نفوذ العشق

الحلقة الخمسون

كان ممسكاً بيدها حتي وصلا إلي باب غرفتهم فهتف للشاب : ميرسي جداً تقدر تتفضل

هتفها بإبتسامة فإنصرف الشاب في هدوء فتقدم ليث وفتح الباب وهو ينظر لحور بنظرات غير بريئة فهتفت حور بريبة وهي تبتسم ببلاهة : ايه يا ليث ؟!

شهقت فجاة وهي تشعر بقدميها معلقة في الهواء واذا به قد حملها عن الارض ولا زال ينظر لها بنظرات غير بريئة هاتفاً  : ايه يا مُزة انتِ ، وبعدين وفري التوتر دا لكمان شوية

هتفها وهو يدلف واغلق الباب بقدمه فضربته حور ضربه خفيفة : يا قليل الادب ، طب نزلني بقا

وصل بها إلي الفراش وألقي بها عليه فجأة فتأوهت حور قائلة : يا قليل الذوق في حد بيآآآآ

ـ اسمعيني بقا كويس جداً يا بنت رهف ، قلة ادب ونمردة مش عايز ، عاوزين نعدي ليلتنا كدا خفيف خفيف

ـ قول لنفسك يا قليل الذوق في حد بيوقع حد كدا وبعدين انت آآآآ ، انت بتعمل ايه يا ليث ؟!

هتفتها وهي تراه يخلع جاكيت بدلته الذي القاه أرضاً بإهمال وشرع في فك ازرار قميصه فولت هي وجهها للجهة الاخري هاتفة بخجل : بتعمل ايه يا قليل الادب انت

اعتلاها ليث فجأة هاتفاً بمكر وهو يضغط علي حروفه : بستعد للماتش يا مُزة

ـ ماتش ايه ؟! هتفتها حور بإستفهام فهتف ليث : وبعدين معاكي يا بنت رهف هنضيع الليلة في الكلام دا

ـ انت قصدك قلة ادب صح ؟!

ـ لأ لماحة اوي . هتفها ليث بتهكم فضربته ضربات متتالية جعلته يتسطح بجانبها هاتفاً بألم : أه يا بنت المجنونة

وقفت حور سريعاً وهي تتخصر هاتفة : لأ مسمحلكش بقا ، وبعدين انت مفكرني سهلة ولا ايه ، والله اصوت وألم عليك الناس وأقول بيتحرش بيا

ـ بتحرش بمين يا بت انتِ ، انا جوزك يا بنت المجنونة ، هتطلعي تقوليلهم جوزى بيتحرش بيا

ـَ أه وبعدين ملكش دعوة . هتفتها حور بغيظ فنظر لها ليث بمكر : توهي توهي يا حبيبتي ، الشويتين دول ميدخلوش عليا

ـ وهتوه ليه بقا ، خايفة منك ولا خايفة

ـ طيب طالما مش خايفة بعدتي ليه ؟! هتفها ليث وهو يقترب منها ببطء غير ملحوظ فهتفت : كدا عاجباني الوقفة هنـ آآآ

شهقت حينما امسك بها فجأة وهتف بمكر : مسكتك يا قُطة

ـ والله أصوت وألم عيلك الناس . هتفتها حور بتوتر فتعالت ضحكات ليث وهو يهتف قارصاً وجنتها بلُطف : يا بت اعقلي شوية ، يعني اخلص من أبوكي تطلعيلي انتِ بالجنان والحركات دي

ابتسمت حور فجأة وهي تهتف بعدم تصديق : مش مصدقة يا ليث ، مش مصدقة اننا اتجوزنا بعد كل اللي حصل دا