Unicode
သူမ၏ မြေအောက်ခန်း.... မည်သည့်အတွက်ကြောင့် ဗလာကျင်းနေရပါသနည်း။
ထိုနေရာရှိ စင်ပေါ်တွင် အသင့်စားခေါက်ဆွဲခြောက်ထုပ် အနည်းငယ်သာလျှင် ကျန်ရှိပေသည်။
သူမရဲ့ အမဲသားခြောက်တွေ ဘယ်နေရာကို ရောက်သွားလဲ။ သူမရဲ့ မြစ်ခရုဆန်ခေါက်ဆွဲတွေရော ဘယ်မှာလဲ။ ကြက်ခြေထောက်အစပ်တွေကရော ဘယ်ပျောက်သွားရသလဲ။
"လုချီမင်!!!"
ကျန်းမြောင်မြောင်၏ နှလုံးသားက တုန်ယင်နေခဲ့သည်။
ပန်းပွင့်သေးသေးလေးများ ရိုက်နှိပ်ထားသည့် ဘောင်းဘီကို ဝတ်ဆင်ထားသော အမျိုးသားက အောက်ထပ်သို့ ပြေးဆင်းလာပေသည်။
"ဘာဖြစ်လို့လဲ။"
"ငါ့ပစ္စည်းတွေ ဘယ်မှာလဲ။"
သူက အလေးအနက်ကြည့်ရင်း ပြောလိုက်သည်။ "ကြွက်တစ်ကောင်ကောင် စားသွားတာများလား။"
ကျန်းမြောင်မြောင်သည် သူ့ကို သရဲဖြစ်သွားအောင် ရိုက်သတ်နိုင်ရန် ဆုတောင်းမိပေသည်။
"ဝူး.. ဝူး.. ဝူး...(ငိုသံ).. နင် မျက်လုံးဖြူဝံပုလွေ။ ငါက ကြင်ကြင်နာနာနဲ့ နင့်ကို အိမ်ထဲ ဝင်ခိုင်းခဲ့ပေမယ့် နင်ကတော့ ငါ့ရဲ့ အစားအသောက်တွေကို အကုန် စားပစ်တယ်။ အခု ဘယ်လိုလုပ်မလဲ။ ဗိုက်ဆာပြီး သေအောင် ထိုင်စောင့်နေရတော့မှာလား။"
သူမသည် လွန်ခဲ့သော နှစ်ရက်က သွေးအများအပြားဆုံးရှုံးထားမှုကြောင့် ခေါင်းက မူးဝေနေပြီး သူမကို ဂရုစိုက်ပေးမည့် တစ်ယောက်ယောက် ရှိနေသည့်အတွက် ဝမ်းသာမိပေသည်။ သို့သော် သူမက အိမ်ထဲသို့ ဝံပုလွေတစ်ကောင်ခေါ်သွင်းမိခြင်းဖြစ်ကြောင်း ထင်မှတ်မထားမိခဲ့ပေ။
လုချီမင်၏ ကြွက်သားများ လေ့ကျင့်ထားခြင်းမှာ အလဟဿမဟုတ်ချေ။ သူမက သူ့ကို ပြင်းပြင်းထန်ထန် ရိုက်နှက်ခဲ့သော်လည်း သူ့ကို အနည်းငယ်မျှ မနာကျင်စေခဲ့သည့်အပြင် သူမ၏ လက်သာ နာသွားခဲ့ရပေသည်။
YOU ARE READING
ငါးဆားနယ်လေးက ကမ္ဘာပျက်ကပ်စာအုပ်ထဲ ကူးပြောင်းသွားတယ် (ဘာသာပြန်)
Fantasyကျန်းမြောင်မြောင် x လုချီမင် မူရင်းစာရေးသူ - နိုင်ရှန်းဝေ့သာ
