Wife Of A Ruthless Mafia Boss (COMPLETED)

CHAPTER 5

"Ikaw lang 'ata 'yong nakapahinga sa trabaho na hindi masaya," puna ni Azy nang inaayusan ako ng mga make up artist.

I rolled my eyes and didn't bother to talk. Kahit ilang araw na ang lumipas ay hindi pa rin mawala ang sakit sa dibdib ko kapag inaalala ang nangyari noong anniversary namin ni Valjerome.

"By the way, alam mo naman, 'di ba?" muling pagpukaw ng pansin sa 'kin ni Azy.

My forehead knotted as I glanced at him. Waiting for his continuation.

"May makakapareha ka sa shoot ngayon," aniya.

"What?!" mabilis kong sambit.

Napaawang naman ang labi niya at namewang sa harapan ko. "Don't tell me hindi mo na naman binasa mga messages ko?!" singhal niya sa akin.

Napapikit ako at saka iniiwas ang mukha ko sa mga brush ng artist. I gave them a signal to step aside, then I looked sternly at Azy.

"What do you mean na may makakasama ako sa shoot ngayon?" paglilinaw ko sa kanya.

He massage his temples before shaking his head. "Jazzie, we can't stop this shoot. Nakuha ko na ang bayad at nakapirma na ako ng kontrata," pangunguna niya sa kung anumang sasabihin ko.

"Bullsh*t, Azy! Alam mo naman na hindi ako basta nakikisama sa kung kanino man," pagpapaalala ko sa kanya.

"I'm sorry, okay? Akala ko kasi okay na sa 'yo this time kasi naman hindi ka nag-reply. Sanay ako na kapag gano'n ang ginagawa mo ay ako ang hinahayaan mong magdesisyon," pangangatwiran niya.

Hindi naman ako umimik pa at tahimik na lamang na namroblema sa aking isip.

"Lalaki ba?" pagkukumpirma ko.

Kinagat niya ang ibaba niyang labi at marahan na tumango. Napabuntonghininga ako saka pumikit sa frustrasyon.

Kaya ayaw kong tumatanggap ng partner sa shoot dahil nasisigurado kong lalaki ang ipapareha sa akin. Walang nakakaalam sa mundong ginagalawan ko na may asawa na ako kaya naman gano'n na lang ang kawilihan ng mga taga-hanga ko na iterno ako sa kung kani-kanino.

Magagalit din si Valjerome kapag nalaman niya ito.

Hindi, baka nga alam na niya ito.

"Palampasin mo na muna ito, Jazzie. Ako na ang nakikiusap sa 'yo." Hinawakan ni Azy ang aking kamay saka malamlam na tumingin sa akin. "Pasensya ka na. Hindi ko talaga alam," aniya.

I let out a deep breath and nodded my head. "Oo na," tipid kong wika.

Agad namang nabanat ng mukha niya at ngumiti nang malaki. "Talaga?!" hindi makapaniwalang sambit niya.

I took off my hand and rolled my eyes. "Alam mo, pumunta ka na lang sa labas at asikasuhin ang mga photographers doon, alam ko namang trip mo ang isa sa kanila," panunuya ko.

Ngumiwi siya sa akin at bahagyang lumapit sa tainga ko para bumulong. "Mas trip ko 'yong assistant ng make up artist." Mahina siyang bumungisngis bago tuluyang lumabas ng dressing room.

Napailing ako dahil mukhang babae naman ang gusto niya ngayon.

Balimbing na puso.

Ilang minuto pa ang lumipas ay tuluyan nang natapos ang pag-aayos sa akin. Nagpalit na rin ako ng damit na gagamitin sa shoot at lumabas na ng silid no'ng nagsimula nang magtawag si Azy.

Prente akong naglakad habang suot ang pulang flowy dress na may slit sa hita ko. Medyo malalim din ang neckline ng damit kaya naman nadedepino ang aking dibdib.