broken trust

29. I Saw him Again

Chapter 29: I saw him Again

Agad akong nakarating sa punong mangga, sa may likod ng bahay nila Tita Bella. Nakita ko naman 'yong mga kaibigan ko sa ilalim nito habang nagtatawanan.

Nang makarating ako ay agad akong napansin ni Claire. "Oh? Nakapagluto agad kayo? Ang bilis naman."

"We're not yet done. Naiinis lang talaga ako kay Mokong." Lumapit ako sa kanila at nakiupo rin sa duyan. Apat na kaming nakaupo rito at mukhang kaya pa naman kami ng duyan na 'to.

"Pinakilig ka lang, e." Jess nudged. Gulat akong tumingin sa kanya. Ito na naman siya, mang-aasar na naman sa akin.

"Pati ba naman ikaw. D'yan na nga kayo. Pupuntahan ko na nga lang si Tita." Tumayo ako at naglakad papaalis, narinig ko pa silang nagtatawanan ngunit bigla ring nawala nang makarinig ako na parang may nahulog mula sa itaas.

"Aray!"

Narinig ko si Jess na parang may iniinda kaya humarap agad ako sa kanila. Nakita kong hinihimas-himas niya 'yong ulo niya.

"What happened?" I asked them.

"May nalaglag na mangga at saktong tumama sa ulo ng kaibigan mo." Sagot ni Aivin. Tumingin ako sa itaas ng punong mangga and I saw Rico there. Nalaglagan niya yata si Jess ng mangga habang nangunguha siya rito. Bilis ng karma.

"Rico!" Tawag ko sa kanya, tumingin din sina Claire, Aivin at Jess kay Rico sa itaas.

"Hi, happy fiesta! Bakit?"

"'Yong kaibigan ko, nalaglagan mo ng mangga sa ulo."

"Ha? Sorry. Wait, I'm coming down." Agad naman siyang bumaba mula sa hagdan nang nasa likod lang ng puno. Nang makakaba ito ay nakita kong sinamaan siya ng tingin ni Jess. "Hindi ko sinasadya, hindi ko alam." Saad ni Rico.

"You're acting like an innocent. Hindi mo manlang kaming naririnig na nagtatawan? You're impossible." Tumayo si Jess mula sa duyan at naagcross-arm sa harapan ni Rico. Wait? Nahulugan lang siya ng mangga but I don't know why she's being like that, napaka mahiyaan niyang tao pero bakit ngayon ay nagtataray na agad siya sa hindi naman niya kilala?

Natuwa naman ako sa inaarte niya. Tama 'yan, Jess. Sana hindi ka lang ngayon mawalan ng hiya.

"Hindi. Sorry talaga. Ako nga pala si Rico Reyes." Nakangiti nitong pagpapakilala kay Jess. Ang lupit talaga nitong si Rico. Nagpakilala agad. Napakamot na lamang ko ng ulo at bahagyang umiling-iling.

"Pagkatapos mo 'kong hulugan ng mangga sa ulo ay magpapakilala ka sa akin agad? You're too fast."

"Okay lang 'yon. Kasabay ng paghulog ng mangga sa ulo mo ay kasunod lang din ng paghulog ng puso ko sa 'yo." Nakangiti nitong saad. Halos mapanganga ako sa sinabi niya. Wala pa rin talaga siyang pinagbago simulan pa lang noon. Ang hilig niyang magbitaw ng mga salita na alam niyang makakahulog ng damdamin ng isang babae. No'ng elementary pa lang kami ay mga apat na ang nagiging girlfriend niyan dahil sa attitude niyang ganyan. Ewan ko lang ngayon, siguro, hindi na mabibilang sa kamay.

"Kadiri ka." Umirap si Jess kay Rico at nagsimula na maglakad papunta sa bahay namin. Sinundan pa siya ng tingin ni Rico bago ulit ibinaling ang tingin sa akin.

"Why your friend so beautiful? Na-love at first sight yata ako. Gago." Nakangiti niyang sabi habang kinakamot ang ulo. "Pero gano'n ba talaga siya? Mataray?"

"No. Well, actually mahiyain talaga siyang tao kaya nga nagtataka kami kung bakit nagtaray agad siya sa 'yo." Sagot ni Claire kay Rico. "I'm Claire, Jamilla's friend too. At 'yong babae kanina ay si Jess."

"I'm Rico." Nakangiti nitong saad. "Ang ganda rin pala ng niligawan mo, p're."

"Oo, hindi lang maganda. Napakaganda." Inakbayan ni Aivin si Claire kaya halos hindi na ito makagalaw sa kinatatayuan nito dahil siguro sa ginagawa ni Aivin. Napakunot ako ng noo nang bigla akong may nabuong tanong sa utak ko, do I look like that when Oliver's putting his arm around my neck? Ang awkward pala talaga.