.
رجع الكرسي لورا وقام : سلطاني !
لف عليها ونطق:هلا ؟
نِهال وهي تغمز: الموضوع الموضوع ؟
أبتسم بطرف ثغرة:قومي البسي
فزت بسرعه وراحت لغرفتها
بينما سلطان التفت لنجود :ودك تطلعين مِعنا ؟
عقدت حواجبه وحطت يدها على خصرها النحيل : كنتم تتهامسون عشان تطلعون بدوني والحين تسأل
رد عليها بضحكة :تكفين يا نجود طلعتي زعوله !
ضربت كتفه بخفه: ماني زعوله !....واصلاً مع الاسف اليوم ما اقدر
تمتم باستغراب: ليه ؟
تمتمت بملل : الساعة ثمانيه عندي عمليه لازم اجريه للمريض والحين لازم اروح للمستشفى
طبطب على كتفها:موفقه
راح وقعد بالسيارة يستنى نِهال
طلعت من الحوش وماسكه رجلها وهي تمشي تحاول تلبس الشوز فتح لها الباب من الداخل :هاه عسى ما تأخرت ؟
حط يده على مفتاح السيارة وهز رأسه:لا لا ما تاخرتي
نِهال : يلا وين بنروح ؟
نطق بينما يضع كوع يده اسفل دريشة السيارة :اختاري
نِهال: تمام نروح للمقهى الجديد اللي عند المزرعة .
المستشفى
جالسة باحدى الممرات ودمعتها عالقة بين محاجرها
فزت من مكانها حين سمعت صوت الباب يفتح :امي !
...امي كيفه ؟
الدكتور نطق بنبرة هادئة: أمك بخير ... ارتفع ضغطها والحين هي تمام
عفراء : مشكور دكتور ... اقدر ادخل ؟
الدكتور: واجبي ...ايوه تقدري تدخلي ... والحمدالله على سلامتها
ما سمعت آخر جملة ودخلت الغرفة بقلق
لقت أمه مازالت في نوم عميق رجعت للدكتور مسرعه
بصوت شبه مُرتفع :دكتوررر
لف عليها الدكتور وعجل خطواته وبقلق:نعم ..فيك شيء ؟
تمتمت بنبرة باكيه وقلق شد على أضلعه : أمي ليه للحين ما قعدت ؟
تنهد بارتياح ورفع كفه يطبطب على كتفها :لا تقلقي شوي وتصحى .
مسك يد الدكتور وزمجر بغضب :يدك شيلها !
الدكتور : معليش مو قصدي... حضرتك مين ؟
رد بفحيح: اخوها !
مسك معصم عفراء وضغط عليه وأردف بنبرة هادئة عكس ما قبلها: شكلك مو سعودي صح ؟
الدكتور عرف لو كمل النقاش واحد منهم بيطلع دم الثاني: ايوه مو سعودي .
مشى عنهم وتنهد وبهمس:الله يعينها على هالغثيث .
سحبها لداخل الغرفة وسكر الباب :عبدالله يدي وجعتِني !
ترك معصمها ورمى الكيسة اللي بيده الثانيه على الكنب :تعرفينه !؟
نطقت بنبرة مُرتجفه: والله ما اعرفه عبدالله تكفى امي تعبانه لا تعيد الأمس!
مسكها من رقبتها وشدها إليه وهمس بأنفاس حاره: عفراء يده كانت على كتفك !
تحاول تبعد يده : وخالقي ما انتبهت كنت خايفه على امي!
رن جواله ارخى قبضته وشالها عن رقبتها وطلع الجوال ورد: تعال بسرعه !
-المقهى
جالسين بإحدى زوايا المقهى ينتظرون الطلب : سلطاني
رفع عيونه :هلا
نِهال: من رجعت من الديرة وانت مو على بعضك، حصل شيء ؟
رجع انظاره للجوال : لا
مدت يدها ووضعتها على يده: طيب ليه وجهك شاحب ؟
طَفى الجوال ورفع انظاره لنِهال: يمكن لاني مانمت زين
خللت اصابعها بيده وضغطت عليها: سلطاني انا اعرفك مو قصة نوم اكيد حاصل شيء !
سحب يده وضم يدها وبنبرة هادئة : وخالق سلطانك مو حاصل شيء
عقدت حواجبها :اجل؟
تمتم بينما ينظر الى العدم :يمكن مشاعر
نطقت بصدمه : اوه مين سعيدة الحظ ؟
كان بيرد عليها لكن قاطعه أصوات الازعاج خارج المقهى وكان واضح انها مضاربه .
نِهال بانزعاج : هذول ما يستحون يتضاربون هنا!
بينما عيونهم على زجاج المقهى الشفاف شافوا بعض الناس اجتمعوا وأصواتهم ترتفع
رجع انظاره للطاولة من سمع رنيّن جواله :الوو ؟
نطق بنفس متقطع :وين انت؟
سلطان :موجود هنا بالرياض ..وش فيك ؟!
اكمل بقلق من لاحظ انقطاع صوته :صهيب رد عليّ فيك شيء ؟!
نطق بصوت مُرتفع : افزع!!
قام مُسرع واخذ عدةْ خطوات وبعدها رجع لنِهال وحط يده على الطاولة :دقي على نجود ترَجعك !
نطقت بنبرة تعتليها الخوف :ليه ؟..وش فيه ؟!
ماسمع وطلع يركض من المقهى وركب السيارة عاود الإتصال بـ صهـيب: أرسلي اللوكيشن!
رد بسرعه : طيب طيب افتح الواتساب !
قفل المكالمة وفتح اللوكيشن طَفى السيارة ثم تلثم ونزل يركض ودخل بين التجمع ....شمر عن ساعديه وجر الرجل اللي ماسك صهيب وسدد له لكمة تحت عينه امّا صهيب مسك الرجل الثاني وانهال عليه بالضرب حتى سقط أرضًا
بعّد الرجل الثاني عن سلطان ونزل لخويه: مجنون انت!!صهيب رفع حاجبة الايسر :هذي نهاية الهِياط ي رخوم !
ألتفت سلطان لـ صهيب ورَجع انظاره لهم :مين الغلطان ؟!
قرب منه: هم !...صمت لثواني واردف: افا عليك ولد عمّك ما يغلط !
أبتسم بطرف شفته تحت اللثمة:اعتذروا
أستند على خويه وقام: تخسى!
قرب منه صهيب ومسكه من ياقته :والله ما يخسى إلا انت يالرِدّي !
طلّع الثاني جواله وأتصل على الشرطه وماهي الا ثواني والشرطة داهمت المكان
-الديرة
الساعة 11:00صباحاً
النوري بصراخ :هَدب هَدب قومي اصحي ما شبعتي نوم؟!
صحت هدب على صوت جدتها وضربها بالعصا على الفراش
قامت بانزعاج :يا جده تو بدري !
النوري: قومي بسرعة ..ما ترتاحين الا اذا نمدت هالحصا على ظهرك !
هَدب:يا جدهه خلاص هذاني قمت
قامت بخوف من جدتها راكضة للحمام
..
النوري:زين طلعتي كان نايمة فيه مو احسن !
امشي بسرعة سوي قهوة لجدك!
سحبت الطرحه وحطتها على رقبتها: ليه..السواق وين ؟
النوري:قلتيها سواق مو طباخ !..تحركي
رجعت اكمام يدها لورا وطلعت للمجلس
حطت القهوة على النار وخلصت على جيّت جدها :صباح الخير
رفعت رأسها :هلا هلا صباح النور
جلس بجنبها وأسند ظهرة على مسند المجلس: كنت باخذك معي للمزرعه الصباح بس كنتِ نايمه
لفت عليه بوجه عابس: فاتني ...ليه ما قعدتني ؟
مسح على شعرها :قعدتك يروح جدك بس كان النوم ذابحك
ثم أردف:معليك شويات العصر برجع للمزرعة
قربت منه بحماس:تمام اجل نمر شهلا ونأخذها
راكان: نأخذها نأخذها ليش لا
-المستشفى
بعد ما طَفى الجوال انرسم على ملامحه التوتر ناظر لها ببرود وأشر على الكيسة الموجودة فوق الكنب : افطري
جلست على الكرسي بجنب سرير امها :مو مشتهيه
دخل يدّه بجَيب ثوبه :عساك ما اكلتي
طلع من الغرفة ..مسحت وجهها بيدينها بتعب وهمسّت بصوت مبحوح :الله ياخذك
استثقلت الدعوة كونه أخوها واستغفرت ربها مسكت يدّ أمها واجهشت بالبُكاء : يمه تعبت... صدري ماعاد به نِفس !
افتحت عيونها بثقل شديد وبنِفس مُتعب: عفراء
رفعت رأسها بسرعه ومسحت دموعها : انا هنا هنا
غمضت عيونها وفتحتها :عطشانه وانا امتس
قامت بسرعه وفتحت قاروة الماء حطتها على الكمودينو
وحاولت تساعد أمها تسندها على السرير وشربتها :يمه انا بروح انادي الدكتور
هزت رأسها بالإيجاب :عبدالله وينه؟
عفراء:كان هنا قبل شوي
أكملت خطواتها وطلعت ...
.
.
-فهد
دخل بتهجم ونطق بنبرة مستفزة :السلام عليكم
ابتسم بطرف شفته: اقعد!
رفع حاجبة الايسر : ..رد السلام واجب يا فهد !
خلل اصابعه بشعرة ورد بنبرة حادّة :وقلة الآدب لها حدود يا عبدالله !
جلس على الكرسي واسند يده على الطاولة :شتبي ؟
وجّه انظاره الى العدم :رحلتك بعد يومين
عبدالله:نعم!!
