Unicode
********
" သားငယ် "
ပြိုင်ကားသော့လေးကိုလက်ညိုးလေးနဲ့ဝေ့
ယမ်းဆော့ကစားရင်းအပေါ်တက်ဖို့ပြင်နေ
သည့် သားငယ်ကို ဦးပိုင် လှမ်းတားလိုက်
သည် ။ လွန်ခဲ့တဲ့ရက်အနည်းငယ်ကတည်း
က သားငယ်ပုံမှန်မဟုတ်တာကို ဦးပိုင် သတိ
ထားမိပါသည် ။
သို့ပေမယ့် ကလေးကတစ်ခါတစ်ရံစိတ်အ
လိုမကျဖြစ်လေ့ရှိတာမို့ သိပ်အလေးအနက်
မထားဖြစ်ခဲ့....။ အခုတော့သူသားကို
ကောင်းကောင်းမထိန်းချုပ်နိုင်ခဲ့လို့ခြေလွန်
လက်လွန်တွေဖြစ်ခဲ့ရပြီ ။
" ဘယ်ကပြန်လာတာလဲ...သားငယ် "
လှေကားထစ်ပေါ်တက်ဖို့လုပ်နေတဲ့ခြေ
ထောက်လေးတွေက ဦးပိုင် စကား
ကြောင့်ဦးတည်ရာကိုပြောင်းလဲသွားခဲ့
သည် ။
" ဘယ်ကဖြစ်ရမှာတုန်း ဖေကြီးရဲ့...ကား
လျှောက်မောင်းပြီးပြန်လာတာပေါ့ "
ဖအေဖြစ်သူရဲ့လက်မောင်းတစ်ဖက်ကို
ကလေးတစ်ယောက်လိုဖက်တွယ်ခိုစီးရင်း
ပြောလာသည့်စကားတွေကအပြုံးချိုချို
လေးတွေကြောင့်နားထောင်လို့သိပ်ကောင်း
သည် ။
" သားငယ် ဖေကြီး ကိုဘာတွေဖုံးကွယ်
ထားသေးလဲ..."
သားရဲ့မျက်နှာပေါ်ကအပြုံးတွေရုတ်ချည်း
ပျောက်ကွယ်သွားကတည်းက ဦးပိုင် သိ
ထားတဲ့အကြောင်းတွေကအမှန်တွေဖြစ်
တယ်ဆိုတာသက်သေပြနေသည် ။
" ဖေကြီးကလဲ သားဘာမှမလုပ်ပါဘူး
တကယ်တကယ်..... "
ဦးပိုင် ခါးကိုအတင်းပြောင်းဖက်ပြီးအချွဲ
ကလေးလုပ်လာတဲ့သားငယ်ကတကယ်
ကိုအကာအကွယ်မဲ့လွန်းတဲ့သမင်ငယ်လေး
လို.....။ ဖြူဖြူနုနုမျက်နှာကလေးနဲ့ မျက်
ဝန်းနက်နက်လေးတွေက သားမေမေရဲ့အ
မွေတွေဖြစ်တာကြောင့် ရှင်းလင်းလှပလွန်း
သည် ။
အငယ်ဆုံးနဲ့အလိမ္မာဆုံးလေးမို့ တစ်အိမ်
လုံးကအလိုလိုက်ထားတော့ သားငယ်ရဲ့
ဆံပင်တွေကအမြဲတမ်းအရောင်တွေပြောင်း
နေတတ်သည် ။ သူ့မေမေသာရှိနေသေးရင်
သားကိုအလိုလိုက်လွန်းလို့ ဦးပိုင် ကိုဆူပူ
ကြိမ်းမောင်းနေမှာအသေအချာပင် ။
YOU ARE READING
💞 Eternal Love 💞 { Completed }
Romance# Scribe _ Aster_Rain # Start Date [ 5.1.2021] # End Date [ 26.5.2021] # Total Chapters _ [52 ]- Extra [15 ] Complete # Cv photo credit to orginal Artist
