Unlabeled [Baguio Series #1]

15

     

"Gusto kong magtanong ka pa."

"Anong itatanong ko?"

"Kung bakit nawala ako nang ganoon katagal."

Ngumiti ako sa kan'ya at hinawakan din ang kamay niya. "Problema 'yun ng pamilya mo, hindi yata tamang manghimasok ako."

He kissed the back of my hand as he look at me. "Gusto kong may malaman ka sa akin. Sasagutin ko nang buong katotohanan, baby."

Bigla akong napaisip...ano nga ba ang naging problema ng pamilya niya para mawala siya nang ganoon katagal, at wala pang paramdam? Bakit nagkaroon ng pagbabago sa kaniya noong bumalik siya?

"S-Sasabihin mo ba sa akin kung tinanong ko kung...anong naging problema ng pamilya mo?"

He became silent. Magsasalita na sana ulit ako nang sagutin niya ang tanong ko.

"Nasa abroad 'yung Mama ko, eh. OFW siya doon, at 'yung Papa ko, trabaho no'n magpaka-lango sa alak." He chuckled. "Padala nang padala ang Mama ko ng pera sa kaniya para pang-tuition ng kapatid ko. Hindi alam ni Mama na hindi binibigay ni Papa ang pera sa kapatid ko. Pinangsusugal at pinangbibili lang niya ng alak.

"Ako naman, dahil hindi ko na mapigilan ang Papa ko dahil hindi naman talaga kami naging magkasundo, ako 'yung nagpapaaral sa kapatid ko. Para rin hindi maramdaman ni Mama na napupunta lang sa wala 'yung perang pinaghihirapan niya sa Qatar."

He stopped, and then he chuckled. "Kaso itong gago kong kapatid, nakabuntis, eh. Parang gumuho mundo ko." he laughed bitterly. "Nagre-rebelde pala, hindi ko pa alam. Isinumbong lang sa akin nung Tita ko na kapatid ni Mama. Nagkaka-baranggay-an na pala, wala pa akong alam."

"Kaya ba nagmadali kang umuwi noon?"

He nodded. "Pinapa-blotter 'yung kapatid ko ng magulang nung babae, eh. Hindi kasi nila matanggap na nabuntis nang maaga 'yung anak nila, at itong kapatid ko ang sinisisi. Pananagutan naman ng kapatid ko, ayaw lang ng mga magulang ng babae. 'Yung Papa ko naman, wala man lang ginagawa para matulungan 'yung kapatid ko. Sinisisi pa siya nito. Nakaka-gago, 'no?"

Nakaramdam ako ng awa sa kan'ya pero alam ko na hindi niya magugustuhan kung malalaman niyang naaawa ako sa kan'ya. For the past months that I get to be with Gian, nakita ko na ang ilan sa mga ugali niya.

"Pero...napapayag niyo na ba? 'Yung magulang nung babae na panagutan ng kapatid mo 'yung anak nila?"

"Oo, pero hindi sila puwedeng magsama hanggang hindi sila nakaka-graduate ng college. Tama lang naman 'yon. Pero ang masakit kasi sa akin bilang Kuya, bakit kailangang saktan ang kapatid ko? Pareho nilang ginusto ang nangyari sa kanila. P-Pareho nilang ginusto 'yung... s-sex, e. Bakit kailangang masaktan nang ganoon 'yung kapatid ko?"

Napatango na lang ako, at ayaw ko mang maawa dahil hindi maganda ang pakiramdam na 'yon, ay hindi ko napigilan, lalo na noong maramdaman ko 'yung sakit sa boses niya.