نفوذ العشق

الحلقة السادسة والستون

ڤوت للحلقة ❤
كومنت برأيكم ❤👌🏻
المواعيد هتبقي الجمعة والأحد والثلاثاء ❤👌🏻
عذراً ع الحلقة اللي فاتت بس كان فيه عندي مناسبة وعطلتني شوية ❤🙈

في غرفة أدم وعشق

دلفت هي للغرفة بـ حذر فـ وجدته يذهب ويجئ بـ غضب فـ تنهدت هي مُغلقة الباب ثم اقترب منه علي مهل فـ إنتبه هو لها

نظر لها نظرة غاضبة ثم عاد يسير ذهاباً وإياباً وقد تفاقم غضبه أكثر بعد رؤيته لها فـ عقدت هي ذراعيها أمام صدرها هاتفة بـ هدوء : ملهاش لازمة عصبيتك دي يا أدم ، أنا مش جاية ألومك ، ابنك يستاهل القلم اللي أخده منك ، ويستاهل أكتر من كدا كمان ، بس مكنش ينفع تطرده بـ الشكل

نظر لها أدم للحظة ثم ضحك بـ سخرية وهتف وهو يضيق عينيه : تلوميني ؟ انتِ اللي هتلوميني ؟ لأ يا مدام أنا اللي بلوم نفسي علي اللي وصلناله دا ، وكل دا بسبب إني سيبتلك مُطلق الحرية في تربية الأولاد وكمان تتدخلي في حياتهم اللي متخصكيش أصلاً ، جوزتي صقر غصب زي البنات ومكلمتكيش وقولت لنفسي دي أم وتفهم ابنها أكتر مني ، جوزتي سيلا بردو بـ الشكل دا واللي طربق الدنيا علي دماغنا ومع ذلك قولت علشان بنتي تكون مرتاحة أكتر ، كان ليكي مطلق الحرية مع جواد لما تعب ، نقلتيه من المستشفي بدون إذني ومش دي وبس لأ دا انتِ سوقتي فيها كمان مع سكوتي ، سيبتلك ليث اللي ياما كلمتك عنه وعن عدم تحمله للمسئولية ، ودي النتيجة إبني بقا واحد *** بيمد ايده علي مراته ودماغه مودياه إن في مبرر للي عمله ، اسمعيني كويس يا عشق علشان مفيش تراجع عن كلامي اللي هقوله ومفيش تساهل في أقل غلطة ليكي ، ولادي أنا اللي هتولي مسؤليتهم من دلوقتي ، وانتِ مش هتتدخلّي في أي حاجة تخصهم لا من بعيد ولا من قريب ، كفاية أوي اللي عملتيه لحد كدا ، مش هتخربي حياتهم تحت مسمي الأمومة 

ـ بخرب حياتهم تحت مسمي الأمومة ؟ هتفتها عشق بـ ذهول وقد اتسعت حدقتيها ثم استكملت : انت شايف إني بخرب حياة ولادي ، انت شايف أصلاً إن في أم في الدنيا تخرب حياة ولادها

ـ مش لاقي مسمي لعمايلك دي غير انك بتخربي حياتهم ، ولحد كدا بقا كفاية أوي ، ولادي بقوا مسئوليتي أنا يا عشق ، برضاكي أو عدمه ممنوع تتدخلي في أي حاجة تخصهم . هتفها أدم بـ نبرة غير قابلة فـ نظرت هي له بـ غضب وكادت أن تتحدث ولكنها تراجعت وأغمضت عينيها وزفرت زفرة مطولّة وهي تضم قبضتها ثم فتحت عينيها ونظرت له بـ جمود هاتفة : أنا مش هرد علي كلامك دا دلوقتي ، لأن دا مش وقته ودا اللي جيت أبلغك بيه أصلاً ، كرم هيوصل الساعة 8 ، لوقتها تهدي علشان اليوم دا يعدي علي خير

ـ أنا مش محتاج رد منك يا مدام ، كلامي دا اعتبريه أمر واجب تنفيذه  ، وانتِ مش محتاجة تفهميني اللي هعمله . هتفها أدم بـ حدة وهو يوليها ظهره فـ كبتت عشق غضبها منه وغادرت الغرفة بـ هدوء تام