نفوذ العشق

الحلقة العاشرة

الحلقة العاشرة 🖤

في الأسفل

كانت عشق تحادث مراد جانباً قائلة :

- وكلمتوها ؟!

- لسه رحيم مش عايز حد يكلمها غيرك .. مع اني متأكد انه بس بيأمن نفسه من أي تصرف مجنون هيعمله بسبب عمايلها وبيتطمن بوجودك

قالها بضحك فضحكت هي الأخرى فقالت :

- هناديلهم دلوقتي علشان بليل في مهمتين تانيين .. ومتأكدة ان دول اللي هيطلعوا عيني

قطب جبينه عاقداً حاجبيه وقال بإستفهام :

- ايه هما ؟!

- هطلب عشق لصقر

صُدم ببداية الأمر ولكنه ابتسم بفرحة قائلاً :

- بجد .. صقر أخيراً عِقل

تلعثمت عشق وهي تقول بإرتباك :

- هو .. هو مش كدا بالظبط .. بس  آآآآ..

استنكر تلعثمها وإرتباكها الغير مبرر ولكنه أدرك ما تفكر به وقال بإستنكار :

- عشق إياكي تقوليلي انك هتطلبيها من وراه

- مفيش قدامي حل يا مراد هعمل ايه يعني .. وانت عارف إن أنا مش هصبر كتير على عمايله دي .. مسيره يتجوز ويبقا أب وعشق بتحبه وهو بارد معندوش دم

زفر مراد بضيق فحقاً صقر لم يترك لهم خيار أخر وقال :

- أدم عارف الحكاية دي

- عارف .. ومش موافق عليها

نظر لها بدهشة قائلاً بإستنكار :

- كمان يا عشق .. كمان جوزك مش موافق وهتعمليها .. يعني فوق إن صقر مش هيسكت وأدم كمان مش موافق

- كلمت رحيم يحاول يعقله شوية مع إني مبقتش عارفة مين اللي هيعقل التاني .. بس أقلها هيمنع أي تصرف غبي قدامهم

تنهد مراد لتلك العنيدة قائلاً :

- اسمعيني يا عشق .. أنا مش موافقك في اللي هتعمليه دا خالص .. ولو استنينا شوية على الأقل نعرف إيه الي مزعله هيبقا أحسن .. وإنتي عارفة إن جاسر أو حتى مالك مش هيقتنعوا بالسهولة دي

فكرت بشرود قائلة :

- مفيش حل تاني .. وأنا عارفة ومتأكدة إن ابني بيحبها .. وعشق الوحيدة اللي قادرة تخليه يقول اللي جواه

- براحتك يا عشق .. اللي انتي شايفاه

قالها بيأس وهو يحرك رأسه بقلة حيلة فتنهدت هي وهي تصعد للأعلى

دلفت لغرفة صقر فوجدت حالتهم كما كل يوم مماثل لهذا فقالت بقلة حيلة :

- ربنا ما يحرمكم من الجنان أبداً

ضحكوا معاً بالرغم من إنشغال كلاً منهم فإقتربت من رحيم الذي وقف بوجه واجم فبحثت بعينيها عنه لتجده في الشرفة تسيطر عليه نوبة غضب معتادة فتنهدت قائلة :