نفوذ العشق

الثالثة عشر

الحلقة الثالثة عشر 🖤

في غرفة جنّة

كانت هي جالسة على فراشها تربع قدميها وقد رفعت شعرها في شكل كعكة فوضوية تفكر كيف ستراضي والدها ؟!

سمعت رنين هاتفها فوجدت الشاشة تضئ بإسمه فإبتسمت بحب وهي ترد قائلة :

- فهدي

إبتسم هو فور سماعه لذلك اللقب الذي عشقه منها لا من غيرها وقال بحب :

- جنّتي لسه صاحية ليه ؟!

- بابي زعلان مني أوي .. ومش بيكلمني

- معلش يا روحي شوية بس وهيهدي لوحده

- بس أنا مبحبش بابي يزعل مني كدا

- عارف يا جنّتي .. وصدقيني خالو صحيح متضايق بس من اللي حصل مش من فراولته أبداً

- مش مصدقة يا فهدي .. مصدقتش ان طنط ممكن تعمل كدا بجد

- لو كان في حد في الدنيا دي يقدر يخلي خالو ينخ كدا فهي خالتو عشق

ضحكت جنّة فقال بشوق :

- هي الضحكة دي اللي هتجنني وهتطيرلي عقلي من راسي

إبتسمت جنّة بخجل فقال هو بحب :

- الفراولة دي هأكلها قريب أوي

- فهد

قالتها بخجل وهي تبتسم فقال بهيام :

- إنتي قلب فهد والله العظيم

ابتسمت فقال هو بنبرة حنونة :

- وبعدين جنّتي لازم تنام علشان عندنا فستان هنختاره لأميرة قلبي وهنعدّل في بيتنا وفي شغل كتير

- بجد يا فهدي

- بجد يا قلب فهدك .. يلا يا حبيبي .. تصبحي عليا

ابتسمت جنّة وهي تكاد تشعر انها بعالم أخر فقالت بهمس :

- بحبك يا فهدي

- بموت فيكي يا قلب فهدك

إبتسمت وهي تغلق وقبّلت هاتفها بحب وإستلقت وهي تحتضن الهاتف فتناثرت خصلاتها على الوسادة عقِب فكها لتلك الكعكة لتجعلها كالملائكة وأغمضت عينيها غارقة في سبات عميق

في فيلا عشق وخاصةً في غرفة أدم وعشق

كانت هي مستكينة بين أحضانه بشرود فقال أدم بحب :

- فراشتي سرحانة في ايه ؟!

- مفيش يا حبيبي .. بس كنت بفكر في موضوع صقر

- بصراحة يا فراشة ضغطتي عليه أوي

- يستاهل .. أصله مشافش مني نص ساعة تربية

قالتها بحنق فضحك أدم قائلاً :

- بس كمان يا حبيبتي مكانش ينفع اللي عملتيه دا