Flash Back.......
.ဒီနေ့ မမလှိုင်းရဲ့ မွေးနေ့....မမလှိုင်းဆိုတာက ''မလှိုင်းဝင့်နွယ်''
မမလှိုင်းက အမေ့ရဲ့ညီမအရင်းကမွေးတဲ့
တစ်ဦးတည်းသောသမီး ဖြစ်သည်။ကျွန်တော်နဲ့ဆို
တစ်ဝမ်းကွဲအမပေါ့.....အသက်ကလည်းသိပ်မကွာလှတာမို့
သူငယ်ချင်းပေါင်း ပေါင်းဖြစ်သည်....
ကိုယ်ရဲ့အကောင်းအဆိုးအကြောင်းအကျိုး ကိစ္စရပ်မှန်သမျှ
ကို မမလှိုင်းသိသည်....တစ်ခုခုဆိုလျှင်လည်းတိုင်ပင်သည်။
မမလှိုင်းသည်လည်းထို့အတူပင်....
သူ့ရဲ့အကြောင်းကိစ္စမှန်သမျှ မောင်ဖြစ်သူကျွန်တော့်အား
ပွင့်ပွင့်လင်းလင်း တိုင်ပင်နှီးနှောသည်.......
ဒါကြောင့်မမကအစ်မတစ်ယောက်ဆိုတာထက်
သူငယ်ချင်းတစ်ယောက်လို့တောင်ပြောလို့ရသည်.........
မမလှိုင်းက မွေးနေ့ဘုရားသွားချင်သည် ဆိုလာသည်ကြောင့်ရော
ကိုယ်တိုင်ကလည်း ကျောင်းပိတ်ပြီဖြစ်လို့ အားလပ်နေမည်
ဖြစ်သည်ကြောင့်.....ဘုရားကိုလိုက်ပို့မယ်ဟု
ကတိပေးလိုက်သည်............
စာမေးပွဲဖြေပြီးတာနဲ့ မမလှိုင်းအတွက်မွေးနေ့လက်ဆောင်ဝယ်ဖို့
ထွက်လာခဲ့လိုက်သည်.....
အရုပ်ဆိုင်တွေအများကြီးရှိပါရက်နဲ့....
ကျွန်တော်ကိုယ်တိုင်မသိလိုက်ဘဲ ဦးတည်နေမိသည်က
ခ တို့လမ်းနားကဆိုင်ဆီသို့.......
ဆိုင်ကိုရောက်တော့ မဝင်သေးဘဲ လမ်းဘက်ကိုငေးကြည့်မိသည်က အချိန်အတော်ပင်ကြာသွားသည် ထင်၏.....
ဆိုင်ထဲကလူတွေကပင်ကွက်ကြည့်ကွက်ကြည့်.....
"အင်းး.....သူအိမ်ကိုပြန်ရောက်သွားတာများလား
တော်ပါပြီလေ ကိုယ့်ဘာသာဝယ်စရာရှိတာဝယ်ပြီး
ပြန်တော့မှာပါလေ''ကိုယ့်ဘာသာတွေးပြီး
ဆိုင်ထဲသို့ဝင်ကာ မမကိုပေးရန် လက်ဆောင်ရွေးနေလိုက်သည်....လက်ဆောင်ဝယ်ပြီးတာနဲ့
ဆိုင်ထဲကနေထွက်လာခါမှ....တွေ့လိုက်ရသည်က အရိပ်လေးတစ်ခု....ခ....ကျွန်တော်ရဲ့စိတ်ကို အပြည့်အဝဖမ်းစားထားသူလေး........သူလည်းကိုယ့်ကိုမြင်၏ထင်သည် စက်ဘီးနင်းနေရင်းကနေ
ကြောင်ငငလေးရပ်ကြည့်နေသည်..........
ဒီဟာလေးကခုထိ ကျွန်တော့်ကိုဆိုအရင်စမခေါ်ရဲသေး
ဒါတောင်ရင်နှီးလာလို့....မရင်းနှီးချိန်တုန်းကဆို
နောက်ကြောင်းပြန်ပြန်ပြေးတတ်တယ်မဟုတ်ပါလား...
ခုအခြေအနေကတော်သေးသည်ဟုပင် ဆိုရချေမည်....
KAMU SEDANG MEMBACA
Crush From State School 🖤
Romansa💙 ငယ်ရွယ်စဥ်ခါက တိတ်တခိုး ချစ်ခဲ့ရတဲ့ ချစ်ဦးသူနဲ့ ''ဟိုးရှေးရှေးတုန်းက နဲ့အစချီပြီး ပျော်ရွှင်စွာ နေထိုင်သွားကြလေသတည်း ''ဆိုပြီး ဇာတ်သိမ်းသွားတဲ့ ဇာတ်လမ်းလေး တစ်ပုဒ် မင်းတို့မှာရှိကြလား? ကျွန်တော့်မှာတော့ ရှိတယ် ကျွန်တော်နဲ့ မောင်နဲ့ဇာတ်လမ်းအစကတေ...
