Road to your Heart: Starting line (Book 1 of Road trilogy)

Kabanata 41

Kabanata 41

Understand

Bumyahe na kami nang mag alas kwatro. Ayaw kong matagalan kami lalo na at hinahanap ako ni Brent.

I was silent the whole trip. Si Xander rin. It was a comfortable silence though. Nakahawak lang siya sa kamay ko buong byahe. Maaga rin naman kaming nakauwi. Binaba lang ako ni Xander sa alfa mart dahil doon rin nag hihitay si Kuya Marcus. He hugged before we left.

And as usual I cried that night. Umiyak ako hanggang sa nakatulog na ako. Hindi alarm ang nagpagising sa akin kundi ang tawag ni Evan. Medyo mahapdi pa ang mata ko kaya hindi ako bumangon nang sagutin ang tawag niya.

"Rise and shine!"

Ungol lang ang naisagot ko sa pakantang bati niya.

"Aba gising na bakla! Bakit ka absent kahapon? Wala akong nakahalubilo ni isa sa mga pinsan mo kaya hindi ako nakapag tanong,"

Napadilat ako sa sinabi niya. Phew. Mahihirapan ako kung sakaling may nakausap nga siya sa pinsan ko.

"Isa pa, naka ignore ba mga messages ni Vaughn sayo?"

Umiling ako.

"Hindi," sabi ko sabay bangon. Mukhang matagal akong dadaldalin nito.

"Talaga? Sabi niya kasi nagtext siya kahapon. Nag chat din pero wala ka raw reply. Sabi ko baka hindi mo nakita."

Nakita ko. Kaya lang nung papauwi na kami tsaka ko kang nabasa at wala ako sa wisyo para makapag reply.

"Hindi ako nakatututok sa phone kahapon. Titignan ko na lang mamaya,"

"Narinig mo na ba yung chika? Guilty rin yun kaya di mapakali at akala on purpose mong hindi pinapansin."

"Bakit? Anong meron?"

"Ay jusme. Saan ka bang lumaplop nagpunta at hindi ka nakasagap ng balita?"

Umirap ako.

"Ano nga?"

"Nako iyang bestfriend mo nilalapitan si Vaughn! Mukhang nilalandi ata bakla."

"Sino?"

"Aba edi si Chinky! Balita ko nga iritadong iritado si ate mo Chloe 'e. Missing in action din naman si Xander kahapon kaya walang humatak palayo kay Chinky."

Pumasok na ako sa banyo habang patuloy na nag kukwento si Evan. Akala niya talaga ngang hindi ko pinapansin si Vaughn dahil doon. Of course not. That's nothing to me. He's nothing but a friend and if someone is hitting on him then it'll be totally fine for me.

Kung anu ano pang chismis ang naibalita sa akin ni Evan. Nag paalam lang siya ng mukhang tinawag siya ng kuya niya. Doon lang rin ako nagkaroon ng pagkakataon na makita ang mga mensahe mula kay Vaughn. Nireplyan ko muna ang good morning text ni Xander bago replyan si Vaughn.

Vaughn: Hi Jes. Nagkausap kami ni Chinky.

Vaughn: Nasa inyo ka pa? I can pick you up.

Vaughn: Hindi ka raw pumasok? Nakausap ko si Marcus.

Wala naman masama sa mga text niya kaya nireplyan ko siya bago ako maligo. Maaga pa masyado kaya pambahay muna ang sinuot ko bago bumaba. Wala na sila monmy at daddy pati na rin si Brent. Si Kuya Ken lang ang naabutan ko na nasa kusina at kumakain.

"Morning," Bati ko.

"Good morning,"

Kumuha ako ng plato at kubyertos ko bago naupo sa tabi niya. Busy siya sa cellphone niya habang kumukuha naman ako ng waffles at nilalagay sa plato ko.