Burmese Translation of "After Marrying The Male God".Translator - ScartletAnemone
(၆)အိမ်မက်ဆိုး
________“ကိုယ်မလုပ်နိုင်တာ မဟုတ်ပါဘူး”
သူတို့ နောက်တစ်ဖန်ထပ်ပြီး စွဲမက်နှစ်သက်ဖွယ်ကောင်းသော အနမ်းမှာ ပျော်ဝင်သွားခဲ့ကြသည်။ ရေပန်းကပွင့်နေဆဲဖြစ်ပြီး တဖွားဖွား ကျဆင်းနေသောရေများက သူတို့၏ဆံပင်နှင့်ကျောပြင်များကို စိုစွတ်စေကာ အနည်းငယ်ကွေးညွတ်နေသော ကျောရိုးထက်ဆီသို့ ကျဆင်းနေခဲ့သည်။ ချီပိုင်ချာ သူ့ခေါင်းကိုမော့လိုက်ပြီး သူ၏တစ်ဝက်မျှမှိတ်နေသော မျက်ဝန်းများက အနမ်းကြောင့် ရီဝေနေခဲ့သည်။
သူ၏ခန္ဓာကိုယ်က အတော်လေးကို နီရဲနေခဲ့၏၊ ရေချိုးခန်းထဲရှိ မြင့်တက်လာနေသော အပူချိန်ကြောင့်ချည်းပဲတော့ မဟုတ်တာ သေချာသည်။ ဖူမင်ယယ်လည်းပဲ ထပ်တူညီစွာ ခံစားနေရမယ်မှန်း သူသိသည်၊ သူတို့၏အသက်ရှုသံတို့က တစ်ထပ်တည်းကျနေခဲ့ပြီး ပုံမှန်ထက်မြန်ဆန်နေခဲ့သည်။
ရေငွေ့ရိုက်ထား၍ မှုန်ဝါးနေသော ရေချိုးခန်းဖန်သားမှာ ပြတ်သားသော လက်ဖဝါးရာတစ်ခုက ထင်ဟပ်နေခဲ့သည်။ ချီပိုင်ချာက ဖန်သားထက်မှာ အဖိခံထားရပြီး သူ့နောက်ကနေ တရွေ့ရွေ့နီးကပ်လာနေသည့်အသံကို သူကြားနေရသည်။ သူ့အကြည်ကို အနည်းငယ် အောက်ချလိုက်ရင်း ဖူမင်ယယ်၏သိမ်းပိုက်မှုကိုခံဖို့ရာ အသင့်ပြင်လိုက်သည်။
ထို့နောက်မှာ သူ့အနောက်ကနေပြီး တဘက်နှင့် ခပ်ကြမ်းကြမ်း ပွတ်တိုက်ပေးတာကို ခံလိုက်ရ၏။
ဖူမင်ယယ်က သူ၏နောက်ကျောကို သုတ်ပေးနေခဲ့သည်။
သူ့နောက်ကျောကို သုတ်ပေးနေတယ်။
ချီပိုင်ချာ သူ့မျက်လုံးကိုပွင့်လိုက်ပြီး ဇဝေဇဝါဖြစ်စွာဖြင့် လှည့်ကြည့်လိုက်သည်။
“ခင်ဗျား…”
“ သေချာခြောက်အောင် မသုတ်ဘူးဆိုရင်… မင်း အအေးပတ်လိမ့်မယ်။ မင်း မချမ်းဘူးလား” ဖူမင်ယယ်က သူ၏ကိုယ်ပေါ်ရှိ ရေစက်များအားလုံးကို သေသေချာချာ သုတ်ပေးလိုက်သည်။ “ နေမကောင်းဖြစ်ရင် ခံစားရမယ့်သူက မင်းလေ”
YOU ARE READING
ဆိုးယုတ်ခြင်းနတ်ဘုရားနှင့် လက်ထပ်ပြီးနောက်[ Myanmar Translation]
RomanceStart date - 26.9.2021 Novel name - After marrying the evil god Author - Fu Bai Qu Status in COO - 104+ 12 extra Translation - Ongoing This is just a fan translation. I don't own any of this story , credit all to original author.