One Hundred Days (Completed)

Chapter 17: Tiyo Tenong at si Rally

Chapter 17: Tiyo Tenong at si Rally

Pagkalingon ko ay nakita ko si Tiyo na may dalang dalawang basket. Agad namin siyang nilapitan.

"Tiyo!"

"Munde? Kamusta ka??"

Oo. Hindi ka namamalik mata. Munde ang tawag sa akin ni Tiyo noong bata pa ako at nasanay na rin ako na ganyan ang tawag niya sa akin.

"Okay naman po! Kayo po? Teka, tulungan na namin kayo."

Agad naming kinuha ni Johan ang dalawang dalang basket ni Tiyo.

"Kailan ka pa umuwi, Munde?"

"Kahapon lang po."

"Teka, sino ba 'yang kasama mo?"

"Si Johan po, boyfriend ko."

"Ahh. Ka-gwapo eh?"

"Hahaha. Thank you po." sabat ni Johan..

"Ha? Nakakapagtagalog ka?"

"Opo. Dahil po kay Monday."

"Mabuti naman kung ganoon. Teka, alam na ba yan ng nanay mo?"

"Opo, alam na niya."

"Eh ang tatay mo?"

"Hindi pa po eh. Pupuntahan pa lang namin siya mamaya."

"Ahh. Malapit na tayo sa kubo, konting tiis na lang."

"O - okay. Teka, ano po ba 'tong dala niyo?"

"Pataba sa lupa 'yan."

"Fertilizer?" tanong ni Johan..

"Oo. Dumi ng kalabaw 'yan."

"Wow."

Nagulat si Johan sa narinig niya, nagulat yata na nagdadala si Tiyo ng ganun. Pagkadating namin sa kubo, binaba namin yung basket, malapit dito.

"Hintayin niyo ako riyan, magpapalit lang ako ng damit." sabi ni Tiyo..