نفوذ العشق

اقتباس 💙✨

اقترب فهد من جنّة ونظر لها بحب وكاد أن يمسك بكفها الصغير ولكنه تفاجئ بإقتحام سُلطان الفاجئ وامساكه بيد جنّة هاتفاً بعد أن قبّل رأسها : يلا يا حبيبتي اركبي

ـ تركب فين ؟! هتفها فهد وهو يبتسم ببلاهة فهتف سُلطان ببرود ثلجي : تركب مع أبوها يا حياتي

ـ وبالنسبة لجوزها يا حياتي ، ولا انت بتنسي ! هتفها أمين متدخلاً وهو يكز علي أسنانه بغيظ فهتف سُلطان : هو دا اللي عندي ، بناتي هيركبوا معايا

كان جواد يتابع تلك المناوشة وهتف لمراد : هو الكلام دا ليا أنا كمان 

ـ اعمل نفسك مش سامعه . هتفها مراد بقلة حيلة وهو ينظر لسُلطان بيأس

أما عن فهد فكان ينظر لجنّة التي استسلمت لقول والدها واستقلت السيارة بمساعدة والدتها التي وصلت معه فحاول أمين تهدئة فهد هاتفاً : معلش يا فهد ، معلش يا ابني انت أكيد عارف انه مجنون دا مش جديد يعني

ـ للأسف عارف يا بابا . هتفها فهد بحزن وهو ينظر لجنّة التي تعلقت أنظارها به

قاطعهم نزول حور التي كانت تنظر فقط لوالدها ولكنها ما إن لمحت ليث رمقته بنظرة حزينة تفهمها هو فنظر لها بطمأنة وهو يحاول بث الأمان لداخلها ولكن ما إن وقف والدها امامها نظرت له بأعين حزينة ولكنها ارتمت بأحضانه هاتفة بهمس : بابي

ـ يا نور عيونه . هتفها وهو يمسك بكفها هاتفاً : يلا يا حبيبة أبوكي

اقترب منه أمين هاتفاً بهمس : اعقل يا سُلطان يا حبيبي احنا وسط ناس ، خليت شكلنا زي الزفت ، هو في كدا في الدنيا بجد

ـ مش أنا موجود ، يبقي فيه . هتفها سُلطان ببرود ثلجي فكز أمين علي أسنانه ونظر لرهف نظرة علها تفعل شيئاً ولكن لمح بعينيها حزن لأول مرة مما أثار دهشته وما أزاد شكوكه هو قول سُلطان البارد : ومتضايقش أوي يا ليث ، مش هخليك تركب كدا لوحدك لحد القاعة ، حماتك معاك يمكن تسلوا بعض

هتفها وهو يسير بحور حتي السيارة فنظر ليث لرهف بشفقة وتوجه إليها ممسكاً بيدها عله يطمئنها وهو يبتسم ابتسامة مُجاملة

قاطع كل ذلك نزول سيلا وورائها كلاً من سما وعشق ومع وصول سيلا لأسفل الدرج استقبلها صقر بذراعيه وهو يحتضنها فإستقبل مالِك ذلك ببرود ثلجي

ـ وبعدين في الليلة اللي مش فايتة دي بقا . هتفها رحيم بغيظ شديد وهو يقترب من صقر هاتفاً من بين أسنانه : سيبها يا صقر تروح لجوزها ، متشلنيش انت كمان دلوقتي بس اقتنعت ان ماما كان لازم تيجي معانا

استقبل صقر حديث شقيقه ببرود فهتف رحيم بهمس وبنبرة لا تحتمل أي نقاش : قولت سيبها يا صقر تروح لجوزها

ابتعد عنها صقر بإمتعاض رحيم  منادياً والدته التي أتت علي الفور ومعها شمس لمساعدتها بالسير حتي وصلت لمالِك وكادت أن تتعثر فأمسك بكلتا يديها هاتفاً بنبرة لعوب : اسم الله عليكي يا عروسة

ـ لم نفسك شوية يا قليل الأدب انت مش قدامنا

ـ مراتي يا ست الكل ، مراتي . هتفها مالِك لوالدته وهو لم يزيل ناظريه عن سيلا التي استحت من نظراته ففتح باب السيارة وساعدها للدلوف واستقلال مقعدها

***************************************

كل واحد مننا بيحتاج فتره سوا كان يوم او اسبوع او سنه في حاجات كتير محدش يعرفها جوانا يمكن علي ما نقرر نقولها بيكون الوقت فات وبنحس اني الدنيا هتغمق في عيونا
ورا كل ازمه بتعدي علينا المفروض اني بنرجع أقوي و أنا أتمني بعد الفتره دي اكون أحسن بكتير وأرجع أكمل من تاني 💙✨
حقيقي أنا في أمس الحاجة للدعاء في الفترة دي 💙✨
انتظروني 💙✨