[Unicode]
Chapter-29 (ယာဉ်မှူး ဂျက်စီကာ)တုရှန်း အာကာသယာဉ်ပျံရလိုက်ပေမဲ့ သူမမောင်းတတ်ဘူး။ဒါပေမဲ့ ကံကောင်းတာက အခုငှါးထားတဲ့နေရာက ပုံမှန်ယာဉ်ပျံအငှားတွေနဲ့မတူဘဲ အာကာသယာဉ်ပျံနဲ့အတူ အယ်လ်ဖာ မိန်းကလေးတစ်ယောက်ကို ထည့်ပေးလိုက်ထားတာကြောင့် အဆင်ပြေသွားတယ်။
"ဟယ်လို ကျွန်မက ဂျက်စီကာ လု ပါ။ဂျက်စီကာလို့ပဲခေါ်နိုင်ပါတယ်။"
ထိုအယ်လ်ဖာမိန်းကလေးယာဉ်မှူးက ပင်လယ်ဓားပြဝတ်စုံ နပိုလီယွန် ဦးထုပ် ရွက်လှေစီးဘွတ်ဖိနပ်တို့ကိုဝတ်ဆင်ထားတယ်။သူမရဲ့ အသားအရေက လူမျိုးစပ်အသားအရေရှိပြီး မျက်နှာပုံစံက ကွဲကွဲပြားပြားမရှိပေမဲ့ မျက်လုံးအပြာရောင်ရှိပြီး ရွှေဝါရောင်ဆံပင်နဲ့ ပါးပေါ်မှာအစက်အပြောက်လေးတွေတော်တော်များများရှိနေတယ်။ဒါပေမဲ့ ဒီလိုပုံစံက ရုပ်ဆိုးနေတာမျိုးမဟုတ်ဘဲ အရပ်ကလည်း တုရှန်း ထက်ရှည်တာကြောင့် သူမပုံစံကတကယ့်ကို ကြမ်းတမ်းတဲ့ယာဉ်မှူးနဲ့တူနေတယ်။
"ကျွန်တော့် နာမည် တုရှန်း ပါ"
တုရှန်း သူမပုံစံနဲ့ပတ်သက်ပြီး သိပ်ပြီးစိတ်ဝင်မစားတာကြောင့် ယာဉ်ပေါ်မှာ ဝင်ထိုင်လိုက်ပြီးနောက် ထိုင်ခုံခါးပတ်ကို မြန်မြန်ဆန်ဆန်ပတ်လိုက်တယ်။
ဂျက်စီကာ တစ်ယောက် ဆေးလိပ်ကိုပင့်မရင်း ထိန်းချုပ်ခန်းထဲကိုဝင်သွားတယ်။ထိန်းချုပ်ခန်းရဲ့အကျယ်က အတော်လေးကျယ်တာကြောင့် တုရှန်း တစ်ယောက် သူမ သောက်နေဆဲ ဆေးလိပ်ငွေ့တွေက ယာဉ်ထဲ ဝဲပျံနေတာကိုမြင်နေရတယ်။
တုရှန်း သူ့မှာ ယာဉ်ပျံမောင်းနှင်လိုင်စင်မရှိပေမဲ့ ဒီလိုအပြုအမူမျိုးက တရားမဝင်ဘူးဆိုတာတော့ သူသိတယ်။
"မြန်မြန်လေးမောင်းပေးပါ"
သူမက ကျွမ်းကျင်သူဟုတ်မဟုတ် တုရှန်း ဆန်းစစ်ဖို့အထိစိတ်မဝင်စားအားပေ။
ဂျက်စီကာ မီးခိုးခေါင်းတိုင်ကို မြှင့်လိုက်ပြီး
"စိတ်မပူပါနဲ့ အိုမီပေါက်ရဲ့...ကျွန်မအမေက အာကာသယာဉ်ပျံပြိုင်ပွဲတိုင်းရဲ့ နှစ်တိုင်းချန်ပီယံလေ"
YOU ARE READING
အမှတ်အသားပေးရမဲ့ Omega က ငါ့ထက်အသက်ကြီးနေတယ်(Myanmar Translation)
Fantasyဒီနေ့ ငါအချစ်တွေကိုလျစ်လျူရှုတယ်ပေါ့ နောက်နေ့ကျ ငါသူ့ကိုကန်ထုတ်ပစ်ဦးမယ် ဒီေန႔ ငါအခ်စ္ေတြကိုလ်စ္လ်ဴရႈတယ္ေပါ့ ေနာက္ေန႔က် ငါသူ႔ကိုကန္ထုတ္ပစ္ဦးမယ္... #MyanmarTranslation #One_One #ABO World