نفوذ العشق

اقتباس 💙🤣

كان كلاً منهم يتناول طعامه بهدوء عدا رائد الذي كان يتحمحم من حين للأخر فنظر له مراد وهتف : أنا مش مرتاحلك ياض انت

ابتسم رائد بحرج وهو ينظف حلقه هاتفاً : بصراحة يا بابا كنت عاوز اكلمك في موضوع كدا

ـ هاا انطق ، هببت ايه المرة دي . هتفها مراد وهو يتابع تناول طعامه بينما تنبهت له فريدة وهو يهتف : لأ هو انا مهببتش لسه ، بس ناوي

رمقه مراد بنظرة مستفهمة وهو يترك ملعقته فهتفت فريدة له بغيظ وهي تبتسم : عارف يا رائد يا حبيبي لو طلعت مصيبة من مصايبك هعمل فيك ايه

ـ قد ايه سمعتي حلوة انا مش قادر اتخيل . هتفها رائد؟! بحرج وهو يداعب خصلاته من الخلف فهتف مراد بنفاذ صبر : ما تنجز يا زفت ، عايز ايه ؟!

ـ بصراحة يا بابا أنا عايز اتجوز . هتفها رائد وهو يتابع كليهما وعلامات الصدمة تسيطر عليهما وفجاة افجروا ضاحكين مما اثار دهشته وهو يضحك ببلاهة فهتفت فريدة بتهكم : ودي مين الهبلة دي اللي تتجوز واحد عبيط زيك

ـ نادين . هتفها رائد بجدية وهو يتنهد عقب نُطق اسمها فهتف مراد بضحك : كمان ، ملقتش في العالم غير بنت عمّار ، دا هيطلع عينك علي ما تتجوزها

ـ شايل ومعبي من اللي عملته فيه عشق زمان علشان يتجوز هند . هتفتها فريدة بضحك فهتف راىد بيأس : للأسف عارف ، علشان كدا هكلم طنط عشق بس حبيت اعرفكم الأول

عاد مراد لجديته هاتفاً : طالما وصلت للنقطة دي وفعلاً عايز تتجوز يبقا تفوق شوية كدا وتعقل وتبطل عمايلك دي لأن عمّار اكيد ميجوزش بنته لبغل زيك

ـ ميرسي جداً يا والدي والله مش عارف هرد علي وصلات المدح دي بإيه الصراحة . هتفها وهو يبتسم ببلاهة فهتفت فريدة : بابا معاه حق يا رائد ، اديك شايف رحيم اهو ربنا هداه ازاي ، ربنا يهديك انت كمان

ـ ان شاء الله يا ماما ، المهم انا هلحق طنط عشق علشان ماجد اتفق معايا نروحلها مع بعض . هتفها رائد وهو يقف جامعاً متعلقاته فهتف مراد بدهشة : علي طول كدا ، وبعدين ماجد عاوز عشق في ايه هو كمان

ـ خير البر عاجله يا والدي ، وبعدين ماجد عينه من روح وحابب  يكلم طنط عشق بردو . هتفها رائد بسعادة فهتف مراد بغيظ : عينه منها يا قليل الأدب ، دي ألفاظ تقولها

ـ بيحبها يا والدي ، عايز يتجوزها ، سلام بقا . هتفها رائد وهو ينصرف بسرعة فهتف مراد وهو يضرب كف بالاخر : شوفي الواد ابن الـ *** . ضحكت فريدة بهدوء وأكمل كلاً منهما طعامه

******************************

رأيكم يهمني ❤😍
انتظروني ❤️‍🔥