မွှေးပျံ့နေသော ကော်ဖီနံ့လေးသည် မီးဖိုခန်းထဲတွင်
ပျံ့နှံ့လာလေသည်။
သျှားမြတ်စေသာ နှစ်ခြိုက်စွာဖြင့် ကော်ဖီနံ့လေးကို
ရှူရှိုက်လိုက်သည်။
သျှားသည် ကော်ဖီသောက်ရတာမကြိုက်ပေမယ့်
ကော်ဖီနံ့လေးကို နှစ်သက်သည်။
ခါးသက်မှုလေးအနည်းငယ်ရောနေလေသော
အနံ့အသက်လေးတွင် ချိုမြိန်မှုလေးသည်လည်း
တစွန်းတစပါ၀င်နေသည်။
သျှားမြတ်စေသာ ကော်ဖီဖျော်ပြီးလျှင်
အစ်ကို့ဆီမှ အနမ်းကို ရရှိလိုက်သည်။
သျှား မျက်လွှာလေးချကာ
မျက်တောင်လေး အနည်းငယ်ခတ်လိုက်သည်။
ဒီလူကြီးသည် သူ၏ စိတ်ကို လာဆွနေသည်။
ကလေးသာ မရှိနေရင် သူသေချာပေါက်
အစ်ကိုကို့ နမ်းပြီးနေပြီ။
အခုတော့ သျှားမြတ်စေသာ အနည်းငယ်လေး
နှုတ်ခမ်းဆူလိုက်ပါသည်။
ဒီလူကြီး ထိန်းမရသိမ်းမရနဲ့။
"ခင်ဗျားကြီး ကလေးရှိနေတယ်လေ"
သျှားရဲ့ အပြောကို အစ်ကိုသည် ပြုံးပြုံးကြီးကြည့်နေသည်။
သျှားမြတ်စေသာ စူးစမ်းလိုက်သောအခါ
အစ်ကို့ ကိုယ်ပေါ်က ကလေးလေးသည်
မုန့်လေးကို ကိုင်ထားလျှက် အိပ်ပျော်နေလေပြီ။
သျှားမြတ်စေသာ သဘောကျစွာ ရယ်လိုက်မိသည်။
မျက်ခုံးပင့်ပြလာလေသော အစ်ကိုသည်
ဆွဲဆောင်မှုရှိလွန်းသည်။
သျှားမြတ်စေသာ ကလေးရှိနေသည်ကြောင့်
ခြေဖျားလေးအသာ ထောက်လိုက်ရင်း
မဖိစေရန် ကြိုးစားလိုက်သည်။
ထို့နောက် အစ်ကို့၏ နှုတ်ခမ်းပါးလေးကို
နမ်းရှိုက်လိုက်သည်။
ဒီအတိုင်း ကာလမရှည်တဲ့ နမ်းရှိုက်မှုလေးအပြီးမှာ
သျှားမြတ်စေသာ မျက်နှာလေး လွှဲလိုက်လျှင်
အစ်ကိုသည် သျှား၏ လက်ကလေးကို
ဆုပ်ကိုင်လို့ လက်ဖမိုးလေးကို နမ်းရှိုက်လာသည်။
"အစ်ကို "
"သည်းငယ် ကိုယ့်ကို စိတ်ဆိုးနေသေးလား"
သျှားမြတ်စေသာ သည်းငယ်ဆိုသောအခေါ်တွင်
နားရွက်ဖျားလေးတွေ ရဲသွားသည်။
"ကိုယ် စိတ်မဆိုးတော့ပါဘူး။ ဒါပေမယ့်
ခင်ဗျားကို ခွင့်မလွှတ်ဘူးနော်။"
YOU ARE READING
Melting In Love (Complete)
Romanceမြင်မြင်ချင်း ချစ်မြတ်နိူးတဲ့အချစ်ရဲ့ လက္ခဏာကို ဖော်ပြခြင်ရင် လာဗင်ဒါလေးကို ပေးလို့ရတယ်။ ဒါကြောင့် ကိုယ် ခင်ဗျားကို လာဗင်ဒါပေးမယ်။ #သျှားမြတ်စေသာ ျမင္ျမင္ခ်င္း ခ်စ္ျမတ္ႏိူးတဲ့အခ်စ္ရဲ့ လကၡဏာကို ေဖာ္ျပျခင္ရင္ လာဗင္ဒါေလးကို ေပးလို႔ရတယ္။ ဒါေၾကာင့္...
