نفوذ العشق

الحلقة الحادية والأربعون

في صباح اليوم التالي

استيقظ صقر وتفقد الساعة بضيق فوجدها دقت السابعة فجلس نصف جلسة وهو يشعر بدوار يكاد يفتك برأسه ولكنه انتبه ما إن وجدها تخرج من المرحاض بخصلاتها المُبللة وبيدها منشفة تجففهم بها ومرت أمامه وحتي لم تنظر له وكأنه نكرة أما عنه فلم يزيل ناظريه عنها وخاصةً وهي تحرك خصلاتها من جهة للأخري لتجففهم ولكنه زفر بضيق وهو ينفض الغطاء وذهب إلي المرحاض هروباً

أما عنها نظرت للباب في المرآة وهي تبتسم بمكر وأكملت تجفيف خصلاتها

في شقة كرم

استيقظ كرم بضيق من أشعة الشمس التي استباحت وجهه بتسللها من شرفة الغرفة المفتوحة علي مصرعيها فإبتسم فجأة وهو يشعر بما تحته من حلات رسمية فقد غفي وهو يحاول أن ينتقي أفضلها

إتسعت إبتسامته وهو يقاوم النوم ووقف وأغلق ستائر الشرفة ، داعب خصلاته وإبتسامته تتسع أكثر ونظر للفراش وما عليه من ملابس رسمية وهتف بهمس وهو يغمض عينيه بحالمية : هتوديني علي فين بس يا عهدي ، أنا هتجنن لحد ما تنوري البيت الضلمة دا ، تعالي بقا يا عهدي

فتح عسليتيه فور إنهائه لجملته فوجد صورتها تقابله فإبتسم بجاذبية وهو يهتف : شوفتي يا عهدي جننتيني ازاي ، مبقتش قادر أصبر أكتر من كدا ، مش مصدق امتي بقي هتكوني بين إيديا ، هانت أوي يا عهدي هانت أوي

قاطع أفكاره صوت رنين هاتفه فإعتقدها والدته ولكن خاب ظنه فور رؤيته لإسم عمه " هشام " فتردد قليلاً ولكنه رد هاتفاً : ألو

ـ مكنتش متخيل أبداً يا كرم انك تعمل عملة زي دي ، كنت فكرتك اتغيرت وبعدت عن المحيط الـ*** الي أبوك دخلك فيه ، لكن ديل الكلب عمره ما هيتعدل

ـ ثواني بس ايه اللي حصل لكل دا . هتفها كرم بعدم فهم فجاءه صوت هشام المتهكم : لأ والله ، هصدقك حاضر

ـ متقول علطول فيه . هتفها كرم بضيق جعل هشام يتحدث بإندفاع هاتفاً : ايه اللي وداك لمعرض عهد يا كرم ، وايه اللي خلاك تبعت صور زي دي لصقر ، وإزاي تسمح لنفسك تقرب ليها وهي متخصكش أصلاً

لم يتفاجئ كرم كثيراً واستغرق منه الأمر ثوانٍ معدودة ليدرك هوية الفاعل فهدئ من روعه قليلاً وهتف بتروي : بذمتك انت مصدق كلامك ، ايه اللي هيخليني أعمل حاجة زي دي وأنا بحب عهد وعاوز أتجوزها ، وعارف كويس إن صقر أول واحد هيعارض الجوازة دي  

ـ مش بعيد تكون تمثيلية منك ، انت ايه يابني مش مكفيك اللي حصل لجواد بسببك ، أنا غلطان إني فكرت أساعدك وأقف جنبك ، كان عندي أمل إنك تتغير وتبعد سكة أبوك بس مفيش فايدة

لم يعطي لكرم فرصة الرد وأغلق الخط فبدي الغضب علي وجه كرم بشكل ملحوظ وهتف : الموضوع بدأ يخرج عن سيطرتي ، ولازم يتحطله حد