Peculiarity In Her Eyes

[ 17 ] Death Color #2: Red Signifies Warning

Naging tahimik ang buong byahe. Nagdadrive si Devio habang ako ay nasa bintana lang ang tingin ko.

Pagdating namin sa parking lot ng mall ay bumaba agad ako pero huminto ako nung isasara ko na sana ang pinto. Marahan akong lumingon sa kanya.

"I hope you'll find Larra as soon as possible. Mag-ingat ka."

"Ikaw rin Rosel." Saka ko na sinara ang pinto at agad naman siyang umalis. Inayos ko ang pagkasukbit ng sling bag ko saka tumingin saking relos, 9:17 am.

Pumasok na ako sa mall saka nag-grocery nalang tutal may sapat na pera pa naman akong dala dito. Habang pumipili ako ay nahagip ng mga mata ko ang isang pamilyar na pigura ng tao kaya huminto ako sa paglalakad.

That person, he's very familiar to me. Nakatalikod siya sakin at nasa isang noodles stall section siya nakatayo at pumipili. He's back, his outfit, the way he stand, napakapamilyar niya talaga.

Hindi ako nagkakamali. Siya yung lalaki na nakita ko sa bintana ng room namin at saka kahapon nung nasa coffee shop ako.

Ito na ang ikatlong pagkikita namin at sisiguraduhin kong ito na ang huli. Iniwan ko muna ang trolley na dinadala ko at saka lumapit sa kanya. Hinawakan ko siya sa balikat niya at hinarap sakin. I want to see him face to face.

Susuntukin ko na sana siya nung nagtataka itong lumingon sakin. Hindi na natuloy ang plano ko ng makita ko ang mukha niya. Nakayukom na ang kamay ko, kulang nalang sana ay lilipad na ito sa itsura niya.

"Can I help you miss?" Hindi nakatakas ang mga mata niya sakin kaya hindi ko matiis na tignan ito.

Pinagmasdan ko ng maigi ang mga mata niya. Dahil sa nakita ko ay sumalubong ang kilay ko. Agad ko namang iniwas ang tingin ko sa kanya pagkatapos kong sinilip ang kamatayan niya.

What I saw in his eyes was unbelievable. Isa siyang magnanakaw. May nanakawin sana siya sa isang store at mag-isa lang siya. Pero ang hindi niya alam ay may tatlong magnanakaw na paparating na ayaw na may kahati kaya agad siyang binaril. That was the cause of his death. Tinignan ko ulit siya.

Umiling ako. No, he's not the guy I saw two days ago and yesterday.

"Excuse me pero kilala ba kita?"

No, but I can tell you the cause of your death.

Umiling ako bilang sagot sa tanong niya. "You should stop stealing." Sa isang segundo ay halos magkasing-laki ng tarsier ang mata niya dahil sa sinabi ko.

"A-ano bang pinagsasabi mo? Adik ka ba?"

I didn't answer his question and left him, dumbfounded. Bumalik ako kung saan iniwan ko ang trolley na puno ng bilihin ko at saka ito tinulak papalapit sa isang security guard.

"Ah manong," I called his attention as his head turned to me.

"Ano yun?"

"May nakita po kasi akong magnanakaw," kumunot naman ang noo niya sa sasabihin ko.

"Saan?" Sabay luminga-linga sa paligid.

"Ayun ho," sabi ko habang nakaturo sa isang lalaking nakatayo habang nagtataka ang mukha. Hindi pa rin umaalis sa pwesto niya, ganon pa rin ang mukha niya dahil siguro sa sinabi ko.

Tatakbo na sana ito papalapit sa taong tinuro ko nang pinigilan ko siya.

"Ah manong,"

"Ano? Kasama ka ba niya?" May halong inis pa rin ang tono ng pananalita niya. Siya na nga itong tinutulungang mahuli ang kriminal, siya pa itong galit. Pinagmasdan ko muna siya saglit.