အခန်း(၂၀၅) - သူမကို လိုက်လံပိုးပမ်းနေသမျှ တစ်ချိန်လုံးဟာ ဟာသတစ်ခုပဲ ဖြစ်ပေသည် (၃)
စာရေးသူ - Zhái Miāo (宅喵)
ဘာသာပြန်သူ - No Noe ( Miracle_Phyu97)
သူ့အသိုင်းအဝိုင်းထဲက လူတော်တော်များများကပင် သူ့ကို မိန်းကလေးတစ်ယောက်ကိုတောင် မလိုက်နိုင်ဘူးလို့ လှောင်ပြောင်နေကြပြီ။ သူက လူအများ လှောင်ရယ်စရာ ဖြစ်လာပေလိမ့်မည်။
သူက မျက်လွှာချရင်း အပြစ်ကင်းစင်တဲ့ အသွင်ဖြင့် "သူမမှာ ချစ်သူကောင်လေး မရှိသေးသရွေ့ ငါ့မှာ မျှော်လင့်ချက် ရှိပါသေးတယ်။" လို့ ဆိုသည်။
ရှစ်လုလုက တစ်ခုခု ပြန်ပြောတော့မယ့်အချိန်တွင် ပိန်ပါးသော ပုံရိပ်လေးတစ်ခု အနားသို့ ရောက်လာတာကို တွေ့လိုက်ရသည်။ သူမရဲ့အသွင်သည် မီးကဲ့သို့ တောက်ပပြီး သူမရဲ့ အနည်းငယ် ကောက်သော ဆံပင်များက ပင်လယ်သမုဒ္ဒရာကဲ့သို့ပင်။ သူမက အခြားသူတွေရဲ့ အကြည့်တွေကို ဆွဲဆောင်သွားစေနိုင်သည်။
ကျုံးရီက သူမကို ပြုံးပြလိုက်သည်။ "ရှင်းယွင် အပေါ်မှာ ရှိတယ်မလား။"
ရှစ်လုလုသည် မိန်းကလေးတစ်ယောက် ဖြစ်သော်လည်း ကျုံးရီရဲ့ အပြုံးက သူမကို ဆွဲဆောင်နေဆဲဖြစ်သည်။ သူမ ကျုံးရီကိုမြင်တဲ့အချိန်တိုင်း အရမ်းလှတယ်လို့ ခံစားရတယ်။ လီရှင်းယွင်သည် အလွန်လှပသော်လည်း သဘာဝအားဖြင့် ခုခံနိုင်စွမ်းရှိသည်။ သူမက ကုန်းယိလင်းကို လျစ်လျူရှုလိုက်ပြီး ကျုံးရီကို ပြောလိုက်သည်။ "အပေါ်ထပ်ကို အတူတူ သွားကြရအောင်။"
ကျုံးရီက ပြောသည်။ "ကျွန်မ သစ်သီးအချို့ ဝယ်လာခဲ့တယ်။ ကျွန်မတို့ အတူတူ စားကြရအောင်။"
"အစ်မကျုံးရီက အရမ်းသဘောကောင်းတာပဲ။"
"ဘာဖြစ်နေတာလဲ။" သူ့သူငယ်ချင်းက သူ့ကို ပုတ်လိုက်သည်။ "မင်း ဘာတွေ စဥ်းစားနေတာလဲ။ မင်း ပစ်မှတ်အသစ်ကို ပြောင်းချင်နေတာလား။ လီရှင်းယွင်ရဲ့ အစ်မက ဒီလောက်တောင် ချောလိမ့်မယ်လို့ မထင်ဘူး။ သူတို့က လုံးဝ ကွဲပြားခြားနားတဲ့ အလှတွေ ပိုင်ဆိုင်ထားကြတာပဲ။"
