យប់បន្តិច ថេយ៉ុងបន្តនៅក្នុងផ្ទះបាយមិនយូរក៏ចេញមកជាមួយនិងទឹកដោះគោប្រាំកែវ នឹងលើកវាយកទៅសម្រាប់កូនៗទាំង៥របស់គេ រហូតមកដល់១កែវចុងក្រោយគេត្រូវយកទៅបន្ទប់របស់ជុងវ៉ុន មកដល់មុខបន្ទប់របស់គេ ថេយ៉ុងឈរគិតមួយសន្ទុះទើបសម្រេចចិត្តគោះទ្វាររួចក៏រុញវាចូលទៅ ។
ក្រាក!!
ថេយ៉ុងចូលមកដល់ខាងក្នុងក៏ក្រលេកឃើញជុងវ៉ុនកំពុងតែអង្គុយនៅតុរៀនរបស់គេ ដៃកាន់ប៊ិកសរសេរដោះស្រាយលំហាត់និងមេរៀនពីសាលាជាកិច្ចការផ្ទះត្រូវធ្វើជាចាំបាច់ ជួនអីពេលនោះគេក៏ងើបមុខក្រលេកទៅមើលនៅនិងទ្វារ ព្រោះឮសំឡេងច្រានទ្វារចូលមក ក៏ឃើញនុវដឹងថាគឺជាគេម្នាក់នោះ គ្រាន់តែដឹងថាជាគេភ្លាមខ្លួនក៏ឈ្ងោកមុខចុះវិញនិងសរសេរកិច្ចការបន្តធ្វើមិនខ្វល់ ។
« អ្នកណាអនុញ្ញាតឱ្យអ្នកចូលមក? »
« ខ្ញុំគ្រាន់តែយកទឹកដោះគោមកឱ្យតែប៉ុណ្ណោះ »
« ខ្ញុំមិនត្រូវការ »
ថេយ៉ុងដកដង្ហើមធំបន្តិច រួចក៏កាន់ថាសដាក់កែវទឹកគោរួចយកមកទុកក្បែរ ហើយឈរមើលអាល្អិតកំពុងធ្វើលំហាត់ដែលពិបាកមួយ គេព្យាយាមធ្វើព្រៀងច្រើនដងមកហើយប៉ុន្តែវាតែងតែខុសនិងមិនត្រូវចិត្តរបស់គេ ។
ធ្វើខុសមួយគេហែកចោលមួយនិងគប់ក្រដាសទៅក្នុងធុងសម្រាមនៅក្បែរជើង ទឹកមុខមិនអំណោយផល មិនដល់៥នាទីគេហែកខ្វោកៗរហូតច្រើនដងធ្វើឱ្យគេម៉ួរ ម៉ៅក៏ដំតុផាំង នាំឱ្យភ្ញាក់ព្រឺតដល់ថេយ៉ុង ប៉ុន្តែគេក៏ដឹងថាអាល្អិតនេះច្បាស់ជាត្រូវការជំនួយ គ្រាន់តែគេមិនហ៊ានហារមាត់សួរខ្លួនតែប៉ុណ្ណោះ ។
« ឱ្យខ្ញុំជួយទេ? »
« មិនបាច់!! កុំមកខ្វល់ » មិនខ្វល់ជំនួយរបស់មនុស្សធំ ទោះបីគេត្រូវការប៉ុណ្ណាក៏ដោយ ថេយ៉ុងញញឹមបន្តិចព្រោះដឹងថាក្មេងនេះមាត់រឹង
« តែខ្ញុំចង់ជួយឯង »
« ហ្ហឹស! ល្អ អ៊ីចឹងធ្វើវាឱ្យអស់ទៅ » ជុងវ៉ុនដោយហេតុគិតថាគេរញ៉េរញ៉ៃខ្លួនខ្លាំងពេក គេក៏រុញសៀវភៅទៅឱ្យថេយ៉ុងទាំងកម្រោល ដោយចង់ឱ្យគេជាអ្នកធ្វើឱ្យទាំងអស់ ហើយខ្លួនបែរជាទាញកែវទឹកដោះគោទៅអង្គុយផឹកលើពូកធ្វើព្រងើយ ទាំងដែលមុននេះប្រាប់ថាមិនត្រូវការនោះអី
YOU ARE READING
🍑មន្តស្នេហ៍កំលោះពោះម៉ាយ🚬 ( ចប់ )
Fanfictionផែនដីក្រឡាប់ចាក់ មនុស្សស្អីតាំងពីកំលោះមកដល់ពោះម៉ាយកូនប្រាំហើយ រកប្រពន្ធជាប់លាប់និងគេ១ក៏គ្មាន មិនមែនលែងលះទៅឯណាទេ គឺពួកគេនិងស្លាប់ដោយគ្មានមូលហេតុនៅដែលបានចូលមកមានមេត្រីភាពជាមួយនាយម្នាក់នេះ ។ នេះជាបិសាចលើគ្រែច្បាស់ណាស់ ឬតើនាយជាប់បណ្ដាសារឬយ៉ាងណា? ...
