Worship Me, I Can Make You Rich (Myanmar Translation) U+Z (Complete)

Chapter 34 (U+Z)

-Unicode-

အခန်း ၃၄: ကိုယ်က အဲဒီသူဖြစ်ချင်တာ

ချိန်ကျန့်ရှန်ကို ဆေးတပ်က အရေးပေါ်ကုသဖို့ ခေါ်သွားတယ်။

သူ့ခေါင်းက တကယ်ကို သွေးတွေအရမ်းထွက်နေတယ်။

ဒါပေမဲ့ မမျှော်လင့်စွာနဲ့ပဲ သူတို့တွေ သူ့ကို လူနာတင်ထမ်းစင်ပေါ်တင်လိုက်တဲ့အချိန်မှာ ထမ်းစင်က ရုတ်ခြည်း ကျိုးကျသွားပြီး ချိန်ကျန့်ရှန်က မြေပေါ်ပြန်ကျသွားပြန်ရော။

ဆေးတပ်သားတွေက အားလုံး အံ့အားသင့်သွားကြတယ်။ ဒီထမ်းစင်က တော်တော်လေးအကြမ်းခံပြီး ခိုင်ခံ့တယ်။ ဒါက ဘယ်လိုလုပ်ပြီး ကျိုးသွားရတာလဲ။ ဒါရဲ့အရည်အသွေးက မီးလောင်ရင်တောင် မကျိုးမပျက်ဘဲ ခံနိုင်ရည်ရှိတယ်။

"ဒါက တကယ်အရမ်းထူးဆန်းတာပဲ...."

အဲဒါကြောင့် အလွန်ကြာရှည်တဲ့ ကမောက်ကမအခြေအနေကြီး အဆုံးတွင် ချိန်ကျန့်ရှန်ကို အောင်မြင်စွာ ခေါ်သွားလို့ရသွားတယ်။

ဒါက စစ်တပ်ရဲ့ဆေးအဖွဲ့ဖြစ်တာမို့ ဒုဗိုလ်ကြီးချိန်က သူ့သားကို အရေးပေါ်ကုသဆောင်ကို ခေါ်သွားတာနဲ့ ပတ်သက်ပြီး စိတ်အေးလက်အေးဖြစ်သွားတယ်။ ဘယ်လိုပဲဖြစ်ပါစေ သူ့ရင်ထဲမှာ နည်းနည်းတော့ စိုးရိမ်ကြောင့်ကြနေတုန်းပဲ။

"တောင်းပန်ပါတယ် ဗိုလ်ချုပ်ကြီး အခုတလော ကျွန်တော့်သားက ဘာဖြစ်နေမှန်းမသိပါဘူး။ သူက တကယ်အရမ်းကို ကံမကောင်းနေတာ။ နေ့တိုင်း လက်ကျိုးရင်ကျိုး၊ မဟုတ်ရင် ခြေကျိုးတယ်။ အရေးပေါ်ကုသဆောင်ကို ခေါ်သွားရင်းတောင်မှပဲ ဖြစ်နေတုန်းပဲ။ ဘာတွေဖြစ်နေမှန်းတောင် မသိတော့ပါဘူး..."

ပြီးခဲ့တဲ့အခေါက်က သူ့ကို အရေးပေါ်ခန်းကို ခေါ်သွားတုန်းကလိုပဲ။ သဘာဝကျကျပြောရမယ်ဆိုရင် သင်တန်းကျောင်းမှာလည်း ဆေးကုသဆောင်ရှိတယ်။ အထူးသဖြင့် စစ်သင်တန်းကျောင်းလိုမျိုးနေရာမျိုးမှာ ဆေးကုသဆောင်ဆိုတာ ပိုတောင်မှလိုအပ်သေးတယ်။

ဒါပေမဲ့ သင်တန်းကျောင်းက ကုသကန်တွေအကုန်လုံးက အလုပ်မလုပ်တော့ဘူး။ အဲဒါက အရမ်းထူးဆန်းတယ်။