Road to your Heart: Starting line (Book 1 of Road trilogy)

Kabanata 24

Kabanata 24

Prank

Parang bumalik lahat sa mata ko ang luha ko at agad na huminto sa pag iyak. He's starring at me through the mirror. Pinag halong galit at lungkot ang nakikita ko sa mukha niya pero hindi ko natagalan ang paninitig. Ako ang nag iwas ng tingin. Binuksan ko ang faucet at nag babalak na mag hilamos pero nakalimutan ko pala ang clutch bag ko sa table. Wala akong magagamit pang retouch at masisira ang make up ko.

Pinatay ko na lang ang faucet at kumuha ng maraming tissue. Dinampi ko iyon sa mukha ko at nag iingat na masira ang make up. Kinuha ko rin ang mask ko na wala sa sarili kong hinubad kanina bago pa man ako makapasok dito. Pumihit ako at ngayon ay kaharap na si Xander na nakatayo parin sa may pinto. Yumuko ako ng bahagya habang karahan parin tinutuyo ang mukha.

Dahan-dahan akong naglakad papunta sa pinto. With every step, my heels will make a sound. Nang nasa harap ko na siya ay akala kong tatabi siya para makadaan ako pero hindi.

"Excuse me..." halos bulong kong sambit.

"Bakit ka umiiyak?"

Napalunok ako. Naka yuko parin ako kaya hindi niya nakikita ang expression ko pero alam kong naka tingin siya sa akin. Doon ko rin napansin na hawak niya ang clutch bag ko.

Pilit na tawa ang ginawa ko.

"Hindi ako umiiyak,"

"Uh-huh. Nanginginig yung boses mo," aniya at nag taas ng kilay sa akin.

Hindi ako umimik at tinignan ang clutch bag ko sa kamay niya. Paano ko ba makukuha iyon.

"N-nasayo pala..." fuck. Huminto ako saglit dahil talaga ngang nanginginig ang boses ko.

Umubo ako para ayusin ang boses bago muling nag salita.

"Nasayo pala yung Clutch bag ko. Akin na..." sabi ko at nag lahad ng kamay sa harap niya. Ibinigay naman niya pero di parin siya gumagalaw sa kinatatayuan niya.

"Babalik na ako sa loob," sabi ko at sinubukang dumaan sa kanan niya pero hindi ako kasya.

"Bakit? You enjoy dancing with those boys?" malamig niyang tanong.

I know he's been watching me. Pero anong magagawa konat prom to. I need to socialize. Wala rin naman akong masamang ginagawa. Nakikipag sayaw- Bakit kailangan ko mag explain?

"It's prom. Natural lang na may makasayaw ako. You should go back too. Baka nag hihintay na ang date mo-"

Napahinto ako sa pag sasalita ng hinampas niya ang pintuan ng banyo at umugong yun sa buong paligid.

"Dammit. C'mon," aniya at agad na hinanap ang palapulsuhan ko.

Agad niya akong hinatak palabas ng banyo.

"Baka hanapin tayo sa loob," sabi ko kahit na patuloy parin siya sa pag hatak sa akin.

Huminto kami sa isang pintuan di kalayuan sa comfort room. Sa taas ay may nakalagay na Sports room. Binuksan niya iyon at pinauna akong pumasok. Sumunod siya at tsaka sinara ang pinto.

"B-bumalik na tayo sa l-loob..." sabi ko.

"No. We need to talk," lumapit siya sa akin kaya medyo umatras pa ako hanggang sa napasandal na lang ako sa isang lamesa.

"Wala naman pag uusapan."

Maraming pag uusapan. Pero pakiramdam ko na ako lang naman ang maraming pakiramdam pero ngayon na siya na mismo ang nagsasabi na mag usap kami, naiisip ko na baka... na baka lang naman... na pareho kami ng nararamdaman?