ဆိုးယုတ်ခြင်းနတ်ဘုရားနှင့် လက်ထပ်ပြီးနောက်[ Myanmar Translation]

အပိုင်းနှစ်ဆယ့်ရှစ်

Burmese Translation of "After Marrying The Male God".

Translator - ဂွေ့

(၂၈) သက်သေ
_____________________

"“ဒါဆိုငါ့ကိုသိပ်မယုံကြည်နဲ့”

______

အင်္ဂလိပ်အတန်း၏ သင်ခန်းစာတွေက အတော်လေးကိုရိုးရှင်းသညိ။ ဝေါဟာရအနည်းငယ်နှင့် သဒ္ဒါအနည်းငယ်ကိုသင်ပြီးတဲ့နောက်မှာ ကျောင်းသားတွေက ကွက်လပ်ဖြည့်တာတွေဖြေရသည်။ စုစုပေါင်း ရွေးချယ်ရသည့်မေးခွန်းတွေနဲ့ အုပ်စုတွေထဲဆွေးနွေးပြီး ဖြေဆိုကြရသည်။

သရုပ်ဆောင်အဖွဲ့နှင့် ဂီတအဖွဲ့က အတူတူရောနေသည်မို့ memberအချင်းချင်း ကူညီတာ ပုံမှန်ပင်။ သို့သော် ပရိုဂရမ် team က ယုယင်အတွက် အထူးအနေနှင့် ဒီလိုဆွေးနွေးတဲ့ပုံစံမျိုးလုပ်ထားပေးတာဖြစ်သည်။

ယုယင်က ဒါရိုက်တာဆွန်းစင်တင်ပေးထားသည့်သူ။ ဒီကလေးကို သူအလေးအနက်ထားပြီး လုပ်ပေးထားခြင်းဖြစ်သည်။ သူ့ကို ကမ်းခြေမှာရေနစ်နေတာကိုကယ်ပေးထားကာ သာခေါင်းကို သန္တာကျောက်တန်းတွေနဲ့ရိုက်မိသည်မို့ မှတ်ဉာဏ်ပျောက်ပြီး သူ့မိသားစုကိုရော၊ မိဘနာမည်တွေရော ဘာကိုမှ မမှတ်မိတော့ပေ။ ဒီကလေးက တစ်သီးတစ်သန့်နေတတ်ပြီး ဘယ်သူနဲ့မှ အဆက်အသွယ်မလုပ်ချင်တဲ့သူမို့ သူ့ကို ရသစုံရှိုးဆီပို့ပြီးလေ့ကျင့်ထားစေခြင်းပင်။ ဒါမှ လူတွေနဲ့ ဆက်သွယ်ပြောဆိုနိုင်မည်ဖြစ်သည်။

ဒါရိုက်တာဆွန်က ဒီနယ်ပယ်မှာ လူသိများတဲ့မို့ပရိုဂရမ်ကလည်း သူ့ကိုမျက်နှာသာပေးသည့်သဘောနှင့် ယုယင်ကို ဂရုစိုက်ပေးသညိ။ ထို့ကြောင့် အချင်းချင်းဆွေးနွေးတိုင်ပင်တယ်ဟု နာမည်တပ်ကာ သူ့အဖွဲ့သားတွေဆီကနေယုယင်ကို အဖြေကူးချခွင့် ပြုထားခြင်းပင်။ မဟုတ်ရင် ယုယင်ဘဲဥမကွဲတာ အဓိပ္ပါယ်မရှိ။

ဖူမင်ယယ်ကဘယ်ဂရုထဲမှာမှ မပါသလို အမှတ်လည်းမယူပေ ။ ထို့ကြောင့်သူ့မှာ အဖော်မရှိဘဲ တစ်ယောက်တည်းဖြေရသည်။

သို့ပေမယ့် ဆိုးယုတ်ခြင်းနတ်ဘုရားအတွက်တော့ အင်္ဂလိပ်က အသာလေးပါ။

သဘာဝနတ်ဘုရားတွေက ဘာသာစကားတိုင်းကို နားလည်ကြသည။ လေ၊ မိုးကြိုး၊ မိုး နှင့် နှင်းတွေက အခြေခံဖြစ်တာမို့ ထိုသဘာ၀နတ်ဘုရားတွေက ဘဝရဲ့ ဘယ်ဘာသာစကားကိုမဆို နားလည်ကြသည်။