I'm a Chef in the Modern Era [Myanmar Translation]
Obsah

    ČTEŠ

    I'm a Chef in the Modern Era [Myanmar Translation]

    Fantasy

    Name 我在现代做厨子[美食] Wǒ zài xiàndài zuò cr húzi [měishí] Author(s) 桃子苏 (Táozi sū) Translator(s) Exiled Rebels Scanlations Chapter 125chapters(118chapters+7extras) Status in COO Completed Myanmar Translation start date 6.4.2020

    #chef #comedy #food #modern #shounenai #transmigration

    Chapter - 58

    3.7K 789 32 
                                        
    
                                              
    Unicode
    
                          
    ဝက်အသည်းနဲ့တရုတ်နံနံ
    _________________
    
                          
    အစားကောင်းတွေရဲ့သွေးဆောင်ဖျားယောင်းမှုကို ရက်အတော်ကြာအောင် တစ်ဆက်တည်းခံရပြီးနောက်မှာတော့ ရှန်ဖူ့ရဲ့အစားကောင်းကြိုက်စိတ်လေး ပလုံသွား‌ချေပြီ။ နေ့တိုင်း အစားကောင်းတွေစားနေရတာ ကောင်းပါတယ်၊ ဒါပေမယ့် နေ့တိုင်းပြည့်အင့်နေအောင်စားရမယ်? အဲ့လောက်အများကြီး မစားနိုင်ဘူးလေ။
    
                          
    တော်သေးတာက လင်ရှုယီရဲ့စမ်းသပ်မှုတွေ ပြီးသွားပြီမို့ နောက်ဆုံးတော့ သူ ရပ်လိုက်လို့ရချေပြီ။ ဟင်းလျာစာရင်းက အတည်ဖြစ်တော့မည်ဖြစ်ကာ အခု သူတို့လုပ်ရမှာက ဟင်းလျာတွေကို အရသာရှိမယ့်ဟင်းပွဲပုံစံ အလှဆင်ဖို့သာဖြစ်သည်။
    
                          
    ဤသို့ဖြင့် ရှီချင်စားသောက်ဆိုင်ရဲ့ ဒုတိယအကြိမ်ဖွင့်ပွဲက နီးကပ်လာခဲ့၏။ ဆိုင်က အရင်ကရှီချင်စားသောက်ဆိုင်ဖြစ်နေသေးသော်လည်း အားလုံးကတော့ ပြောင်းလဲသွားပြီဖြစ်၏။ အဖိုးအိုယန်ရဲ့ရည်ရွယ်ချက်က နာမည်ထွက်အောင် ဖွင့်ပွဲအကြီးကြီးလုပ်ဖို့နဲ့ အရင်က ခေါက်ဆွဲဆိုင်သေးသေးလေး မရှိတော့ဘူးဆိုတာ လူတိုင်းသိအောင်လုပ်ဖို့ဖြစ်သည်။
    
                          
    ခေါက်ဆွဲဆိုင်အကြောင်းပြောကာမှ ဒီလထဲမှာ ဒါမှမဟုတ် ရှီချင်စားသောက်ဆိုင်ကို ပြန်ပြင်ဆင်နေဆဲမှာပင် ခေါက်ဆွဲစားဖို့အတွက်မျှော်လင့်လျက် ရောက်လာခဲ့ကြသည့်ဖောက်သည်များမှာ အဆုံးမရှိခဲ့ချေ။ တချို့က အရင်က ပုံမှန်ဖောက်သည်များဖြစ်လျက် တချို့ကတော့ စားသောက်ဆိုင်အကြောင်းကြားကာ ကပ်ပါလာကြခြင်းဖြစ်လေ၏။
    
                          
    ရှီချင်စားသောက်ဆိုင်ကို ပြန်ပြင်ဆင်နေဆဲဖြစ်တာကိုမြင်လိုက်ရတာက သူတို့အားလုံးကို စိတ်ပျက်သွားစေသည်။ သို့သော်ငြား ဟင်းလျာစာရင်းကို တိုးချဲ့ပြင်ဆင်နေပေမယ့် သူတို့ ခေါက်ဆွဲကြိုက်ရင် ခေါက်ဆွဲလည်း ဆက်ရောင်းမှာဖြစ်တဲ့အကြောင်း အဖိုးအိုယန်က သူတို့ကိုပြောခဲ့သည်။ လင်ရှုယီလည်း ထိုသို့ပင်ဆုံးဖြတ်ထား၏။
    
                          
    ထို့အတွက် သူတို့ထဲကအတော်များများက ဒုတိယအကြိမ်ဖွင့်ပွဲမှာ သေချာပေါက်လာခဲ့ပါမည့်အကြောင်း ပြောကြားခဲ့ကြ၏။
    I'm a Chef in the Modern Era [Myanmar Translation]Kde žijí příběhy. Začni objevovat