
وضربت كف جدتها الممدودة
نِهال:نشبت نِهال انتِ !
وبعثرت شعر غيد القصير
—
بعد اربع ساعات تقريبًا وصلوا للديرة شمسها غابت وبدا الظلام فيها!
وقفت نجود السيارة عند المفترق:يمه متأكدة ؟
تنهدت ونطقت بهمس:الود ودي مسحت طاريها!
نجود:ها؟
هزت رأسها:ايه متأكدة
نِهال:ماما وين بننام ؟
نطقت بنفاذ صبر:وين يعني تعرفين بيت غير بيت جدك !؟
نِهال عقدت حاجبيها :ماما شفيك عصبتي ؟
نجود:سؤالك غبي ..
أردفت:خلونا ندق على سلطان قبل ما ندخل
رفعت سارة جوالها :السلام عليكم
سلطان بترحيب:الله حيّ هالصوت يا اميمتي
تلاشى غضبها :عيون أمك..المهم يا وليدي ترانا وصلنا
سلطان:حياكم الله
سارة:انت وين ؟
سلطان:موجود بالبيت انتظركم
أردف بعد ثواني: اذا زعجتك النوري تجاهليها عشان جدي
تنهدت:ابشر، ان شاء الله
