Unlocked My Heart (COMPLETED)

Chapter 3

Late na akung gumising, mabuti na lang at wala kaming trabaho ngayon. Pagbaba ko ay agad kung nakita ko sina Yanna at Kystal nakumakain ng almusal. Bigla ako nagtaka sa kanilang mga suot dahil ayos na ayos. Wala naman ako matandaang may lakad ang dalawa na 'to ngayon.

"Saan naman lakad n'yo?" Tanong ko sa kanina, saka ako umupo at kumuha ng tinapay. Nakaramdam na rin kasi ako ng gutom, kanina pa kumukulo ang t'yan ko.

"Aba't limot yata 'to. Hindi mo natandaan usapan natin nalalabas tayo ngayon," sagot ni Yanna at bigla ko na lang naalala 'yong usapan naming tatlo noong nakaraang linggo nalalabas kami upang mamasyal. Medyo matagal na rin kasi na hindi kami naglalabas dahil busy sa work. Kaya naisipan namin na mag-bonding kami ngayon dahil pareho kaming walang trabaho.

Kaya hindi ko na lang tinapos 'yong pagkain ko kahit gutom pa ako at nagmamadali na akong nag-ayos. Baka magtampo pa 'yong dalawa sa akin dahil nakalimutan ko usapan namin. Hindi na ako naglagay ng make-up at kung ano man nakuha ko na damit agad ko ng sinuot. Wala na akong gaanong oras. Hindi na ako nag-abalang mamili. Nang matapos na ako ay agad kami umalis.

Pagdating namin sa mall ay nagpasya muna kaming tatlong magpadala ng pera sa aming pamilya bago gumala. Pagkatapos ay naisipan muna naming tumingin-tingin ng mga damit. Habang namimili ako ng damit na bibilhin, si Yanna naman ay busy sa pagsusukat ng damit habang si Kystal ay ginawa pang photographer.

"Bibilhin mo ba 'yan lahat?"

"Hindi no, ikaw talaga. Iyong iba lang nito. 'Di kaya sa budget kung lahat ito at isa pa 'yang mga picture upload ko lang sa facebook. Alam mo na," sabay kindat sa akin. 

Kaya nagtinginan kami ni Kystal at sabay natawa. Pumasok naman ulit si Yanna sa fitting room. Kaya bumalik na lang ako sa pagtingin sa mga damit. Kanina pa ako rito pero wala man lang akong napili. Mabuti pa 'tong dalawa may napili na.

Nang mapagod na kami sa kakatingin ay binayaran na nila 'yong napili nila. At naisipan naming kumain sa paborito naming seafood restaurant. Hindi talaga ito mawala sa aming tatlo kapag lumalabas. Maswerte na rin kami siguro dahil wala kaming allergy sa seafood. Pagdating namin doon ay humanap kami agad ng mauupuan at may lumapit sa amin na waiter. Sinabi namin ang aming order at kailangan lang namin maghintay ng fifteen minutes. Kaya nag-usap na lang muna kami habang naghihintay.

Natigil na lang kaming mag-usap ng dumating na ang aming order. Tahimik lang kami kumakain at wala man lang nag-abala na magsalita. Sobra namiss ko ang ganitong pagkain.

"Grabe, cheat day ko talaga ngayon. Paano na lang 'yong diet ko nito," basag ni Yanna sa katahimikan. Lagi talaga inaalala ni Yanna 'yong figure ng katawan n'ya. Hindi naman siya sobrang taba para maging ganyan. 

"Minsan lang naman ito, kaya hayaan mo na lang," sabi ni Kystal.

Lumabas na rin kami ng restaurant pagkatapos namin magbayad. Sinabi ko muna sa kanila nadumaan kami sa bookstore dahil may bibilhin lang ako saglit. Pagpasok namin ay hinanap ko agad 'yong libro na kailangan ko. Mabuti na lang at kaunti lang ang tao hindi na ako gaano mahirapan pa. Nakita ko agad iyong hinahanap ko at isa na lang ang natira. Kukunin ko na sana pero may unang kumuha. Paglingon ko ay nakita ko agad 'yong familiar na mukha.

"Akin na dapat 'yan," agad nasabi ko sa kanya. Habang inalala ko muna kung saan kami nagkita.

"Miss, ako una nakakuha nito," sagot niya sa akin habang pinakita 'yong libro nahawak na niya.

"Ikaw.." Turo ko sa kanya nang maalala kung saan ko siya unang nakita. Siya 'yong lalaki na may-ari ng jacket.

"Bakit? Nagkita na ba tayo before?"

"May kasalanan ka pa sa akin. Kaya para quits tayo, ibigay mo sa akin iyan." Turo ko sa libro na hawak niya.

"I don't know you or remember that we met before. Isa pa kailangan ko ito. I need this book, so you'll have to wait until next week. I'm sure they'll have some other stocks," sabi niya at agad nang umalis. Hobby ba talaga niya ang umaalis agad. Nakakainis talaga siya. Kailangan ko pa naman 'yon. Ngayon lang din ako nagkaroon ng time napumunta dito at may budget para bilhin iyon.