Unicode
အခန်း (၂၄၅) – "ငါ့မှာ တူမတစ်ယောက်ရှိမှန်း ငါက ဘာလို့မသိရတာလဲ" (၂)
စာရေးသူ - Zhái Miāo (宅喵)
ဘာသာပြန်သူ - No Noe ( Miracle_Phyu97)
ဝိုင်နိုင်ငံတွင် ဖန့်ကျွင်းရုံသည် ဆံပင်ကြီးထွားဆေးခရင်မ်ကြောင့် ချက်ချင်း နာမည်ကြီးလာသည်ဟု ဆိုနိုင်သည်။ ရှင်းယွင်ရဲ့ အကြိုက်ဆုံး လုပ်ဆောင်ချက်ကတော့ အင်တာနက်ပေါ်ရှိ သူမမိခင်ဖြစ်သူကို ချီးကျူးသည့် မှတ်ချက်များကို စခရင်ရှော့ရိုက်ယူရခြင်း ဖြစ်သည်။
[တစ်နေ့မှာ ငါ့ဆံပင်တွေ ထူထဲလာမယ့်နေ့ ရှိလာလိမ့်မယ်လို့ ငါ ဘယ်တုန်းကမှ မထင်ခဲ့ဘူး။ ဖန့်က နတ်သမီးတစ်ပါးလိုပါပဲ။]
[ဒီထုတ်ကုန်အကြောင်း ငါတို့ကို သိခွင့်ပေးတဲ့အတွက် ကျေးဇူးပါ၊ မင်းသား ဂျက်ဖ်။ ငါလည်း သူတို့ရဲ့ အလှအပဆေးလုံးအကြောင်းကိုလည်း အကြံပေးရဦးမယ်။ သူတို့သည်လည်း ထပ်တူထပ်မျှ အံ့သြဖွယ်ရာ တစ်ပါးပဲ။ ကံမကောင်းတာက သူတို့ကို ဝယ်ယူလျှင် တစ်ကြိမ်ကို တစ်ဗူးပဲ ဝယ်လို့ရတယ်။]
[ငါ့ရဲ့ တရုတ်လူမျိုး ကျောင်းနေဖက် သူငယ်ချင်းတွေဆီကနေ ကြားတာ ဒီထုတ်ကုန်နှစ်ခုကို တရုတ်ပြည်မှာ ပိုစျေးသက်သာတယ်လို့ ပြောတယ်။ ငါကတော့ တရုတ်ပြည်က သူ့သူငယ်ချင်းတွေဆီ အကူအညီတောင်းဖို့ စီစဥ်နေတယ်။]
[ဒါက တရုတ်မှော်ပညာပဲ ဖြစ်ရမယ်။ အာရှအစွမ်းက ငါတို့ကို ကယ်တင်ခဲ့တာပဲ။]
ဖန့်ကျွင်းရုံသည် ဒီမှတ်ချက်တွေကို ဖတ်ရတာက သူမကို ပျော်ရွှင်စေကြောင်း ဝန်ခံရပေမည်။ ပြည်တွင်းသတင်းတွေကို ပြန်ကြည့်တော့လည်း သူတို့ကို နေရာအနှံ့ မြင်တွေ့ရသည်။
"တရုတ်အမျိုးသမီးက မင်းသားတစ်ယောက်ကို အနိုင်ယူနိုင်ခဲ့တယ်။"
"အမျိုးသားတစ်ဦးကို သူ့ကိုယ်သူ ယုံကြည်မှု ပြန်ရစေတဲ့အရာက ဘာလဲ။"
ဒီခေါင်းစဥ်တွေက ဖန့်ကျွင်းရုံကို ရှေ့နေသတိပေးစာ ပေးပို့စေချင်လောက်သည့်အထိ အသည်းတယားယား ဖြစ်စေသည်။ သူမ ပြောနိုင်တာကတော့ ဒီသတင်းရေးသူတွေက အရှက်ကင်းမဲ့တဲ့သူတွေပဲ ဖြစ်သည်။
