أنتِ القـصيدة فـي هَـدب عـيني

P20

فهد!
رجع للرياض وهو حامل ألف شعور!
شعور اللخبطه هذي متعب جداً
دخل الشقه وكان جسدها الهزيل يستوطن الكنب
قرب ومسح على شعرها:اسف
اسف على ايش؟على تركها بأول ليلة لها معه ؟ومر على غيابه 7أيام متواصله بدون ما يعطيها خبر !
انزعجت من لمساته وفتحت عيونها بتعب،فزت اول ما شافت وجهه!..قعدت وهي تتراجع لورا بخوف!
مد يده ناحيتها:بسم الله عليك !..فيك شيء؟!
اخذت نفس وهدت بعد ما سمعت صوته:كيف جيت؟!
نطق وهو يرمش:شلون كيف جيت ؟..
أردف بابتسامة بعد ما أدرك خوفها:يعني الحين خايفه منيّ ؟..انا فهد يروحي موب جني!
عفراء بلا سابق انذار!:جوعانه !
جلس على الطاولة مقابلها:ما تعشيتي؟
نطقت بهدوء:الثلاجة فاضيه
لعق باطن خده بإنزعاج:ما رحتي لأهلك ؟
شبكت يدينها ببعض ،موقت هالسؤال ابداً!:امي مو هنا رجعت لبلدها،وعبدالله ما جربت ادق عليه .
معقولة امها ما صدقت بنتها تزوجت ،وراحت ؟!..طيب وشعورها؟!
طلّع الجوال من جيبه وهو يدخل على احد تطبيقات التوصيل:وش حابه تأكلي؟
اخذت نفس بتعب وهم وكل شعور سيء! :حاسه بكتمه،ممكن نطلع ؟
لاحظ لمعة عيونها الي مستحيل يقولها لا!:تمام،اجهزي
-
صهيب!
رجع للرياض وحده بدون اهله
بينما هو متمدد على السرير اخذه التفكير لشيء المفروض ما يفكر فيه !
كيف يتطمن عليها ؟... يدق على اخوها ؟..
لا مستحيل !
دخل على جهة الاتصال ودق بعد ثواني ردت!
ضُحّى:هلا؟
نطق بهدوء على غير العادة:شخباركم ؟
انكرت هدوءه ونطقت: صهيبوه فيك شيء؟
تأففت بإنزعاج:يمه قاعد اسألك شخباركم تقولين لي فيك شيء!
ضُحّى:تمام،حنّى بخير الحمدلله!
أقفلت الجوال تاركه الاخر بحيرة أكثر!
زاد الهم همين،كيف يراضي امه الحين ؟
ماوده يرجع للديرة ومافي حل غير الرجعه !
-
المزرعه !
المكان صار موحش جداً!..رغم نسيم الهوى البارد والغيوم اللي مغطيه القمر !..إلا انها ليلة هواجيس !
فتحت البوابة جاهلة عن اللي تتبع خطواتها !
توجهت للإسطبل ومن شافتها خيَال صّهلت ترحيبًا فيها!
تبسمت وهي تفك النقاب وتحطه على جدار غرفة خيَال
قربت منها وهي تحط رأسها على رأس خيَال وتمسح على رقبتها:تعبت يا خيَال !
إنسابت دموعها بصمت وخيَال كانت بهدوء تام!
وكأنها فهمت شعور هَدب!
بعدت عنها وفتحت باب الغرفه:جاهزه نروح ؟!
هزت رأسها خيَال بحماس ضحكت هَدب على حماسها ،جابت الرسن وجهزتها .
تتمشى بين شجر ونخيل المزرعه ورسن خيَال بيدها !
صوت صراصير الليل يدوي ،دليل على ضجيج الروح !
وقفت خيَال عن المشي وهي تصهل وتحرك أقدامها الأمامية !
التفتت عليها هَدب تشوف ايش فيه !
شدت على الرسن وهي تشوف تقدمه نحوها !
فهد.عفراء!
جالسين بمطعم على إطلالة مفتوحه
اختار المكان بعناية لأجل تاخذ نفسها !
تصرفات غريبة تبدر من فهد !
ضياع المشاعر اللي فيه غير طبيعي !..ندم تعويض اسف تعب حب !
أزاح افكاره وهو سيحب يدها:اسف!..ما كان لازم اتركك بس الضروف اكبر منى يا عفراء !
سحبت يدها بقرف!: ما يهمني !
كان بينطق بس قاطعه دخول النادل وهو يحط الآكل:بالعافيه .
-
سحب الرسن منها وقرب من خيَال وهو يمسح على رأسها
تنرفزت من تصرفه ونطقت بغضب:بعّد عنها !
ألتفت لها بابتسامة هاديه:لا
رجع يمسح على رأس خيَال ويداعبها
قربت منه جاهلة لبسها !..وشعرها اللي يتطاير مع الهوى !:سلطاان!
لف عليها وحط عيونها بعيونها !:نعم يا هَدب ؟
عضت طرف شفتها بقهر ونطق بحدّه وهي تشير على خيَال:هذي فرسي!
نطق بابتسامة وعيونه تدور حول ملامحها:حلالنا واحد
نطقت بصراخ:نعم ؟!!!
نزل رأسه بمستوى كتفها حيث المسافه انعدمت!
تقشعرت من قربه وأصبحت نبضات قلبها ضرب احصنه!
مدّ يدينه حول عنقها ورفع طرحتها على رأسها
قرب من أذنها سامح لانفاسه الحاره تلفح عنقها !
نطق بهمس: منظرك ،قربك..ملامحك!،تخليني أتمادى!
تقشعر بدنها من همسه وخدودها احمرت بخجل !
ما عمرها احد قرب منها كذا !..
بعّد رأسه عن اذنها ورفع نفسه وهو يشوف كيف ما تحركت ولا عطته ردة فعل !
رفعت يدها بعد إدراك موقفها وهي ناويه تضربه كف!
مسك يدها وشدّ عليها بقوه:هوب هوب!..ما اتقفنا على كذا !
حاولت تسحب يدها وجواها يغلي حقد::اترك يدي!!
أبتسم بطرف شفته ونطق:واذا ما تركتها وش بتسوين يا حرم سلطان!؟
نطقت بصراخ:تخسى اكون لك وانا بنت محسن !!
وبتترك يدي غصبن عنك!
أبتسم بهدوء ورفع عيونه للسماء وما زال شادّ على يدها!
نزلت يده بيدها الثانيه وعظته بُكل ما أتاها الله من قوة!
صرخ بألم وهو يحاول فيها تفك يده:مسعُورة انتِ!!
فكت يده وعيونها تطلع شرار ونطقت بحّدة:لا تربط اسمي فيك سامع!
قرب منها بينما هي تراجعت بخوف:نشوف بعدين مين السامع !
أردف بهدوء ممزوج بحدّة:يلا نرجع !
لف وهو يمشي بيطلع لكن صوتها اوقفه:انا ارجع مثل ما جيت مالك دخل فيني !
كمل مشي بهدوء ونطق بمحاولة تخويفها:تمام ارجعي لحالك ،خل الكلاب تنّبش عظامك !
مشت وراه بخطوات سريعه وهي تنطق بخوف:طيب صبر برجّع خيَال للمربط!
ابتسم بهدوء على خوفها وكيف انها غيرت رايها بسرعه
لف وراح يسمك رسن خيَال لكن سبقته وهي تسحبها وتمشي قدامه،مشى وراها بقلة حيله،همس لنفسه:واضحه من بدايتها
وصلت عند المربط ودخلّت خيَال ،وهي بتطلع انتبهت للنقاب المرمي على الجدار قربت تاخذه وتاففت على فهاوتها:يعني شبع شوف من وجهك يا هَدب!
عدلت طرحتها ولبست نقابها وطلعت من المربط وهي تتعداه ولا كأنها تشوفه!
بعّد عن الجدار بعد ما كان متكي عليه مشى ورفع صوته وهو ينطق: هَدب!
وقفت ولفت بضجر :نعم!
عقد حواجبه:ناويه ترجعين مشي ؟..تعالي اركبي
نطقت بتأفف:اشك انك صاحي
سلطان:مو اول مره تركبين معي!..اخلصي
تقدمت وهي تفتح باب السيارة الخلفي وتركب
تجاهلها فعلتها وحرك ...
..
فهد وعفراء!
جالس بالصاله والطاولة ممتلئة بزجاجات الخ.مر
طلعت عفراء من الغرفه وكانت متوجهة للمطبخ
وقفها صوته المخمور:ارجعي للغرفه وقفليها !
كملت خطواتها وهي تفتح الثلاجة ولا كأنها شافت شيء!
وشكل فهد اللي ما يطمن !..اعتادت على المشهد كوّنها اخت عبدالله !..ومن كثر ما تكرر المشهد وصلت لمرحلة تبلد عجيبه !
نطق بصراخ وهو يرمي احدى الزجاجات:قلت لك ارجعي !!
فزت من صوت الزجاج وصوته المرعب!..اخذت علبة المويه ودخلت الغرفه وسكرتها !
بعد ساعة قام وهو يمشي بخطوات غير متزنه وصار يطرق على باب غرفتها:افتحي!
تجاهلت وغطت نفسها بالبطانيه بمحاولة النوم
كمل طرق وصوته كل شوي يعلى:عفراء افتحي ..اقولك افتحي ما تسمعين!
غطت اذانها بيدينها بخوف وهي تدعي ان الليلة تعدي على خير!.
الصباح!
مسك خط للديرة بعد ما افطر وحط قهوته جنبه
وصل بعد مدة طويلة
دخل المجلس وسلم على ابوه وبعدها راح داخل البيت
طرق الباب قبل ما يدخل :يـ..
انربط لسانه وعيونه تتبع خطواتها!
كانت شايلة الشاي وحاطه طرحتها على كتفها ولابسه قميص روز وفي بعض خصلات شعرها البُني مُتمردة على طرف وجهها نطقت بصوتها الناعم وهي تحط الشاي قدام النوري:وجاك احلى شاهي!
هي نفسها اللي خذت تفكيره !..وما رجع للديرة إلا عشان عسلية عيونها!
رمش يستوعب موقفه:احم احمم
لفت على الصوت بصدمة وبعدها رجعت رفعت طرحتها وتغطت،اما هو غض بصره ..نطقت النوري بحب:الله حيّ صهيب!
قرب من شافها قامت ودخلت احدى الغرف وسلم على النوري:عساك بخير يا جده؟
نطقت بهدوء رغم ذبلان ملامحها اللي ماتدل انها بخير!:بخير بخير الحمدلله
بعد مده قليلة نطق بهدوء:جده..امي وين؟
النوري:ما لمحتها يوليدي يمكن نايمه
هز راسه وقام:اجل إنا استأذنك
رجع للمجلس وهو بكامل روقانه جلس قبال ابوه والابتسامة شاقه وجهه،استغرب ناصر من وضعه:الله يديم هالابتسامه...
قام وجلس جنب ابوه وضمه من جنب:امييين
بعّد يدينه ونطق بحدّة:استرجل!
صهيب:افا يبو فارس !
تمتم بهدوء:الحمدلله اني ابو فارس مو ابو صهيب!
قام صهيب وهو يوقف قدام ناصر:حط عيونك بعيوني يبو فارس !
ناصر:صهيبوه اذلف من قدامي !
ميل فمه:امرنا لله
طلع من المجلس ودق على سلطان يجتمعوون
..
بالليل عند البنات
ملوا من الاجواء الكئيبة وسووا جلسة بالحوش
وكل وحدة فيهم تناظر الثانيه ،من زمان ما جلسوا وسولفو بشكل طبيعي !
نطقت نجود وهي تسحب غند وتحطها بحضنها:بنات مين فيكم صوتها حلو؟
رفعت رأسها غند لامها وهي تنطق بحماس:ماما ماما انا!
-
اكثر شخصية تحبونها؟🙇🏻‍♀️
لا تبخلون عليّ بالكومنت...حسسوني بوجودكم💗