الڤوت قبل القراءة يا حلوين 💙🙈
أيوة أنا طماعة 😂😂💙
شايفاكي ياللي طنشتي 😒
اعملي ڤوت يا ولية منك ليك 😒😂💙******************************
في منزل مراد وفريدة
خرج مراد من غرفته أخيراً بعد ساعات من عودتهم فهتف رحيم بمكر : ايه يا والدي ، دا أنا قولت مش هنشوفك غير الصبح ، هي فيري فصلت شحن ولا ايه ؟!
ـ احترم نفسك ياض انت بدل ما هعلقك علي الباب دا ، جتها نيلة اللي عاوزة خلف ، عيال مشافتش ربع ساعة تربية
انفجر رحيم ضاحكاً علي طريقة والده التهكمية فجلس مراد بجانبه هاتفاً : جواد وعشق عاملين ايه ؟!
ـ والله أنا من ساعة ما سبتهم كانوا زي الفُل لكن دلوقتي تحديداً معرفش ، ما انت عارف بقا البيت هناك مكهرب بقاله فترة
تنهد مراد بشرود فهتف رحيم بجدية : مالك يا بابا ، أنا محبتش أتكلم مع ماما في الموضوع دا بس حاسس إن حصلت حاجة بينكم
ـ لأ يا حبيبي ما تشغلش بالك بالموضوع دا . هتفها مراد وهو يربت علي كتف ولده مع خروج سما من المرحاض فتفاجأت بوجود مراد ولكنها هتفت بإرتباك : إزيك يا أونكل
ـ إزيك يا حبيبتي . هتفها مراد بإبتسامة خفيفة فهتف رحيم بنبرة حانية : ادخلي يا حبيبتي أوضتك وأنا هاجيلك دلوقتي
أومئت سما ودلفت لغرفتها سريعاً تحت أنظار رحيم الذي تفاجئ بقول والده المتهكم : بُصلي أنا هنا يا روح أمك ، ايه يا أخويا مفيش صبر
ـ شباب بقا يا رودي ما إحنا كنا شباب . هتفها رحيم بمرح فهتف مراد : والمهزق التاني فين ؟!
ـ هتلاقيه مرمي جوا في أوضته هيروح فين يعني ، سيبك من كل دا ومتتهربش مني ، ايه اللي حصل بينك وبين ماما عشق وخلاك تاخد ماما وتيجي علطول ؟!
زفر مراد بضيق وهو يهتف بحزن : عشق بتغلط يا رحيم ، بتغلط ومش عارفة نتايج غلطها دا هيوديها لفين ، منكرش إنها نيتها كويسة بس الطرق متنفعش خالص
ـ ماما عمرها ما بتغلط عن عمد يا بابا ، وأياً كان اللي حضرتك بتتكلم عنه فالغاية بتبرر الوسيلة ، وحضرتك لسه قايل من شوية إن نيتها كويسة
ـ يبني الدنيا دي مش كدا ، الغلط بيفضل غلط وفي النهاية لازم هيكونله ضريبة .
صمت رحيم وهو يفكر في حديث والده الذي هتف : قوم نام ولا روح شوف مراتك وسيبك من الكلام دا ، تصبح علي خير
هتفها مراد وهو يدلف لغرفته لكر رحيم قليلاً بحديث والده ودلف لغرفة سما
في ڤيلا سُلطان ورهف
دلفت جنّة للداخل ركضاً وبطريقة اصطدمت بوالدتها فهتف بسرعة : سوري يا مامي
تابعتها رهف بعينيها بتعجب شديد ولكنها اصطدمت بزوجها هو الأخر يحاول اللحاق بجنّة فأمسكت به قائلة : استني بس رايح فين جري كدا وجنّة بتجري ليه ؟!
YOU ARE READING
نفوذ العشق
Mystery / Thrillerرياح عاتية .. مدمرة .. جارحة .. تصيب أولادها الأربعة رياح إنتقامية من قلب خبيث وعقل ماكر .. تترك بداخل كلا منهم أثر لا يمحوه غير شئ واحد فقط .. الحب .. ولكنها ليست أقوى من رياح أخرى أكثر دمارا .. رياح تحمل سلاح الماضى المؤلم تاركة جرح غائر لا يطيب...