အရှင်​မင်းကြီး ​ကောင်းကင်​ဘုံကို မကြွ​သေးဘူးလား

Chapter 25

"Wanyu Mediaရဲ့ မိသားစုဝင်
ဖြစ်တာကြောင့်"

"လက်တွေ့ဘဝက တွေ့ဆုံပွဲ"
ဆိုတဲ့ စကားလုံးလေး လေးလုံးက ထန်းရှောင်ကို ချောက်နက်ကြီးထဲ ပြုတ်ကျသွားသလိုမျိုး ခံစားသွား
ရစေတယ်။

သူမဘဝ အကြောင်းကို ပြန်တွေး
ကြည့်မိတယ်။ ဒီအတောအတွင်း
သူမ အတော်လေးကို လွတ်လပ်
ပြီး အားယားနေခဲ့တာပဲ။

ဒီနှစ်ထဲမှာ သူမ လက်ခံရတဲ့ အလုပ်ဆိုလို့ SRရဲ့ ​ပြောရေးဆို
ခွင့်ရ ကိုယ်စားလှယ် အဖြစ်ရယ်, ကြော်ညာလေးနှစ်ခု ရယ်ပဲ
ရှိသေးတာ။
သူမမှာ TVစီးရီး ဇာတ်လမ်းတွဲ
​တွေ၊ ရုပ်ရှင်ကားတွေ တစ်ခုမှ
မရှိဘူး။ ပြောချင်တာက သူမရဲ့ အချိန်အများစုကို ဂိမ်းဆော့ရင်းနဲ့
သာ ကုန်ဆုံးခဲ့တယ် ဆိုတာပဲ။

ဂိမ်း အဆော့လွန်တာရဲ့ နောက်
ဆက်တွဲ ရလဒ်ကတော့ အွန်လိုင်း
​ပေါ်က ကမာ္ဘကြီး နဲ့ တကယ့်
ပြင်ပကမာ္ဘကြီးတို့ရဲ့ ကွာခြားချက်
က ဘာလဲ ဆိုတာကိုတောင်
ထန်းရှောင်မှာ ပြောပြရဖို့ ခက်ခဲ
သွားတယ်​။

အဖွဲ့မှူးနင်သာ သူမ ဒီလောက်ထိ
ဂိမ်း စွဲလမ်းနေတာ ကို သာ
သိသွားခဲ့ရင် အွန်လိုင်း မပြောနဲ့
ဘယ် လျှပ်စစ်ပစ္စည်းကို ​တောင်မှ သုံးခွင့်ရမှာ မဟုတ်တော့ဘူး။

သူမ တစ်နေ့တစ်နေ့ မူချောင်ရဲ့
ပိုစတာတွေ ကို ကြည့်ပြီး အချစ်နာ
ကျနေတာမျိုး ကို အဖွဲ့မှူးနင် က ခွင့်ပြုပေမဲ့ နေ့တိုင်းလိုလို ဂိမ်းထဲ
မှာ ပါးစပ်သရမ်းပြီး ပေါက်ကရ
​လေးဆယ် ပြောနေတာကိုတော့ သေချာပေါက် ခွင့်ပြုမှာ မဟုတ်
ဘူး။

အခုချိန်မှာ ထန်းရှောင်ဆိုတဲ့
နံမည်က အရမ်းကို လူသိများ ကျော်ကြားနေတာမျိုး မဟုတ်
ရင်တောင် သူမ လမ်းပေါ်မှာ
သွားနေတုန်း တစ်ယောက်
​ယောက်ကသာ တစ်မိနစ်လောက် အချိန်ပေးပြီး သေချာစူးစမ်း
ကြည့်မယ်ဆိုရင် သူမက ဘယ်သူ
လဲ ဆိုတာ ကို လူတွေက မှတ်မိနေ
ကြတယ်။

ဘောင်းဘီပေါ်က အမွှေးတစ်မျှင်
လးရဲ့ မင်္ဂလာဆောင်ကိုသာ သူမ မျက်နှာသွားပြလိုက်ရင် ဖြစ်လာမဲ့ နောက်ဆက်တွဲတွေကို အခုက
တည်းက ကြိုခန့်မှန်းလို့ ရနေပြီ။