၁၉၉၃ခုနှစ် 🎥
ချစ်ချစ်တောက်ပူနေသည့် နေမင်းကြီး၏
အပူဒဏ်ကို ကာကွယ်ပေးထားသည့်မန်ကျည်းပင်ကြီးသည် ရွာငယ်လေး၏
အလယ်တွင်ထီးထီးမားမားတည်ရှိေနသည်။မန်ကျည်းပင်ကြီးသည် နေေပျာက်ထိုး၍ မရနိုင်ေလာက်အောင်ပင် အရွက်များဝေနေသည်။ ဆောင်းလလယ်မို့ နေ့ဆိုလျှင် အလွန်ပူကာ ညချမ်းရောက်လျှင် အလွန်ချမ်းအေးလေပြီဖြစ်သည်။
"ဗိုလ် ကျား သေနတ် ကိုယ်ကြိုက်တာ ကိုယ်လုပ်"
နှစ်ရှည်အပင်ကြီးဖြစ်သော မန်ကျည်းပင်ကြီး၏ အရိပ်အာဝါသ အောက်တွင် ကလေးသုံးယောက်သည် ဆူဆူညံညံဖြင့် ကစားနေကြသည်။
ထိုကလေးသုံးယောက်သည် ဗိုလ်ကျားသေနတ်ဟူေသာ ကစားနည်းကို အလုအငြင်းကစားနေကြခြင်းဖြစ်သည်။
"ဗိုလ်ကျားသေနတ် ကိုယ်ကြိုက်တာ ကိုယ်လုပ်" ဟူသော သံပြိုင်စကားဆုံးတိုင်း ကိုယ့်လုပ်ချင်သည့် အနေအထားကို ရွေးချယ်ပြီး တစ်ဖက်လူကို အနိုင်ယူရသည့်ကစားနည်းဖြစ်သည်။
ဗိုလ်လုပ်ချင်သူက ဗိုလ်ပုံစံ ခါးထောက်ပြရသည်။ကျားလုပ်ချင်သူက မာန်ဖီနေသော ကျားပုံစံရစေရန် လက်ကလေးများကိုကုတ်ကာ နဖူးပေါ်တွင်တင်ကာ ဝေါင်း ဟု အော်ရသည်။သေနတ်လုပ်ချင်သူက လက်ညိုးနှင့်လက်မကို သေနတ်ပုံစံလုပ်ကာ ဒိုင်းဟုေအာ်ရသည်။
"ဗိုလ် ကျား သေနတ် ကိုယ်ကြိုက်တာကိုယ်လုပ်.."
အရပ်ရှည်ရှည်၊ ပိန်ပိန်သွယ်သွယ်၊ အသားခပ်လတ်လတ်နှင့် ကောင်လေးမှ သံပြိုင်ခေါ်လိုက်သည့်စကားဆံုးသည်နှင့် ထိုကောင်လေးနှင့်အတူ ကျန်သည့်ကလေးနှစ်ယောက်တို့သည် ကိုယ်ကြိုက်သည့်အေနအထားကို အလုအငြင်းသူ့ထက်ငါဦးအောင် လုပ်ကြသည်။
"ဟာ မရပါဘူး ငါက သေနတ်အရင်လုပ်တာနော် ဆုလဲ့.."
"နင်မညစ်နဲ့နော် နောင်ရိုး သေနတ်က
ငါအရင်လုပ်တာ.."
"နင်ကသာ ညစ်ပတ်တာ သေနတ်ကငါ
နင်က ကျန်တဲ့ကျားပဲလုပ်ရမှာပေါ့ ဒိုင်း...
ငါပစ်လိုက်ပြီ .. ငါနင့်ကို နိုင်ပြီပဲ "
"နောင်ရိုးနော် နင် အဲလိုလုပ်လို့မရဘူး..ထိန်လင်းကဗိုလ် နင်ကကျား ငါကသေနတ်ပဲ ..နင်အကျင့်မယုတ်နဲ့ဟာ"
YOU ARE READING
ခွင့် (Unicode+Zawgyi)
Romanceတစ်ဘဝစာဖြစ်ဖြစ်၊ တစ်ခဏတာဖြစ်ဖြစ် အသက်ရှင်သန်ကျန်ရှိနေတဲ့ တစ်လျှောက်လုံး ချစ်ရသူ အနားမှာပဲ နေခွင့်ရချင်တယ်။
