Unicode
အမှန်တော့ ချောင်ရှောင် ဘာတံတွေးမှမထွေးမိလိုက်ဘူး၊ သူ့အထင်အမြင်သေးခြင်းကို ရှင်းရှင်းလင်းလင်းဖော်ပြရန်သာ ထိုကြွပ်ဆက်ဆက်အသံကျယ်ကို သူကသုံးလိုက်ရုံဖြစ်တယ်။
နားကပ်ဝတ်လူက သူအရမ်းသတ္တိရှိလိမ့်မယ်လို့ မျှော်လင့်မထားပေ၊ သူက အရှက်ခွဲခံရခြင်းကြောင့် ဒေါသနှင့်ပေါက်ကွဲလေ၏၊
" ယီးလိုမှပဲ သေလမ်းရှာနေတာလားကွ! "ထို့နောက် လက်သီးတစ်လုံးက ချောင်ရှောင်မျက်နှာဆီ ရုတ်ခြည်းပင် တစ်ဟုန်ထိုးတိုက်ခိုက်လို့လာတယ်။
ဝေ့ကျားယွီမှာ စိတ်တင်းထားရသောကြောင့် အလွန်စိတ်လှုပ်ရှားနေကာ၊
" ရမ်ခေါ့၊ သူ့ကိုမရိုက်နဲ့! ငါတို့တစ်ယောက်နဲ့တစ်ယောက်မရင်းနှီးဘူးကွ၊ မင်း... "သူ့မှာ စကားပြောလို့ပင်မပြီးသေး၊ မမျှော်လင့်ဘဲ ရမ်ခေါ့၏ကြောက်လန့်ဖွယ်ဟစ်အော်သံအကျယ်ကြီးကြောင့် ဖြတ်တောက်ခံလိုက်ရတယ်။
မျက်မှောက်မြင်ကွင်း၌ အခြားလူတွေလည်း အံ့ဩတုန်လှုပ်ကုန်ကြတယ်။
ချောင်ရှောင်က နားကပ်ဝတ်လူ၏လက်ကိုခါထုတ်ကာ ဝေ့ကျားယွီကိုဆွဲခေါ်သွားတော့၏၊
" အဲဒီ့မှာ ကြောင်တောင်တောင်နဲ့ဘာရပ်လုပ်နေတာလဲ! အမြန်ပြေးလေ! "ဝေ့ကျားယွီမှာ တုံ့ပြန်တာ အနည်းငယ်နောက်ကျသွားတယ်၊ သူ့မှာ လုံးဝကိုတအံ့တဩဖြစ်နေတာ၊
" မင်း... "သည်ဆင်းရဲသားတစ္ဆေလေးက အရမ်းရက်စက်ကြမ်းကြုတ်တာပဲ!
အခုလေးပဲ လူတိုင်းထင်ခဲ့တာက သူ့ခြေထောက်များလွတ်သည်အထိ အချီခံထားရသည့်ကလေးတော့ မညှာမတာအရိုက်ခံရပြီဟု၊ နားကြပ်ဝတ်လူသာ ထိုကလေး၏မျက်နှာကိုလက်သီးနှင့်တကယ်ထိုးရင် သူ့မျက်နှာတစ်ဝက်လောက်က ဖူးယောင်သွားမှာ၊ ဘယ်သူမှမထင်ခဲ့တာက ချောင်ရှောင်က သူ့ခေါင်းကိုငုံ့ရှောင်လိုက်ကာ တစ်ချိန်တည်းတွင် လူကြီး၏တံတောင်ကိုခပ်ပြင်းပြင်းရိုက်ရန် သူ့လက်နှစ်ဖက်လုံးကိုသုံးလိမ့်မယ်လို့၊ ထိုအပိုင်းက စိုးရိမ်ကြောင့်ကြစိတ်တွေအများကြီးကြောင့် သိပ်ရှောရှောရှူရှူမရှိလှဘူး၊ ဒါ့အပြင် နားကပ်ဝတ်လူက ချောင်ရှောင်၏ကော်လာကို ဆုပ်ကိုင်ထားဆဲဖြစ်နေတယ်၊ ဒီလိုရိုက်ချက်တစ်ခုအပေးခံလိုက်ရတော့ သူက သူ့လက်မောင်းမှခွန်အားတွေအားလုံးကို ချက်ချင်းဆုံးရှုံးသွားတယ်။
YOU ARE READING
ငါ့ရဲ့စာမလိုက်နိုင်တဲ့ထိုင်ခုံဖော်က ဘယ်လိုနှစ်သိမ့်မှုမှမလိုအပ်ဘူး [ဘာသာပြန်]
Teen Fiction◆ Title - My Underachieving Seatmate Doesn't Need Any Comforting ◆ Author - Long Qi《龙柒》 ◆ Total Chapters - 122 ◆ Genre - Comedy , Modern , Fluffy , School , Drama ◆ English Translator - Sleepy Little Mushrooms ◆ Myanmar Translator - Pandora_oo All c...