نفوذ العشق

العشرون

الحلقة العشرون ❤️

في غرفة سيلا

كانت عشق لا تزال ترافقها والآن تحديداً تضمها وهما متستلقيتان على الفراش وكأن أحدهما سيسلبها إياها .. تطبع قُبّلة رقيقة على خصلاتها كل ثانية والأخرى فقطع ذلك الصمت المسيطر على المكان قول سيلا :

-  مامي

-  نعم يا حبيبتي . قالتها عشق وهي تربت على خصلاتها بحنان فقالت سيلا وهي تنظر لوالدتها  :  أنا خايفة يا مامي

-  من إيه يا حبيبتي ؟! قالتها عشق وهي تنتصب بقلق فقالت سيلا وهي تنتصب هي الأخرى قائلة بحزن  :

-  مش عارفة

- يا حبيبتي انتي المفروض دلوقتي تسمعي كلام أونكل إياد وتشغلي وقتك ونبطل تفكير في اللي فات .. وبعدين مش إحنا قولنا إن بنات عشق مبيخافوش . قالتها عشق وهي تحاوط وجنتيها الممتلئتين وأكملت  :

-  وبعدين يا حبيبتي انتي هتتجوزي بعد بكرا .. مش انتي بتحبي مالِك ؟!

-  مش عارفة يا مامي . قالتها سيلا بحيرة فتنهدت عشق قائلة  :  انتي يا حبيبتي دلوقتي مش عارفة ترتبي أفكارك .. بس صدقيني يا قلب مامي أنا مستحيل أوافق على حاجة ليها علاقة بيكم إلا وأنا متأكدة منها .. وأنا متأكدة إن مالِك عمره ما هيزعلك

كادت أن تُكمل ولكن قاطعها دلوف صقر الذي تفاجأ بوجودها فأغلق الباب قائلاً بوجوم  :

-  مكنتش أعرف إن حضرتك هنا .. كنت جاي أتطمن على سيلا

-  إعدل وشك يا صقر أحسن .. وبعدين كُنت جاي تتطمن عليها بس ولا تسمعها محاضرة وتملي دماغها بكلام فاضي . قالتها بتهكم شديد فزفز بغضب قائلاً  :

-  ماما .. أنا مقدرتش أتكلم لما كانوا هنا علشان محرجش حد .. لكن القرار دا غلط مليون في الميه .. جواز ايه وهي لسه في السن دا

-  القرار دا غلط مليون في المية ؟! وسيادتك بقا اللي جاي تعدل قراراتي وناسي إن أنا اللي ربيتك

-  يا ماما أكيد دا مش قصدي بس آآآآ ....

-  سيادتك دورك جاي .. سيلا عاوزة ترتاح علشان تصحى بدري لخطيبها .. إتفضل على أوضتك لحد ما أجيلك . قالتها بنبرة لا تقبل النقاش فكظم ما يكنه من غضب وإقترب من سيلا مُقبّلاً جبهتها ووجنتيها قائلاً  :

-  تصبحي على خير يا روحي

إبتسمت سيلا وقبّلت وجنتيه قائلة برقة  : وإنت من أهله يا أبيه

خرج عقِب تلقيه لنظرة والدته القوية والجامدة في آن واحد فضمت عشق إبنتها مرة أخرى قائلة  : حبيبة مامي إنتي

سمعت أزيز هاتف سيلا الذي أضاء برقم مجهول فأمسكت عشق الهاتف عنها وفتحت ليأتيها صوته قائلاً  : الجميل بتاعي لسه صاحي ليه ؟!