အခန်း (၂၀၉) - အခု တောင်းပန်ဖို့ အရမ်းနောက်ကျသွားပြီလား (၁)
စာရေးသူ - Zhái Miāo (宅喵)
ဘာသာပြန်သူ - No Noe ( Miracle_Phyu97)
လီရှင်းယွင် အရမ်းဒေါသထွက်သွားပြီး ကျောင်းဖိုရမ်ကိုဖွင့်ကာ ထိုပို့စ်ကို စတင်ဖတ်ကြည့်လိုက်သည်။ ထိုပို့စ်ကို စီးပွားရေးဌာန စတုတ္တနှစ်ကျောင်းသား လီကျွင်းရုံမှ ထပ်ဖြည့်ခဲ့သည်။ သူက မူရင်းပို့စ်ကို ရည်ညွှန်းထားရုံသာမက သူမတို့နှစ်ဦးစလုံး Bentleyကားအတွင်းသို့ ဝင်သွားပုံကို အထူးသဖြင့် လီရှင်းယွင်၏ မျက်နှာကို ရှင်းရှင်းလင်းလင်း မြင်ရသည့်ပုံကို တွဲတင်ထားခဲ့သည်။
လီရှင်းယွင်က ဒီလူကို သိရှိခြင်းမရှိသလို သူမက သူ့ကို ဘယ်တုန်းက စိတ်ဆိုးအောင် လုပ်ခဲ့မိလဲဆိုတာကိုပင် သေချာမသိခဲ့ဘူး။ သို့သော် စီးပွားရေးဌာနမှ ပြောသောအခါတွင် သူမအား စိတ်အနှောင့်အယှက်ဖြစ်စေခဲ့သော ကုန်းယိလင်းကို အမှတ်ရခဲ့မိသည်။
ဒါက သူနဲ့ သက်ဆိုင်နိုင်မလား။ ဒါက ဖြစ်နိုင်မယ့်ပုံပဲ။ သူမက သူ့ကို ဘာလုပ်ခဲ့မိလို့လဲ။ သူမက သူ့ကို ငြင်းဆန်လိုက်ရုံသာ လုပ်ခဲ့သည်လေ။
သူမသည် သူမမိခင်ဖြစ်သူရဲ့ စာကြည့်ခန်းထဲသို့ ဝင်သွားခဲ့ပြီး ဒီမတော်တဆမှုအကြောင်းကို ပြောပြလိုက်သည်။ သူမမိခင်က ခေါင်းညိတ်ပြီးတော့ ပြောလိုက်သည်။ "အမေ ဒီအကြောင်းကို သိပြီးပြီ၊ သိပ်မကြာခင်မှာ ရှင်းလင်းချက် တင်ပေးမယ်။"
လီရှင်းယွင်က အနည်းငယ် အံ့အားသင့်သွားပြီးနောက်တော့ ထိုအကြောင်းကို နားလည်သွားသည်။ "ကျေးဇူးပါ မေမေ" ဒါက အဓိပ္ပါယ်ရှိတယ်။ ဒီသတင်းက လူကြိုက်အများဆုံးစာရင်းမှာ ပါဝင်နေပြီ။ သဘာဝအားဖြင့် တစ်စုံတစ်ယောက်က သူမအမေကို ဒီသတင်းအား ပြောပြခဲ့လိမ့်မည်။
ဖန့်ကျွင်းရုံက ပြောလိုက်သည်။ "ဒီကိစ္စရဲ့ နောက်ကွယ်မှာ တစ်ယောက်ယောက် ရှိတယ်ဆိုတာ သေချာတယ်။ ဒီလောက် အချိန်တိုလေးအတွင်းမှာ ပြန်လည်ဝေမျှတဲ့ အကြိမ်ရေပေါင်း တစ်သောင်းကျော်လောက်ရှိတဲ့ အခြားအကြောင်းပြချက် မရှိဘူး။"
