نفوذ العشق

الحلقة الحادية و السبعون

الحلقة يا أسطوات 😂😂❤
الفصل النهاردة بردو كبير بس مش زي المرة اللي فاتت ❤🙈
بردو استوعب المشاهد اللي محدداها الحمدلله ❤🙈
لقائنا الثلاثاء إن شاء الله ❤🙈
ڤوت بقا للحلقة قبل القراءة علشان أحبكم ❤😂

♡•♡•♡•♡•♡•♡•♡•♡•♡•♡•♡•♡•♡•♡•♡•

في غُرفة الضيوف

طرق فهد مرتين فـ أتاه صوت زوجته الذي يقترب شيئاً فـ شيئاً حتي فتحت الباب هاتفة : أنا جهزت يا فهدي خلاص ، بس حور بـ تظبط شعرها

ـ ايه الجمال دا يا جنّتي . هتفها فهد بـ إنبهار و هو يتأمل ثوبها المُشابه لـ ثوب حور و لكنه أصفر اللون بينما تفاصيله نفسها بـ الإضافة للعقد الماسي الذي زين عُنقها و سوار رقيق مع تجديلها لـ خصلاتها جديلة مُميزة و ألقته علي جانبها الأيسر فـ إبتسمت هي بـ خجل و هتفت بـ حُب : بجد يا فهدي ، حلوة بجد ؟

كاد فهد أن يرد عليه و لكن قاطعه صوت ليث الساخر : تحبوا أجيبلكم شجرة نحطها هنا و اتنين لمون علشان الكلام يحلوّ

ـ يخربيت فصلانك ، انت رخم ليه ياض انت . هتفها فهد بـ غيظ فـ نظر له ليث بـ برود ثم هتف : من بعض ما عندكم ، و بعدين مش يمكن انتوا اللي جرعة المحن زايدة أوي معاكم

ـ مراتي يا فصيل ، ايه ما بتتغزلش في مراتك ! هتفها فهد بـ غيظ فـ صمت ليث فجأة و هو يتنهد ثم عقد ذراعيه أمام صدره و هو يُخفي ضيقه فور ذكر سيرتها فـ لم يُعقِب فهد علي ذلك

خرجت حور أخيراً و هي تهتف لـ شقيقتها : خلصت أهو خلاص

ـ طيب يلا علشان طنط استعجلتنا . هتفها فهد و هو يُمسك بـ كف زوجته بينما فك ليث يديه و هو يسير أمامهم و لم يُلقي عليها نظرة واحدة مما تسبب في حُزنها الذي ارتسم علي وجهها فوراً فـ همس فهد بـ مواساة : معلش يا حور ، أكيد هيروق و كل دا هيتبخر صدقيني ، و دي مهمتك انتِ بقا

لم ترد عليه حور و نظرت لـ ليث الذي توقف مع شعوره بـ عدم وجودهم بـ جانبه و لكنه ظل يوليهم ظهره

ساروا معاً حتي و صلوا إليه ثم نزلوا إلي الأسفل

خرجت عشق من غُرفة عهد بصُحبة كلاً من عهد و سما مع خروج عشق من الغُرفة بعد انتهائها من إرتداء ملابسها فـ صاحت خالتها بـ حُب : شوفتي دا أحلي ازاي ، زي القمر يا روحي

ـ شُكراً يا ماما . هتفتها عشق بـ خجل و هي تُعيد خصلة متمردة خلف أُذنها فـ إبتسمت خالتها بـ حنان و هي تحثهم علي النزول للأسفل

مع و صولهم للأسفل هتف صقر بـ نبرة ساخرة : عريس الغفلة إتأخر ، اتطمني عليه يا ست الكُل ، لا يكون جراله حاجة لا قدر الله

ـ صقر ، أنا قولتلكم ايه ، مش عاوزة حركات العيال دي خالص . هتفتها عشق و هي تزجره فـ هتف أدم بـ تهكم : و هو يعني قال حاجة غلط ، ما هو عريس الغفلة إتأخر فعلاً ، مُغفل و كمان هنستناه