[Unicode]
Chapter-30 (ငါ့မိန်းမနားကဝေးဝေးနေကြစမ်း)Star D ဟိုတယ်တွင် တုရှန်း တည်းနေပြီး အတွေးတွေများကာ အိပ်မပျော်နိုင်ဖြစ်နေတယ်။သူ့စိတ်ထဲမှာ ယန်ကျိ မသေသေးမှန်း ခံစားနေရပေမဲ့ ဒီလို အပျက်အစီးအများကြီးထဲမှာ
ယန်ကျိ အသက်ရှင်နေနိုင်ဖို့ကလည်း ဖြစ်နိုင်ပါ့မလား။ဒီခံစားချက်တွေက လွန်ဆွဲနေပြီး သူ့ရဲ့စိတ်ကို နာကျင်အောင်ဆုတ်ဖြဲနေကာ အခုလိုခံစားနေရတဲ့အခိုက်အတန့်မှာ ယန်ကျိ က သူ့ဘဝအတွက် ပိုပြီးအရေးပါလာသည့်သူတစ်ယောက်ဆိုတာ ပုံမှန်ထက် ပိုသိသာလာခဲ့တယ်။တစ်ချိန်တည်းမှာပဲ Star C ရဲ့မင်းသား ယန်ချူး ကတော့ ကြင်ယာတော် ကျားလင် ကို ပျော်ရွှင်စွာပွေ့ဖက်ထားတယ်။
"မင်းသိလား...ယန်ကျိ အဲ့လောက်အားနည်းတာ မင်းကော ယန်ကျိ ကို နတ်ဘုရားလို့ထင်သေးလား။သူက mecha သာမရှိရင် နေရောင်အောက်မှာဆိုရင်တောင် သေမဲ့လူစားပါ"
(လူမြင်ကွင်းထဲ နေ့ခင်းဘက်မှာတောင် လုပ်ကြံလို့ရတယ်)ယန်ချူး တစ်ယောက် ကျားလင် ကို ပြောပြနေတယ်။
ကျားလင် က ကိုယ်ဝန်ရှိနေတာကြောင့် အရက်သောက်လို့မရပေမဲ့ သူဝိုင်ခွက်ကိုယူကာ ယန်ချူး သောက်ဖို့ငှဲ့ပေးလိုက်တယ်။ဒီညမှာတော့ ယန်ချူး အရမ်းပျော်နေတယ်။ယန်ကျိ ဆိုတဲ့ တောင်ကို ဖြိုလှဲပြီးပြီဆိုတော့ Star C က အနာဂတ်မှာ သူ့ကမ္ဘာဖြစ်လာတော့မှာ။
"မင်းသား ကျွန်တော်တို့နောက်တစ်ဆင့်က ဘာဆက်လုပ်ကြမှာလဲ"
ကျားလင် အနေနဲ့ အနာဂတ်အစီအစဉ်ကို မေးလိုက်တယ်။ ယန်ချူး ကို အခုလိုအနိုင်ပွဲလေးထဲမှာ ပျော်ရွှင်မနေစေချင်ဘူး။ယန်ကျိ မရှိတော့ပေမဲ့ သူ့ရဲ့အာဏာက အခုထိရှိနေသေးတယ်။
ယန်ချူး ထိုင်ခုံပေါ်က ကျားလင် လက်ကို ဆုပ်ကိုင်လိုက်ကာ ယုံကြည်ချက်အပြည့်တဲ့ရှိနေတဲ့ အကြည့်တွေဖြင့်ကြည့်ကာ
"မင်းဘာကိုစိတ်ပူလဲဆိုတာ ကိုယ်သိတယ်။ချက်ကောင်းကိုအမိဖမ်းနိုင်တာနဲ့ စစ်တပ်အာဏာက မကြာခင်မှာပဲ ကိုယ့်အပိုင်ဖြစ်လာလိမ့်မယ်"
YOU ARE READING
အမှတ်အသားပေးရမဲ့ Omega က ငါ့ထက်အသက်ကြီးနေတယ်(Myanmar Translation)
Fantasyဒီနေ့ ငါအချစ်တွေကိုလျစ်လျူရှုတယ်ပေါ့ နောက်နေ့ကျ ငါသူ့ကိုကန်ထုတ်ပစ်ဦးမယ် ဒီေန႔ ငါအခ်စ္ေတြကိုလ်စ္လ်ဴရႈတယ္ေပါ့ ေနာက္ေန႔က် ငါသူ႔ကိုကန္ထုတ္ပစ္ဦးမယ္... #MyanmarTranslation #One_One #ABO World