සඳට පෙම් බඳින්නම් BOOK 02 | [COMPLETED]

126

සඳට පෙම් බඳින්නම්... 🖤🌙
126

⚡🖤⚡♥️⚡🖤⚡♥️⚡🖤⚡♥️⚡🖤⚡

සඳලුතලයට වී උරුවම් බාමින් සිටියේ කවුරුන්දැයි නුරායා වටහාගත්තේ ඒ සිවුරුවම් හඬෙහි වූ ස්වරයෙනි. එය නදීෂ්ටම උරුම වූ තාලයකි. එනිසයි නුරායා ඔහුට නොපෙනුනත් ගස්සාගෙනම විත් රූපවාහිනිය ඉදිරියේ වූ ඔහුට පිටුපා අසුන්ගත හැකි සෝෆාවේ අසුන්ගත්තේ. කල්පනාව දුර ඈතට ගියේ, නදීෂ්ගෙන් ගැලවෙන්නේ කෙසේදැයි කියා සිතාගත නොහැකි වූ නිසාවෙනි. මේ මොහොත වනවිට තමා ගැලවිය නොහැකි ලෙස ඔහුගේ උඟුලට හසුවී සිටින බව නම් නොරහසකි. නමුත් කරබාගෙන සිට ඵලක් නැත. නමුත් ගැලවෙන්නේ කෙසේදැයි කියාත් අදහසක් නැත.

මුළු ඔළුවම අවුල් ජාලයක් වද්දී නුරායාගේ දෙනෙත් ඉදිරියේ එහෙ මෙහෙ ගියේ අතැඟිලි කීපයකි. මොහොතකට ඒ රදීෂ් බව සිතුනත්, ඊළඟ මොහොතේම ඒ ඔහු නොවන බව වැටහුනේ, තම දෙනෙත් අභියස එහෙ මෙහෙ යන අතැඟිලි දකුණතක වූ නිසාවෙනි. එසේනම් නිසැකවම මේ නදීෂ් ය.

"මොකෝ... බර කල්පනාවක?" නදීෂ් විමසුවේ නුරායා අසලින්ම අසුන්ගෙන සිනාසෙමිනි. විටෙක ඔහුගේ සිතටත් එන්නේ අමුතුම සිතුවිලිය. ඈ නිහඬව සිටින විට දී ඇයව ඇවිස්සීමට සිත දුන්නත්, ඈ කතා කරන විට ඇයව නිහඬ කරවීමටමයි සිතෙන්නේ. නදීෂ් නම් අවුල් ජාලයකි. නුරායා තද රැවුමක් පමණක් ඔහු දෙසට හෙළා නැවත වතාවක් තම කල්පනාව ආරම්භ කළේ මෙවැනි පහත් මිනිහෙක් සමඟ තමාට කතා කළ යුතු යමක් නොවූ නිසයි.

සිනාසෙමින්ම සෝෆාව මතට තම පාද ගත් නදීෂ් ඒවා නුරායාගේ දෙපා මතින් තැබුවේ ඈ නම් ඔහු දෙස රවා බලද්දීයි.

"මොකද රවන්නේ ආහ්?" නුරායා නිකට මතින් තම යටිපතුල තබමින් ඔහු විමසුවේ ඇහි බැමක් ඔසවමිනි.

"මසාජ් කරනවා..." නදීෂ්ගේ නියෝගය එලෙස පිටවුණේ ඔහු නැවත වතාවක් තම පාදය ඇයගේ දෙපා මතින් තැබූ පසුයි.

"මට බෑහ්!" නුරායා සැනින් ප්‍රතික්ෂේප කළේ නදීෂ්ගේ දෙපා තම දෙපා මතින් ඉවත් කිරීමට උත්සාහ දරමිනි. "ඒහ්.. වැඩිය සෙල්ලම් දාගෙන එන්න එපා මාත් එක්ක රායා හරිද? කිව්ව දේ කරනවා! නැත්නම් දන්නවනේ මගේ හැටි?" නදීෂ් නැවත වතාවක් තර්ජනය කළෙන් නුරායා කටත් ඇද කරගෙන නදීෂ්ගේ දෙපා සම්භාහනය කිරීම ආරම්භ කළේ ඔහු නම් කට කොනකින් සිනාසෙමින්ම ඈ දෙස බලා සිටිද්දීයි. මුව ඇද කරගෙන නුරායා තම දෙකකුල් සම්භාහනය කරමින් සිටී ආකාරය ඔහුගේ සිත් ගත්තා. එකට තද වී තිබුණු ඇයගේ දෙතොල් දෙස බොහෝ වේලාවක් බලා හිද නදීෂ් මොනා කල්පනා කළා දැ යි දන්නේ ඔහුම පමණි. "තමුසෙගෙත් මාර ගණන් නේ තියෙන්නේ?" ඔහු සිතින් සිතුවායැයි සිතුවත් එය මුවින් පිටවූයේ නොසිතූ මොහොතකය.