Road to your Heart: Starting line (Book 1 of Road trilogy)

Kabanata 47

Kabanata 47

Jog

Natapos namin itayo at idecorate ang Christmas Tree bago mag dinner. Everyone is cheering dahil sa kinalabasan ng mga decorations. Tinutoo nga rin ni Mamu na sa labas magdidinner. Madami na kami at lalo pang nadagdagan nang dumating ang mga parents namin. Sinalubong namin silang lahat ng pagmamano at pag akap.

Di nagtagal ay nasa hapag na naman kaming muli. Mahaba ang table at malawak dahil sa dami namin. Malayo na naman sa akin si Xander pero hindi makatakas ang mga sulyap niya sa akin. Nang makapasok kami kanina sa bahay ay nahanap niya agad ang tingin ko.

Kumunot ang noo ng nakitang mugto na naman ang mata ko. Sumenyas lang ata si Papsi kaya hindi na siya lumapit pa. Kaya siguro kahit ngayon sa hapag ay di mapakali kahit na kinakausap na ng mga tito at tita namin.

"Mag isa ka lang bang susundo kila Alejandro sa linggo?" si Tito Lorenzo.

Binaba ni Xander ang mga kubyertos niya at hinarap si Tito.

"Opo. Hindi na po ako magsasama at magiging masikip po. Sa Clark ko lang naman po susunduin."

Tumango si Tito.

"Sa linggo nga pala ang uwi nila. Ma, Pa, ayaw niyo bang mag dinner na lang tayo sa sunday? Iyon pa rin naman ang totoong wedding anniversary ninyo," suhestiyon ni Tito Deo.

Umiling na si Papsi.

"Mas maganda nang buo tayo." Ngiti ni Papsi.

Hindi ako makakain. Hindi ko sila masabayan. Bumibilang ng minuto ang mga subo ko. Napansin na ako ni Brent kaya medyo nataranta pa ako na makuha ang atensyon ng mga nasa hapag.

"Ate, are you sick? It's my second plate now pero ikaw hindi pa nakakaubos."

Hindi naman malakas ang boses ni Brent pero nakuha nun ang atensyon ni Papsi dahil malapit kami sa kanya. Agad na lumibot ang maga ko sa gawi ni Xander at nakitang seryoso siyang nakikinig sa amin.

Hilaw akong ngumiti sa kapatid ko. Sina Papsi, Chinky, Xander, Mommy, Daddy, Margou at Kuya Marcus ang nanunuod samin.

"Busog pa kasi ako kaya hindi ko binibiglang ubusin ang pagkain ko." Ngumiti na lang ako sa kapatid ko at hindi na nilingon ang mga nakatanaw.

Wala namang sumagot. Nagkaroon muli ng bagong topic sa hapag at nakahinga ako ng mas maayos na wala na sa akin ang atensyon. Ang tanging tingin lang na nakapako sa akin ay ang kay Xander na pabalik balik ang tingin sa akin.

"So hindi kayo rito matutulog mga apo?" Malungkot na sambit ni Mamu.

Chantal pouted.

"Sorry, mamu. Marami pong deadlines na kailangan mameet."

Sumimsim si Mamu sa kanyang inuman at nilingon ang apo.

"Sayang naman. Pinaayos ko na ang mga kwarto ninyo sana..."

"Iplano na pang po natin, Mamu," si Chinky.

Agad na umirap si Chloe na di kalayuan sa akin.

"Ma, kung gusto mo ay pwede si Brent. Maaga ang sembreak niya kaya walang gagawin sa bahay ito kundi IPad o PA4." si Daddy.

Brent pouted at Daddy's remark.

Sumigla ang expression ni Mamu.

"Nako syempre ay gusto ko. Gusto mo ba, apo?"

Hindi makita ni Mamu si Brent sa layo nito kaya umatras pa ako para mabigyan ng espasyo si Brent. Ngumiti naman ang kapatid ko.

"Opo, mamu! Kaso..." nilingon niya si Mommy. "Wala akong damit mommy,"